ПЕСЬНЯ 7:12 - Кнігі Святога Пісання - Біблія - Біблія — пераклад Чарняўскага (выданне 2017 года)

Прыйдзі, улюбёны мой, пройдзем на поле, пабудзем за горадам.

Біблія (пераклад А.Бокуна)

Прыйдзі, любы мой, пойдзем у поле, пераначуем за горадам.

Біблія (пераклад В. Сёмухі)

Прыйдзі, любасны, выйдзем у поле, пабудзем у вёсках;

ПЕСЬНЯ 7:12 Крыжаваныя спасылкі

ПСАЛТЫР 122:5

Бо там пастаўлены пасады суду, пасады дому Давідава.

ПСАЛТЫР 43:4

І пайду я да ахвярніка Божага, да Бога весялосці ў радасці маёй. І буду вызнаваць Цябе на гуслях, Божа, Божа мой!

ПСАЛТЫР 73:25

Каго, апроч Цябе, маю я ў небе? І калі я з Табою, зямля мяне не захапляе.

ВЫХАД 25:22

І буду сустракацца там з табою, па-над перамольняй, паміж двух херубінаў, якія будуць над каўчэгам сведчання, буду гаварыць з табою пра ўсё, што загадаю праз цябе сынам Ізраэля.

ВЫСЛОЎІ 8:17

Я люблю тых, хто любіць мяне; і тыя, хто зранку пільнуе мяне, знойдуць мяне.

ЭКЛЕЗІЯСТА 9:10

Што толькі можа рабіць рука твая, выконвай несупынна, бо ў пекле, куды ты спяшаешся, не будзе ані працы, ані розуму, ані мудрасці, ані ведаў.

ПЕСЬНЯ 2:13

Фігавае дрэўца выдала пупышкі свае, вінаград цвіце і разлівае водар: устань, сяброўка мая, харашуня мая, і прыходзь,

ПЕСЬНЯ 2:15

«Злавіце нам лісаў, малых лісянят, якія вінаграднікі нішчаць, бо вінаграднікі нашы цвітуць».

ПЕСЬНЯ 4:13

Парасткі твае — гай яблыкаў гранатавых з адборнымі пладамі, кіпер з нардам.

ПЕСЬНЯ 4:16

Падыміся, вецер паўночны, наляці, вецер паўднёвы; павей на сад мой, і хай паплывуць пахі яго».

ПЕСЬНЯ 6:11

«Спусцілася я ў арэхавы сад, каб паглядзець на плады далін, каб зірнуць, ці квітнее вінаград, ці зелянеюць дрэвы гранатавыя.

ПЕСЬНЯ 7:11

«Я — для ўлюбёнага свайго, і да мяне — пажаданне яго.

ПЕСЬНЯ 7:6

Галава твая — як Кармэль, а валасы твае на галаве — як пурпур; валадар ублытаўся ў кучарах.

ІСАІ 18:5

Бо перад зборам вінаграду, калі квецень ападзе і плодная гронка даспее, абрэжа сучкі вінаградныя нажніцамі, а атожылкі адрэжа і выкіне;

ДЗЕІ 15:36

А праз некалькі дзён Паўла сказаў Барнабу: «Вернемся і наведаем братоў нашых ва ўсіх гарадах, у якіх мы прапаведавалі слова Госпадава, і паглядзім, як маюцца».

РЫМЛЯНАЎ 5:11

І не толькі гэта, але пахваляемся Богам праз Госпада нашага Ісуса Хрыста, праз Якога мы атрымалі цяпер прымірэнне.

2 КАРЫНФЯНАЎ 13:5

Самі сябе даследуйце, ці трымаецеся веры; самі сябе выпрабуйце. Ці не ведаеце аб саміх сабе, што Ісус Хрыстос у вас? Хіба толькі вы нягодныя?

ЭФЭСЯНАЎ 6:24

Ласка з усімі, якія любяць Госпада нашага Ісуса Хрыста ў незнішчальнасці. Амін.

ГАБРЭЯЎ 12:15

Пільнуйцеся, каб не згубіў хто ласкі Божай, каб які горкі корань, вырасшы ўверх, не зрабіў шкоды, і праз гэта каб не спракудзіліся многія,

ГАБРЭЯЎ 2:13

І яшчэ: «Я буду спадзявацца на Яго». Ды яшчэ: «Вось Я і дзеці, якіх даў Мне Бог».

ГАБРЭЯЎ 2:15

і каб вызваліць тых, што праз страх смерці на ўсё жыццё былі аддадзены ў няволю.

ГАБРЭЯЎ 4:16

Хадзем жа тады з даверам да пасада ласкі, каб атрымаць міласэрнасць і знайсці ласку на спрыяльную дапамогу.