ПСАЛТЫР 122 - Кнігі Святога Пісання - Біблія - Біблія — пераклад Чарняўскага (выданне 2017 года)

1 Песня ўзыходжання. Давідава.

¹ Песня ўзыходжання. Давідава. Узвесяліўся я тым, што сказалі мне: «Пойдзем у дом Госпадаў».

² Ужо стаяць ногі нашы ў тваіх брамах, Ерузалім.

³ Ерузалім, што быў пабудаваны як горад увесь заключаны ў адно цэлае.

⁴ Туды прыходзяць пакаленні, пакаленні Госпада, па законе Ізраэля, каб праслаўляць імя Госпада.

⁵ Бо там пастаўлены пасады суду, пасады дому Давідава.

⁶ Прасіце таго, што [прыносіць] супакой Ерузаліму: «Хай жывуць у супакоі тыя, што любяць Цябе!

⁷ Хай будзе супакой у Тваіх мурах, бяспека ў палацах Тваіх!»

⁸ Дзеля братоў маіх і блізкіх маіх прамоўлю: «Супакой Табе!»

⁹ Дзеля дому Госпада Бога нашага буду прасіць табе дабра.