ЁНЫ 2:6 - Кнігі Святога Пісання - Біблія - Біблія — пераклад Чарняўскага (выданне 2017 года)

Нахлынулі на мяне воды аж па горла, бяздонне ахутала мяне, марская трава абвіла галаву маю.

Біблія (пераклад А.Бокуна)

Нахлынулі воды на мяне аж да душы, глыбіня агарнула мяне навокал, травы марскія абвілі галаву маю.

Біблія (пераклад В. Сёмухі)

Абнялі мяне воды да душы маёй, бездань замкнула мяне; марскою травою абвіта была галава мая.

ЁНЫ 2:6 Крыжаваныя спасылкі

ЁВА 33:24

то злітуецца Бог над ім і скажа: “Вызвалі яго, каб не ішоў ён у магілу, бо Я знайшоў тое, у чым яму можа быць літасць”.

ЁВА 33:28

Ён вызваліў душу маю, каб не трапіла ў магілу, але, жывучы, бачыла святло”.

ПСАЛТЫР 104:6

Безданню, як шатамі, прыкрыў Ён яе, над гарамі стаялі воды.

ПСАЛТЫР 104:8

Падняліся яны на горы, і апалі ў лагчыны, на месца, якое Ты ім прызначыў.

ПСАЛТЫР 116:3

Ахуталі мяне путы смерці і пакуты пякельныя нахлынулі на мяне. Натрапіў я на бяду і пакуту.

ПСАЛТЫР 143:7

Хутчэй выслухай мяне, Госпадзе; змарнеў дух мой. Не хавай аблічча Твайго ад мяне, каб не стаў я падобным да сыходзячых у магілу.

ПСАЛТЫР 16:10

Бо не пакінеш душы маёй у пекле ды не дасі святому Твайму ўбачыць парахненне.

ПСАЛТЫР 18:5

Агарнулі мяне хвалі смерці, і віры Бэліяла ўстрывожылі мяне.

ПСАЛТЫР 30:3

Госпадзе, Божа мой, я ўсклікаў да Цябе, і Ты аздаравіў мяне.

ПСАЛТЫР 30:9

Да Цябе я, Госпадзе, клікаў і да Бога майго звяртаўся.

ПСАЛТЫР 55:23

Ускінь на Госпада клопаты твае, і Ён цябе падтрымае, не дасць Ён ніколі пахіснуцца справядліваму.

ПСАЛТЫР 65:6

Дзівосным чынам у справядлівасці Ты пачуеш нас, Божа збаўлення нашага, надзея ўсіх канцоў зямлі і далёкага мора.

ПСАЛТЫР 69:2

Збаў мяне, Божа, бо падступіліся воды аж да горла майго.

ІСАІ 38:10

Казаў я: «У палавіне дзён маіх пайду я да брамы пекла; прасіў я рэшту гадоў маіх».

ІСАІ 38:17

Вось жа, на супакой замянілася горыч мая. Ты вось вырваў душу маю з ямы загубы, кінуў за спіну Сваю ўсе грахі мае.

ІСАІ 40:12

Хто змераў жменяй воды, ды хто далонню змераў нябёсы? Хто меркаю ахапіў глебу зямную? Хто зважыў на вагах горы і на шалях узгоркі?

ЕЗЭКІІЛЯ 26:20

сцягну цябе з тымі, хто сыходзіць у магілу, да людзей даўніх часоў, і памяшчу цябе ў глыбінях зямлі, як руіны, навечна, з тымі, якія сыходзяць у магілу, так, каб больш не жыў ты ды больш не паўстаў у зямлі жывых.

ЕЗЭКІІЛЯ 31:14

каб ніводнае дрэва над водамі не падымалася ў вышыні сваёй і не падымала сваёй верхавіны пад хмары, і каб нішто, што бярэ сваю моц з вады, не стаяла ля іх у сваёй вышыні, бо ўсе яны аддадзены смерці ў краіне падземнай, сярод людзей, сярод тых, хто сыходзіць у магілу”.

АБАКУМА 3:10

убачылі Цябе і затрэсліся горы. Хмары вылілі воды, бяздонне выдала голас свой, увысь падняла рукі свае.

АБАКУМА 3:6

Ён стаў — і дрыжыць зямля, глянуў — і палохае народы. І распадаюцца горы векавыя, старадаўнія ўзгоркі ападаюць ад шляхоў Яго спрадвечных.

МАЦЬВЕЯ 16:18

І Я табе кажу: “Ты – Пётра, і на гэтым камені пабудую царкву Маю, і брамы пякельныя не перамогуць яе.

ДРУГІ ЗАКОН 32:22

Узгарэўся агонь раз’ятранасці Маёй і будзе гарэць аж да найглыбейшага пекла, і спаліць зямлю з расліннасцю яе, і спапяліць падваліны гор.