ІСАІ 38:17 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁷ Вось жа, на супакой замянілася горыч мая. Ты вось вырваў душу маю з ямы загубы, кінуў за спіну Сваю ўсе грахі мае.

Біблія (пераклад А.Бокуна)

¹⁷ Вось, супакоем [зрабіў] горыч маю вялікую. Ты вырваў душу маю з ямы загубы, і кінуў за сьпіну Тваю ўсе грахі мае.

Біблія (пераклад В. Сёмухі)

¹⁷ Вось, на дабро мне была вялікая гарота, і Ты выбавіў душу маю ад рову пагібелі, і кінуў усе грахі мае за плечы Свае.

ІСАІ 38:17 Крыжаваныя спасылкі

ЁВА 29:18

І гаварыў я: “У гняздзе сваім памру я і, як пальма, памножу дні.

ЁВА 33:24

то злітуецца Бог над ім і скажа: “Вызвалі яго, каб не ішоў ён у магілу, бо Я знайшоў тое, у чым яму можа быць літасць”.

ПСАЛТЫР 10:2

Бязбожны выхваляецца, чыніць убогаму пераслед, заблытвае яго ў хітрыках, якія задумаў.

ПСАЛТЫР 103:12

Як далёкі ўсход ад захаду, так аддаляе Ён ад нас грахі нашы.

ПСАЛТЫР 103:3

Ён адпускае ўсе твае правіннасці, Ён лечыць усе кволасці твае.

ПСАЛТЫР 103:4

Ён адкупае душу тваю ад загубы, Ён вянчае цябе міласэрнасцю і літасцю;

ПСАЛТЫР 30:3

Госпадзе, Божа мой, я ўсклікаў да Цябе, і Ты аздаравіў мяне.

ПСАЛТЫР 40:2

Чакаючы, дачакаўся я Госпада, і Ён схіліўся да мяне.

ПСАЛТЫР 55:23

Ускінь на Госпада клопаты твае, і Ён цябе падтрымае, не дасць Ён ніколі пахіснуцца справядліваму.

ПСАЛТЫР 85:2

Спагадным быў Ты, Госпадзе, у Тваёй зямлі, перавярнуў Ты паланенне Якубава.

ПСАЛТЫР 86:13

бо міласэрнасць Твая да мяне вялікая і вырваў Ты душу маю з пекла апраметнага.

ІСАІ 38:15

Што скажу я, або што Ён мне адкажа? Ён гэта ўчыніў! Буду гэтак ісці праз усе гады мае ў горычы душы маёй.

ІСАІ 43:25

Я, Я — Той Самы, Які нішчу правіннасці твае адносна Мяне і не ўспомню грахоў тваіх.

ЕРАМІІ 31:34

І не будзе вучыць болей чалавек блізкага свайго і брат брата свайго, кажучы: “Спазнай Госпада”, бо ўсе ад найменшага з іх аж да найбольшага будуць ведаць Мяне, — кажа Госпад, — бо Я прабачу злачынствы ім і пра грахі іх не буду больш узгадваць».

ЁНЫ 2:6

Нахлынулі на мяне воды аж па горла, бяздонне ахутала мяне, марская трава абвіла галаву маю.

ЁНЫ 2:7

Да падвалін гор я сышоў, зямныя запоры закрылі мяне навекі, але Ты, Госпадзе, Божа мой, вывеў з бездані жыццё маё.