ЁВА 11:20 - Кнігі Святога Пісання - Біблія - Біблія — пераклад Чарняўскага (выданне 2017 года)

А вочы бязбожных аслепнуць, і прыбежышча знікне ад іх, і надзея іх — знікненне».

Біблія (пераклад А.Бокуна)

А вочы бязбожных сасьлепнуць, і ня будуць яны мець прытулку, і надзея іхняя — стогн душы».

Біблія (пераклад В. Сёмухі)

І вочы беззаконьнікаў растануць, і прыстанішча прападзе ў іх, і надзея іхняя шчэзьне.

ЁВА 11:20 Крыжаваныя спасылкі

ЁВА 12:1

І сказаў Ёў у адказ:

ЁВА 17:5

Абяцае блізкіх як здабычу, але вочы сыноў яго змарнеюць.

ЁВА 18:14

Выдаляецца надзея яго з палаткі яго, і Ты штурхаеш яго да цара жахаў.

ЁВА 27:22

Ён нашле ўсё гэта на яго і не пашкадуе; і будзе ўцякаць, каб уцячы з рукі Яго.

ЁВА 27:8

Якая ж надзея бязбожніка, калі сцінае, калі забірае Бог душу яго?

ЁВА 3:21

Яны чакаюць смерці, а яна не прыходзіць, і, шукаючы, здабываюць яе больш рупліва, чым скарбы,

ЁВА 3:22

і радуюцца вельмі, і цешацца з магілы.

ЁВА 31:16

Калі адмовіў я бедным у тым, чаго яны хацелі, і калі прымусіў вочы ўдавы засмуціцца,

ЁВА 34:22

Няма цемры, ані ценю смерці, каб там маглі схавацца тыя, што чыняць несправядлівасць.

ЁВА 6:9

О, каб жа Бог раструшчыў мяне; хай працягне Ён руку Сваю і заб’е мяне!

ПСАЛТЫР 142:4

Гляджу направа і бачу, і няма нікога, хто б пазнаў мяне, хто паклапаціўся б пра жыццё маё.

ПСАЛТЫР 69:3

Заграз я глыбока ў балоце і няма дна; увайшоў я ў глыбокія воды, і цячэнне цягне мяне.

ВЫСЛОЎІ 10:24

Чаго баіцца грэшнік, тое і прыйдзе да яго, а жаданне справядлівага здзейсніцца.

ВЫСЛОЎІ 10:28

Чаканне справядлівых — радасць, а надзея бязбожнікаў загіне.

ВЫСЛОЎІ 20:20

Хто сварыцца на бацьку свайго і маці — патухне светач яго ў глыбінях цемры.

ЕРАМІІ 25:35

І не будзе дзе схавацца пастырам, і не будзе ратунку для правадыроў статку.

ПЛАЧ 4:17

«Дакуль марнеюць нашы вочы, дарэмна чакаючы дапамогі! З вартавой вежы нашай выглядалі мы народ, які можа нас збавіць.

ЛЯВІТ 26:16

тады Я так зраблю вам: наведаю вас жахам раптоўным, сухотамі і гарачкай, якія спрычыняюць слепату і нішчаць душу. Надарма будзеце сеяць насенне, бо з’ядуць яго ворагі.

АМОСА 2:14

У спрытнага не стане сілы ўцячы, ды дужы не адчуе сілы сваёй, а волат не ўратуе душу сваю;

ДРУГІ ЗАКОН 28:65

І не будзеш ты мець супакою сярод гэтых народаў, стапе тваёй нагі не будзе супакою; і дасць там табе Госпад сэрца баязлівае, вочы заплаканыя і душу, апанаваную тугою.

ГАБРЭЯЎ 2:3

то якім чынам мы зможам ухіліцца, калі занядбаем гэткае збаўленне, якое спачатку было абвешчана Госпадам, а ў нас умацавана было тымі, што чулі ад Яго