ІСАІ 64:6 - Кнігі Святога Пісання - Біблія - Біблія — пераклад Чарняўскага (выданне 2017 года)

І мы сталіся, як нячысты, — усе мы; ды, як брудная ануча, — усе справядлівасці нашы; мы ўсе павялі, як ліст, а нашы няправасці панеслі нас, як вецер.

Біблія (пераклад А.Бокуна)

І ўсе мы сталіся як нячысты, і ўся праведнасьць наша як заплямленая [месячнымі] адзежа, і мы ўсе вянем, як лісьце, і беззаконьні нашыя панесьлі нас як вецер.

Біблія (пераклад В. Сёмухі)

Усе мы зрабіліся - як нячысты, і ўся праведнасьць наша - як запэцканая вопратка; і ўсе мы пабляклі, як ліст, і беззаконьні нашыя, як вецер, нясуць нас.

ІСАІ 64:6 Крыжаваныя спасылкі

2 ЦАРСТВАЎ 22:46

Чужыя сыны адступаюць і дрыжаць ва ўмацаваннях сваіх.

ЁВА 14:4

Хто ж можа нячыстага зрабіць чыстым? Хіба ніхто!

ЁВА 25:4

Ці можа апраўдацца чалавек, які прыпадобніўся да Бога, або стацца чыстым той, хто нарадзіўся ад жанчыны?

ЁВА 40:4

І ці ты маеш плячо, як Бог, і калі ты падобным голасам грыміш, як Ён,

ПСАЛТЫР 1:4

Не гэтак ліхадзеі, не гэтак! Бо яны — як пыл, што вецер разносіць.

ПСАЛТЫР 14:4

Няўжо не паразумнеюць усе, што чыняць беззаконне, што з’ядаюць народ мой, быццам хлеб ядуць? Госпада яны не прызываюць,

ПСАЛТЫР 51:5

Бо я прызнаю правіннасць маю, і грэх мой заўсёды перада мною.

ІСАІ 1:28

і будзе пагібель злачынцам і грэшнікам разам, і тыя, хто пакінулі Госпада, — будуць знішчаны.

ІСАІ 1:30

Бо станецеся, як дуб з завялым лісцем ды як агарод без вады,

ІСАІ 43:22

Ты, Якубе, не прызываў Мяне, а ты, Ізраэлю, быў апанаваны нават непрыязнасцю да Мяне.

ІСАІ 46:12

Слухайце Мяне, жорсткія сэрцам, якім далёка да справядлівасці!

ІСАІ 48:1

Слухайце гэта, доме Якуба, якія называецеся імем Ізраэля і якія паходзіце з вытокаў Юды; вы, што прысягаеце ў імя Госпада і Бога Ізраэля прызываеце, ды не ў праўдзе і не ў справядлівасці.

ІСАІ 50:1

Гэта кажа Госпад: «Дзе ёсць пасведчанне разводу вашай маці, сілай якога Я яе адпусціў? Або хто ёсць Маім крэдыторам, каму Я вас прадаў? Вось жа, за свае правіны былі вы прададзены, ды за вашы злачынствы адпушчана ваша маці.

ІСАІ 50:2

Чаму прыйшоў Я, і не было нікога? Клікаў, і не было каму адказаць? Ці ж бы закароткай была рука Мая, каб не мог Я адкупіць? Або няма ў Мяне сілы, каб збаўляць? Вось жа, на знак папроку Свайго высушу мора, змяню рэкі ў пустыню, згніюць рыбы без вады і здохнуць са смагі.

ІСАІ 53:6

Усе мы, як авечкі, заблукалі, кожны з нас павярнуўся на дарогу сваю, а Госпад усклаў на Яго ўсю нашу несправядлівасць.

ІСАІ 6:5

Тады я сказаў: «Гора мне! Я загінуў! Бо я чалавек нячысты вуснамі і жыву я сярод народа, які мае нячыстыя вусны, а вачамі сваімі бачыў Валадара, Госпада Магуццяў!»

ІСАІ 8:17

І буду чакаць Госпада, Які хавае аблічча Сваё ад дому Якуба, я буду спадзявацца на Яго.

ДАНІІЛА 9:13

Так было запісана ў законе Майсеевым — прыйшло на нас усё гэтае няшчасце; і не папрасілі мы аблічча Госпада, Бога нашага, каб адвярнуцца ад сваіх правіннасцей ды здабыць пазнанне Тваёй праўды.

АСІІ 4:19

Апануе іх віхор сваімі крыламі, і засаромяцца яны ахвяр сваіх.

АСІІ 7:7

Усе яны распалены, як печ, і пажыраюць суддзяў сваіх; усе цары іх папрападалі, няма з іх нікога, хто прызываў бы Мяне,

ЛЯВІТ 13:12

Калі ж праказа расцвіце шырока на скуры і пакрые ўсю скуру хворага ад галавы да ног, на колькі могуць бачыць вочы святара,

ЗАХАРЫІ 3:3

І Ісус быў апрануты ў забруджанае адзенне і стаяў перад анёлам.

РЫМЛЯНАЎ 7:18

Я бо ведаю, што ўва мне, значыць у целе маім, не жыве добрае: бо жаданне дабра побач са мною, але, каб зрабіць дабро, – не знаходжу.

РЫМЛЯНАЎ 7:24

Нешчаслівы я чалавек! Хто вызваліць мяне ад гэтага смяротнага цела?

ПІЛІПЯНАЎ 3:9

і апынуцца ў Ім, маючы не маю справядлівасць, якая з закону, але тую, якая з веры ў Хрыста, якая ад Бога справядлівасць праз веру,

ЦІТА 3:3

Бо і мы былі калісьці неразумнымі і непаслухмянымі, заблукаўшымі, служыўшымі пажадлівасцям і ўсякім асалодам, кіраваліся злосцю і зайздрасцю, былі ненавіснікамі, ненавідзячымі адны адных.

АДКРЫЦЦЁ 7:13

І адзін са старэйшынаў азваўся да мяне, кажучы: «Хто гэтыя, апранутыя ў белыя шаты, і адкуль яны прыйшлі?»