ПСАЛТЫР 1 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Шчасны чалавек, які не ідзе за парадай бязбожных, і на дарогу грэшнікаў не ступае, і не сядзіць у зборышчы насмешнікаў,

² але ў законе Божым воля яго, і пра закон Яго разважае ён днём і ноччу.

³ І будзе ён, як дрэва паблізу цячэння вод, якое дае плод у свой час і лістота якога не вяне; і ўсё, што ён робіць, будзе ўдавацца яму.

⁴ Не гэтак ліхадзеі, не гэтак! Бо яны — як пыл, што вецер разносіць.

⁵ Таму і не ўстаяць бязбожныя на судзе, ані грэшнікі на сходзе справядлівых,

⁶ бо Госпад рупіцца пра шлях справядлівых, а дарога бязбожных загіне.