159 Diosar thaqhañat parlir Biblian jiskʼa tʼaqanakapa

Diosan uñkatapjamaw oración churki, ukhamatwa Jupan jakʼankaparu purinxta. Uka munasiñampi Jupamp chikachasipxta ukhaxa, chuymachtʼäwi, qhip qhip qillqata, chʼamañchatʼäwisa taripxta. Diosar thaqtan ukhaxa, llakinakasansa, llakisiñanakansa jaqechasipxta, Jupan munañaparuw katuyasipxta, Jupan yatiñanaparuw katuyasipxta.

Diosar thaqtan ukhaxa, Jupan chuymapwa uñjtanxa, Jupan wiñay munasiñapwa uñjtanxa, khuyaptʼayasiñapsa uñjtanxa. Jupan jakʼankaparuw mantasipxta, ukhamatwa aka jakañan jan waltʼäwinakapanxa Jupan suma chuymachtʼäwipwa taripxta. Taqi suma askinak qalltan Diosampiw chikachasiñ yatipxta, Jupan suma amtanakapampiw jakañanchisap qalltanxa, kusisiñampi, amtanipampi jakasiñ yatipxta.

Jupamp chika arsusispxaña ukhaxa, Jupan arunakap istʼañatakix wakichtʼatäpxaña, Jupan qhip qillqatanakap istʼañatakix wakichtʼatäpxaña. Diosar thaqirïñaxa, iyaw sasirïña, iyawsa confiyaña uk munaraki. Janirakiw ratuk qhip qillqatanak taripaniti. Ukampirus iyawsasipxaña ukhaxa, Jupan suma kuydaparuw iyawsasipxta, Jupan munañaparuw iyawsasipxta.

Diosar thaqiriñaxa, Awkinchisampi chika jakasiñatakiw jawsthapi, munasiñampi jakasiñatakiw jawsthapi. Aka jan yatiñäki jakañanxa, Jupan jakʼankapwa chuymachtʼäwi, suytʼäwi, qhip qillqatanak churi. Jichhüruxa, chuymamaru Diosar jistʼarasiñamawa, Jupan uñkatap thaqiñamawa, ukhamatwa akapachankir Awkinchisampi chika jakasiñan kusisiñap taripa.

Tatitur thakhapjjam, ch'amapa thakhapjjam, take horasansa Tatitur thakhapjjam.

Ucampisa jumanacajj take chuyma amtasipjjam Tatit Diosamar thakañataqui. Ucatsti waquichasipjjaraquim Tatit Diosan Kollan Templopa lurañataqui, uqhamata cawquïr templotejj jumanacajj lurapcäta ucaru Tatitun Sumancäwi arcapa, uqhamarac kollan yänacapa apatäjjañapataqui” sasa.

Tatitojj alajjpachatpach jakenacarojj uñtani, inach qhitis amuyt'asirejj utjaspa, inach qhitis Diosar thaktirejj utjaspa.

Janiw Diosarojj jan iyawsañampejj cunapachas cusisiycsnati, jupar jac'achasiñataquejja maynejj iyawsañapawa Diosajj utjatapa, uqhamaraqui jupar thakerinacarojj bendicirïtapa.

Tatitun arunacapar jaysirinacajj cusisiñaniwa, takpach chuymamp jupar thakerinacajj cusisiñaniwa,

Diosajj jakenacan jupar thakapjjañapataquiw uqham ucjj luri, inampis jupar cunjämats jicjjatapjjaspa. Ucampis Diosajj chekpachana janiw jayancquiti sapakat jiwasanacatjja.

“Tatitur thaktapjjam jicjjatañjamäquipana, jac'ancquipan jawsapjjam.

“Tatitur thaktapjjam jicjjatañjamäquipana, jac'ancquipan jawsapjjam. Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.

Jupanacarusti saractwa: ‘Cunatejj chekäqui uc yapuchapjjam, ucatsti munasiñrac apthapipjjam. Oraksti waquichapjjaraquim wasitat yapuchañataqui, Tatitur thakañajj horasäjjatap laycu, jupajj jutasin khespiyasiña jallu jumanacjjar apaniñapcama.’

Tatitojj siwa: “Qha urunacanjja Israelanquiri jakenacajja, Judá orakenquiri jakenacasa jacht'asisaw naya Tatitu Diosaparu thakeri jutapjjetani.

Take jumanacajj Diosaruy thaktapjjam, acapach oraken llamp'u chuyman jakenaca, cawquïrinacatï arunacapa phokapcta ucanaca. Ucatsti cheka cancañampi llamp'u chuymampirac sarnakapjjam, inas uqhamata Diosan jach'a colerasïwi urupata imatäsipcchisma.

Tatitur iyawsapjjam, ch'amapar alcatapjjam, jan karjasis ajanup thakapjjam.

Nayasti muntwa qhitinacatejj munapquitu ucanacaru, qhitinacatejj thakapquitani ucanacasti jicjjatapjjetaniwa.

Diosar jac'achasipjjam, jupasti jumanacarojj jac'achasiraquiniwa. Juchararanaca, amparanacam k'omachasipjjam. Jumanaca qhitinacatï acapachampiru, Diosampiru munasipcta ucanacasti chuymanacam k'omachasipjjaraquim.

“Mayipjjam, Diosajj churapjjätamwa; thakapjjam, jicjjatapjjaraquïtawa; puncsa lekt'apjjam, jist'aratäpjjaraquïtawa. Mayirejja catokewa, thakheristi jicjjataraquiwa, puncu lekt'irirusti jist'arataraquiwa.

Kamirinacajj jan cunaniruw tucupjje, mank'at t'akhesipjjaraqui, Tatitur thakerinacasti janiw cunats t'akhesipcaniti.

Chuymajjajj situwa: “Tatitun ajanup thakam.” Nayasti, Tatay, ajanum thakta.

Arumanacas take chuymajjampiraquiw jumatjja llaquista, take chuymajjampiraquiw thaksma; cunapachatejj jumajj take aca orakpachar uñjcäta ucqhajj, jakenacajj yatekapjjaniwa cunatejj chekapäqui ucjja.

Ucatsti qhitinacatejj cheka chuymampi Israelan Tatit Diosapar thaktañ amtanïpcäna ucanacasti, sacerdotenacjama, levitanacjamaraquiw Jerusalenar sarjjapjjäna, loktäwinaca nayra awquinacapana Diosapar loktiri.

Takpach chuymajjampiw thaksma, janiquiy arunacamat saraktañajj munamti.

Nayarusti thakapjjetätawa, ucatsti jicjjatapjjaraquitätawa, take chuymampi nayar thaktapjjatam laycu.

Tatitojj art'asirinacapan jac'apancasquiwa, takpach chuymamp jupat art'asirinacan jac'apanquiwa.

Waynäcasina jumar irnoker Diosamat amtasim, janïra ch'ama tucuña urunacajj, uqhamarac maranacasa purinquipana cunapachatejj siscasma: “Sarnakäwejjanjja janiw cunas cusisiyquituti” sasa.

Diosajjay, jumaw Diosajjätajja, jumar thakasaw khantatta, almajjajj jumatjam pharjatawa; janchejjajj jumatjam awtjatawa, jan umani, jan jacañan waña oraker uñtatawa.

Isaías profetajj saraquiwa: “Qhitinacatejj jan thakapquitu ucanacaw nayarojj jicjjatapjjetu. Nayasti uñstaractwa qhitinacatejj nayjjat jan jisct'asipcänsa ucanacaru” sasa.

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

Takpach chuymampiw qhuyapayasiñam thakta: arsutamarjamay qhuyapt'ayasita.

Tatitut mä mayisiñajjaquiw utji, ucaquirac thakä: jacañ urunacajjan utapan utjasiña; utapan jupar yupaychañataqui, khapak cancañap uñjasin cusisiñataqui.

Ucat juc'ampis, take cunatejj nayan utjquitu ucanacsti chhakatäcaspas uqhamwa amuyta, Cristo Tatitojjar uñt'añajj mä jach'a asquïtap laycu. Cristo laycuw take cunsa apanucta. Take cunsa mä jan cunatac sirvir t'unäcaspas uqhamwa uñjta Cristor jicjjatañ laycu. Jupampi chict'ata jicjjatasiñajjataquiraquiwa Diosampi catokatäta, janiw leyerjam cheka sarnakatajj laycuti, jan ucasti Cristor iyawsatajj laycuwa, Diosajj catokewa qhitinacatejj iyawsapqui ucanacarojja.

Uc uñjasajj llaquitanacajj cusisipjjaniwa, Diosar thakerinacan chuymanacapasti ch'amañchasiniwa.

Diosajjay, cunjämatejj tarujajj umat pharjatajj jalquir um thakquejja, uqhamaw almajjajj jumar thaktam. Timanacajjan sawcasitanacapatjja, ch'aqhanacajjamppachaw usutu, urpachaw sapa cut jisqhipjjetu: “¿Cawquincarac Diosamasti?” sasa. Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta: ¡Jupaw cusisiñajjasa, Diosajjasa! Nayajj jacquir Diosat pharjatätwa: ¿Cunapacharac Diosan ajanup uñjir mantästi?

ucampis sutejja apqui uca marcajjatejj jisc'ar tucusina nayat mayisitani, thaktaraquitani, uqhamarac jan wali sarnakäwinacapsa apanucuni ucajja, nayajj alajjpachatpachwa ist'äjja, juchanacapsa pampacharaquïwa, ucatsti marcapan nayrakatar sartañapsa cuttayjjaraquïwa.

Takpach almajjampiw Tatitur suyt'ascta, takpach chuymajjampiw arunacapar iyawsaracta.

Tatitut mä mayisiñajjaquiw utji, ucaquirac thakä: jacañ urunacajjan utapan utjasiña; utapan jupar yupaychañataqui, khapak cancañap uñjasin cusisiñataqui. Jan walt'añ urunac purincan ucapachajj, Tatituw utapan imantitani; ch'iwipampiw imjjäsitani; mä karka patjjaruw sayt'ayitani,

Jucharar jakenacajj janiw amuyt'apquiti cheka cancañatjja, ucampis qhitinacatejj Tatitur thaktapqui ucanacaw take cun amuyt'apjje.

Tatay, takpach chuymajjampiw art'asinsma, ist'aquitaya, leyinacam phokhañ munta. Jumaruw art'asinsma, yanapt'aquitaya, arunacamarjam phokhañajjataqui.

“Jach'a tucupjjam kollana sutipatjja. ¡Cusisipjjpan Tatitur thaker jakenacan chuymapajja!

“Tatitur take chuymamampi catuyasim; juman ch'iqhi cancañamaruquejj jan alcatasimti. Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

kollan sutipat cusisipjjam, Tatitur thakerinacajj cusisipjjpan.

Ucatsti asu wawanacjama suma k'oma ajayun leche munapjjaraquim, uqhaman jumanacajj suma jiltapjjañamataqui khespiyatäpjjañamataquiraqui,

“Mayipjjam, Diosajj churapjjätamwa; thakapjjam, jicjjatapjjaraquïtawa; puncsa lekt'apjjam, jist'aratäpjjaraquïtawa.

Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

Tatay, sutim yatirinacajj jumaruw iyawsapjjtam, jumar thakerinacarojj janipuniw apanucctati.

Chuymajjaruw arunacam imta, juma contra juch jan lurañajjataqui;

ucampisa take qhitinacatejj Tatitur iyawsapqui ucanacasti machak ch'amanacanïpjjaniwa; pacalinacar uñtataraquiw thoktapjjani, jalanakasinsti janiw karipcaniti, sarnakasas janiraquiw ch'amtayapcaniti.

Tatituruw nayajj art'asta, jupasti take llaquinacat irpsutu;

Cunjämtejj Ajayu tok jactanjja, uca pachparaquiw Ajayumpi cuna luräwinacasansa irpayasiñasajja.

Aqham siw Tatit Diosajj israelitanacarojja: “Nayaru thakapjjeta, ucatsti jacasipcätawa.

Llaquisiñajjan Tatitur art'asta, jupasti ist'ituwa, khespiyaraquituwa.

Uqhamäñapaw Tatitur thakerinacajja, Jacobon Diosapamp utjasiñatac thakerinacajja.

Uqhamajj jumanacajj Cristomp chica jacatatjjapjjsta ucajja, alajjpach yänacay thakapjjam, cawqhantï Cristojj Diosan cupëjjapan kont'atäquis ucanaca. Jichhasti machakat isthapitäpjjtawa, uca machakar tucuñasti sapürunjamaraquiw juc'amp machakar tucus sarasqui Diosan munañaparjama, uca Diosaraquiw uca machakar tucuñjja luri, jupar sum uñt'añascama. Janiw jichhajj utjcjjeti judiöñas, griegöñasa; circuncidatäñasa, jan circuncidatäñasa; jaya jakëñasa, jan amuyt'anïñasa, esclavöñasa, jan ucajj khespiyatäñasa; jan ucasti Cristow take cunajja, jupajj take cunancaraquiwa. Diosajj jumanacarojj munapjjtamwa, jupancapjjañamataquiw ajllisipjjtam. Uqhamajj qhuyapayasiñampi, suma jakëñampi, jisc'ar tucuñampi, llamp'u chuymanïñampi isthapitay sarnakapjjam. Jumanac purajj llamp'u chuymampi sarnakapjjam, maynit maynirus perdonasipjjaraquim jan wali lurasipjjsta ucapachajja. Cunjämtï jumanacarojj Cristojj perdonapjjtamjja, uqhamarac jumanacajj perdonapjjam. Ucatsipansa wali munasiñanïpjjam, munasiñasti mayaruw tucuyi, take cunsa phokharaquiwa. Diosan sumancañapay chuymanacamanjja jumanacarojj apnakpan, Diosasti uca amtäwimpiraquiw jawsapjjtam mä cuerpo tucupjjañamataqui. Ucatsti yuspagarapjjaraquim. Tatitun arunacapajj chuymanacamarojj phokhantpan, jumanaccamaraqui yaticht'asipjjam, waytt'asipjjaraquim take amuyt'a chuymampi, Tatitur k'ochuñäqui ucanacsa k'ochupjjaraquim, Diosar yuspagarasa. Cuntejj lurapjjäta, uqhamarac arsupjjäta ucanacjja Tatitun sutiparu lurapjjam, Dios Awquir yuspagarasa Jesucristo toke. Warminaca, chachanacamaru ist'apjjam, uqham lurañanacamaraquiw Diosanquirjamajj wact'apjjtam. Chachanacasti warminacamarojj munapjjaraquim, janiraqui jupanacataquejj khorüpjjamti. Alajjpach yänacat lup'ipjjam, jan acapach yänacatjja.

“Uca urusti jumanacajj jawsapjjetätawa, ucampis nayajj janiw ist'apcämati; thakapjjetätawa, ucampis janiw jicjjatapquitätati, jumanacan yatiñ cancañaru jisc'achapjjatamata, Tatitur jan ajjsarapjjatam laycuraqui.

T'akhesiyat jakenaca, sist'asiñcam mank'apjjam, Tatitur thakerinaca, jupar jach'añchapjjam: walja maranac jacapjjaraquim.

Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

Tatiturojj suma chuymamp munasim, jupasti chuyma mankheman mayisitamarjamaw churätam.

“Cusisiñanïpjjew qhitinacatejj Diosan munañaparjam sarnakañat awtjayasipjje, pharjayasipjjaraqui ucanacajja, Diosaw jupanacarojj uc phokhañjja yanapani.

Llaquisiñanacamp jan walt'añanacampiw catuntitu, arunacamasti cusisiyituwa.

Ucampis jumanacatï uca chekan Tatitu Diosaru thakhapjjäta take chuymampi, take jacañampi ucqhajj jicjjatapjjätawa.

¡Kollan utaman uñjañ munsma! Ch'amamamp jach'a cancañamamp uñjañ munta, munasiñamajj jacañat sipan juc'ampiwa, lacajjajj jumaruw k'ochütam.

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Ch'iqhi chuymanïñarusa chekap sarnakañarusa take ch'amamampi, kollkerjama, jila alani imat yänacarjama, thakaraquïta ucqhajja, yatïtawa Tatitur ajjsaraña; ¡jicjjataraquïtawa cunäquitejj Diosar uñt'añajja uca!

Llaquisiñajjan Tatitur art'asta, Diosajjat yanap mayista: jupasti templopatpach ist'anitu, arnakasitajjajj jinchupcamaw puri.

Tatay, takpach chuymajjampiw art'asinsma, ist'aquitaya, leyinacam phokhañ munta.

Jumat yanap maycäm ucapachajja, nayamp timasirinacajj jayar jaltjjapjjpan, uqhämat nayan Diosajjätam yatï.

¡Sarnakäwejjajj thuruñchataquïspa, arunacam phokhañajjataqui!

Arsutanacamat lup'isï, thaquiman sarnakañ amuyt'araquï.

“Naya Tatitusti aqham sistwa: Naya pachpaw jichhajj tamanacajjarojj awatisjjäjja. Cunjämtejj mä awatirejj ovejanacapjj anthapisjjejja ovejanacapajj aywitatatäpjje ucapachajja, uqhamaraquiw nayajj anthapisjjäjja, ucatsti cunjämtejj jupanacajj mä urojj mä ch'amaca taypin maysaru saranucupcänjja ucanacatsti khespiyjjaraquïwa.

Diosay, uñaquipitaya, chuymajjar uñantam, nayarojj yant'itaya, lup'itanacajj uñt'araquim, nayatejj ñankha thaquin sarnakerïstjja, cheka thaquinjamay irpasita.

Nayar art'asita, nayasti ist'araquïmawa, ucatsti cunanactejj jumajj jan yatcta, uñjcaracta ucanacwa uñacht'ayaraquïma.

Uywatamarojj qhuyapayasiñampiy uñtanim, leyinacamay yatichita.

“Jach'a tucupjjam kollana sutipatjja. ¡Cusisipjjpan Tatitur thaker jakenacan chuymapajja! Tatitur thakhapjjam, ch'amapa thakhapjjam, take horasansa Tatitur thakhapjjam.

Nayranacajjampiw kollunac uñatatta: “¿cawquitarac yanapast nayatac jutani?” sasa. Yanapajj Tatitut nayatac jutani, alajjpach acapach lurir Tatituta.

“Take qhitinacatejj umat pharjata sarnakapjjta ucanacajj umt'ir jutapjjam, jan kollkeninacajj jutapjjam, inaqui trigo mayisipjjam, ucatsti mank'apjjaraquim, vinompi, lechempi inaqui mayisipjjam. “Cunjämatejj jallus, qhunus alajjpachat sarakanejja, janiraqui cutcatcjjeti, jan ucasti orakeruw chullunti, orakjja suma jasa tucuyi alinacsa mistuyaniraqui, jathas achuraqui yapuchañataquejja, t'ant'as mank'añataquejj utjaraqui, uqhamaraquiw lacajjat mistquis uca arunacajja, janiw nayan ucarojj ch'usaqui jan cun lurasajj cuttancaniti, jan ucasti cuntejj nayajj muncta ucwa luri, cuntejj nayajj siscta ucwa phokharaqui. “Jumanacajj ucatjja cusisitaw mistunjjapjjäta, marcamarusti sumaquiw cuttawayjjapjjaraquïta. Jumanacar uñjasinsti montenacasa, kollunacasa cusisiñat k'ochupjjani, pampanquiri kokanacasti amparanacapwa t'ajjllisipjjaraquini. Ch'aphi alinac lantisti pinonacaw alipjjaraquini, athapillunac lantisti suma pankaranacaw jilapjjaraquini; ucaw Tatitun sutipjja jach'ar aptani, ucasti wiñayataqui khanañchäwiraquïniwa, janiw t'unjatäcaraquiniti.” ¿Cunatsa kollkenacam cunatejj jan t'ant'äqui ucar inamaya churasipcta? ¿Cunatsa kollkenacam cunatejj jan asquïqui ucar inamay tucjasipcta? Sum ist'apjjeta, ucatsti suma mank'anac mank'apjjäta, sinti suma mank'anac mank'apjjäta.

Nayasti, Tatay, jumaruw take chuymamp alcatsma: “Jumaw nayan Diosajjätajja” saracsmawa. Jacañajjajj amparamanquiwa: nayar arcnaker timanacajjat khespiyita;

Jumanacajj uqham jan walïcasinsa, sumäquis ucwa wawanacamarojj churapjjtajja. ¡Alajjpachanquir Awquimasti ucatsa juc'ampiwa qhitinacatejj jupar mayqui ucanacar sumanaca churañataquejja!

Mayisitajjajj nayrakatamar purinpan, arsutamarjamay khespiyita.

Chijinacar purcta ucapachajja, jumaw jacañajjar imtajja; ch'amamampiw timanacajjan amparapat khespiyistajja.

Nayajj Tatituruw takpach chuymajjamp suyt'äyäta: jupasti naya toker alt'anisin arnakasitajjar ist'i;

Nanacas waliquiraquiw jicjjatasisipcta juman leyinacamarjam sarnakasajj, Tata; chuymanacajjasti jumatacracwa lup'iñ munasqui.

kollan sutipat cusisipjjam, Tatitur thakerinacajj cusisipjjpan. orakepajj c'ayranacamp phokhantatänwa, jamp'atojj reyin iquiñ utapamppachan aywtäna. Diosajj arumpiquiw jach'a chhichhillanqhanac apayanïna, Egipto orakpacharuw chhichhillanqhamp phokhantayäna. Jallu lantejj chhijchhiw purintäna, orakerusti nina lawranac apayanïna. Uva alinacamp higo alinacamp tucjäna, Egipton utjir kokanac tincurayäna. Diosajj t'ijut'ijunacan puriniñapataquejj aruc arsüna, jan jact'cay t'ijut'ijunacaw purintäna, orakepan utjir koranac mank'supjjäna, yapunacapan achunacap tucsupjjaraquïna. Pachpa Egiptoruw jiwamp mutuyäna, sapa utanquir tayna yokall wawaruw jiwayäna. Diosajj korimp kollkemp apt'asit marcaparojj irpsunïna, ayllunacap taypinsti, janiw qhitis aynacht'cänti; Egipto orakenquirinacajj mistjjer uñjasajj cusisipjjänwa, jupanacajj wali mulljatäpjjänwa. Diosajj mä kenayampiw jupanacarojj imjjatäna, arum ch'amacarusti ninampiw khantayarapïna. Tatitur iyawsapjjam, ch'amapar alcatapjjam, jan karjasis ajanup thakapjjam.

Diosaw imantasiñasajja, ch'amañchirisasa, jupaw chijinacan arjjatirisajja.

Uca laycuw iyawsañasampi jac'achasiñasa munasir Dios Awquisan tronoparojja, jiwasat qhuyapt'ayasiñapataqui, uqhamarac munasiñapata jiwasar yanapt'añapataqui, p'ist'ayasctan uca horasanacana.

Jumajj mayiscätas ucqhajja, utamar mantam; puncum jist'antasisinsti mayisiraquim Awquimata qhititejj jumampïsqui ucaru. Awquimasti uñjasctamwa jamasan mayisisquirjja, ucatsti jupajj mayisitamarojj ist'ätamwa.

ajayojjajj wali llact'ataw uñjasi, arsutanacam yatiñ munasa.

Diosan jan uñjcay yänacapajj jupan luratanacap tokew uñacht'ayasi. Khanpachwa uñacht'ayasi cunapachatejj aca orakejj luratäcäns ucürutpacha jupajj Diosätapa, ch'amapajj jan tucusquiriraquïtapa. Ucatpï jakenacajj jan cunjämats jupat jaltapcaspatejja.

Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui.

Diosasti horasaparuwa take cunsa suma luri; uqhamaraquiw jupajj jaken chuymaparu amuyt'ayi cunatï wiñayäqui uca, janisay jakejj takpacha amuyt'cpan Diosan luratanacapa, uqhamaraqui cuntï lurcani ucanacata.

Jumaw jacañ thac uñacht'ayitäta, nayrakataman jach'a cusisiñaw utji; jac'amansti wiñay cusisiñaw utjaraqui.

Tatay, nayar khespiyañam munta; cusisiñajjajj munañam phokhañawa.

Qhititejj asqui luraña thakqui ucajja, sumata uñjatäniwa, ucampis qhititï jan wali luraña thakqui ucajja jan walwa jicjjatani.

Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

Diosajjay, mayisitajjarojj ist'aquimaya, arunacajjarojj jaysaquimaya;

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

“Janiw mank'at awtjayascjjapjjaniti, umatsa pharjayascjjapjjaniti, janiraquiw lupisa, junt'usa khatintcjjaniti, nayaw munta ucat jupanacar irparacta, jalquiri uma thiyanacaruw anaquiraquï.

Art'asinsma ucapachajj ist'istawa, almajjarusti ch'am yapjjatarapista.

Tatay, jumaruw mayisinsma; Tatitojj qhuyapayasiñamp asqui cancañampipuniw irpi, arusjäwipamp arsutanacapamp imir jakenacarojja. Tatay, juchanacajjajj waljapuniwa, sutiman jach'ätap laycuy takpach juchanacajjat pampachita. Tatitur wakaychir jakerojj, arcañ thaqui uñacht'ayi: asquinacampiw juparojj muyuntayi, wawanacaparusti orak catokasjjañapataquiw churjje. Tatitojj arquirinacapampejj sum parlasi; jupanacarusti arusjäwir mantatap uñt'ayi. Nayajj Tatituruquipuniw uñtta, jupaw take jan walt'añanacat khespiyitu. Tatay, uñtaniquitaya, nayat qhuyapt'ayasita, sapaquiw uñjasta, llact'ataraquïtwa; chuymajjajj juc'ampipuniw llaquisi, take llaquinacajjat irpst'asita. Llaquinacajjaru, ch'ama tucutanacajjar uñtanim, take juchanacajjat pampacharaquita; timanacajjan waljanïtap uñtanim, jiwayañ chuymampiw uñisipjjetu. Diosajjay, jumaruw take chuymamp alcatsma: janiquiy p'enk tucuñar jalantañajj munamti, janirac timanacajjas nayat larusipjjetpati;

Tatitun amparapar sarnakäwim catuyasim, jupar take chuymamp alcatam, jupasti yanapätamwa.

Iyawsañajja: “Catokäwa” sas take chuymampi suyt'ctans ucawa, uqhamarac chekpachapuni iyawsañasa cuntejj jan uñjtan ucajj chekätapa.

Take luräwinacamjja Tatitun amparapar jaytam, ucatsti amtäwinacamajj phokhasiniwa.

Jan juchañchcay sarnaker jakejj cusisiñaniwa, Tatitun yatichäwiparjam sarnakerejj cusisiñaniwa. Takpach chuymajjampiw thaksma, janiquiy arunacamat saraktañajj munamti. Chuyman jakenacat sipan juc'amp amuyta, arunacamarjam sarnakatajj laycu. Arunacamarjam sarnakañataquejj take jan walinacat jithektasta. Janiw camächit arunacamat sarakcti, jumaw nayarojj yatichasista. Arunacamajj lacajjatac wali mojjsawa: misq'it sipan juc'ampiwa. Arunacam yatisaw amuy jicjjatta, ucat c'ari sarnakañarojj uñista. Arunacamajj sarnakäwejjatac khanawa, thaquejjan khantiriraquiwa. Juramento lurta, ucsti phokhäwa: cheka arunacamarjamaw sarnakä. ¡Tatay, wali llact'ataw jicjjatasta! arsutamarjamay jacañ churita. Tatay, arsutanacajjajj jumatac asquïpanaya, arunacamay yatichita. Jacañajjajj jiwañ chijir jalantañampiwa; nayasti janiw yatichäwinacamat armascti. Chuymajjaruw arunacam imta, juma contra juch jan lurañajjataqui; Ñankha lurir jakenacajj sipitanac ucharapipjjetu, nayasti janiw arsutanacamat sarakascti. Arunacamajj nayatac wiñay catokäwiwa, arsutanacamajj chuymajjaruw cusisiyi. Takpach chuymampiw leyinacamarjam sarnakañatac arsta, wiñay phokhañataquiw arsta, tucuycam phokhañataquiw arsuracta. Khepäjjat uñisisir jakenacarojj uñistwa, arunacamarusti munastwa. Jumaw imantasiñajjätajja, jarc'akasiñajjätasa, arunacamaruw takpach chuymajj catuyta. Ñankha lurir jakenaca, nayat sarakapjjeta, Diosajjan arsutanacap phokhä. Arsutamarjamay ch'am churita, uqhämat nayajj jacä; janiquiy inamay suyayistati. Yanapt'itaya, nayasti khespiyataw uñjasï, jan karjasisaw leyinacam phokhä. Jumajj arsutanacamat saranucurinacarojj jisc'achtawa, amtäwinacapajj jan amuyt'an amuyunacawa. Ñankha luririnacajj jumataquejj t'unar uñtatawa, nayasti arsutanacamaruw munasta. Tatay, jumajj kollanätawa; leyinacamay yatichita. Janchejjajj nayrakataman ajjsarañat qhathati, camächit arunacam laycuw chuymajj alt'ayta. Janipuniw chekapäc uc lurañ jaytanuccäti; janiquiy t'akhesiyirinacajjan amparaparojj antutistati. Jumaquiy cusisit jacayita, khoru jakenacajj janiquiy t'akhesiyitpati. Nayranacajjajj khespiyäwim suycäwiw juyqhupti, arunacamarjam khespiyañam suyascta. Aca uywatamarojj qhuyapayasiñampiy uñjam, leyinacamay yatichita. Nayajj juman loktirimätwa: amuyt'a cancañay churita, arsutanacam yatiñ munta. Tatay, urojj purinjjewa, waquisjjew cun lurañamasa: arunacamarojj janiw ist'añ munapquiti; nayasti arunacamarojj munastwa, jila alan korit sipana. Ucat arsutanacamarjamajj sarnakta, c'ari sarnakañarusti uñistwa. Arunacamajj muspharcañawa, ucat arunacamar jaysta. Lacajjampiw yatiyä, juman arsut takpach camächit arunaca. Arunacamat khanañchäwejj amuyt'ayituwa, pisi amuyt'aninacarojj amuyt'ayiwa. Munañ chuymampiw lacajj jist'arta, camächit arunacam yatiñ laycu. Nayarojj uñtanjjaquitaya, qhuyapayasiraquita, jumar munasirinacar uñjctas uqhamay uñjita. Arunacamarjam sarnakayita, janiquiy cuna ñankhas nayar atipitpati. Jakenacan t'akhesiyañapat khespiyita, nayasti arunacamarjamaw phokhä. Uywatamarojj qhuyapayasiñampiy uñtanim, leyinacamay yatichita. Umjamaw jachajj nayranacajjat warasi, yatichäwiman jan yäkatätap laycu. Tatay, jumajj asquïtawa, camächit arunacamajj chekapawa. Takpach arsutanacamajj asquiwa, arunacamajj chekaparaquiwa. Arunacamar munañaw take cun armayitu, uñisirinacajjajj arunacamat armt'asipjje. Arunacamarjam sarnakañ thaquin cusisï, kamir yänacamp cusisiñat sipana. Arsutamajj wali yant'ataw uñjasi, uywatamasti arsutamaruw munasi. Jan yäkataquïtwa, jisc'achataraquïtwa, ucampis janiw arunacamat armascti. Chekapar uñjañamajj wiñay asquiwa, yatichäwimasti chekaparaquiwa. Llaquisiñanacamp jan walt'añanacampiw catuntitu, arunacamasti cusisiyituwa. Arsutanacamajj chekapapuniwa; amuyt'a cancañay churita, nayasti jacañ jicjjatä. Tatay, takpach chuymajjampiw art'asinsma, ist'aquitaya, leyinacam phokhañ munta. Jumaruw art'asinsma, yanapt'aquitaya, arunacamarjam phokhañajjataqui. Janïr khanjtanquipan jumat yanap maysma, arunacamaruw chuymajj catuyta. Janïr ch'amacthapquipan waquichasta, arsutamjjat lup'iñataqui. Tatay, qhuyapayasiñam laycuy arojjar ist'am, camächit arunacamarjam jacañ churita. Arsutanacamat lup'isï, thaquiman sarnakañ amuyt'araquï. Khoru arcnakerinacajjajj jac'anquiwa, jupanacasti yatichäw arunacamat jayancapjjewa. Jumasti, Tatay, jac'ancasctawa, takpach arsutanacamajj chekpachapuniwa. Nayratpach arunacam yatta, wiñay utt'ayat arunacama. T'akhesitajj uñtaniquitaya, khespiyaraquita, janiw arunacamat armascti. Nayat arjjatasiquitaya, khespiyaraquita; arsutamarjamay jacañ churita. Yanapt'amajj ñankha lurir jakenacat jayanquiwa, jupanacajj janiw arunacamarjam jacapquiti. Tatay, qhuyapayasiñamajj wali jach'awa, camächit arunacamarjamay jacañ churita. Nayar arcnaker timasirinacajj waljaniwa, nayasti janiw arunacamat sarakascti. Iyawsäwit sarakerinacar uñjasajj ajjtastwa, arunacamarojj janiw jaysapquiti. Tatay, arunacamar munasitajj uñtanita; qhuyapayasiñam laycuy jacañ churita. Camächit arunacamampiw cusisï, janipuniw arunacamat armascäti. Takpach arunacamajj chekapawa, takpach arsutanacamajj wiñayawa, asquiraquiwa. Jilïr jakenacajj ina ch'usat arcnakapjjetu, chuymajjasti arunacamaruw wakaychi. Nayajj arsutamampejj cusisitätwa, imantat yänac jicjjatasin cusisir jakjamätwa. C'arisiñarojj uñistwa, janiw uñjañ muncti, yatichäwimarusti munastwa. Jan karjasisaw sapür jach'añchsma, chekap camächit arunacamata. Arunacam munirinacajj suman jacasipjje, janiw cunas jupanacarojj tincuyquiti. Tatay, nayar khespiyañam suyt'ascta, arunacamarjamaw sarnakta. Nayajj arsutanacamaruw jaysta, takpach chuymampiw munasiracta. Arunacamarojj jaystwa, jumaw take sarnakäwejj yatistajja. Tatay, arnakasitajjajj nayrakatamaruy purinpan, arunacamarjamay amuyt'a chuym churita. Aca uywatamarojj jacayaquimaya, nayasti arunacamarojj phokhäwa; Mayisitajjajj nayrakatamar purinpan, arsutamarjamay khespiyita. Lacajjat jach'añchañ arunacajj mistpan, jumaw leyinacam nayar yatichista. Lajjrajjajj arsutam phokherïtamat k'ochpan, takpach arunacaman chekapätap laycu. Amparamajj nayar yanapt'añatac waquichatäpan, arunacamar take cunat sipan munasitajj laycu. Tatay, nayar khespiyañam munta; cusisiñajjajj munañam phokhañawa. Jumar jach'añchañataquiw jacañ munta, asqui cancañamajj yanapitpanaya. Chhaker ovejar uñtataw payinucta, nayar thakerejj jutaquimaya, janiw arunacamat armascti. nayranacajjay jist'arita, muspharcañ arunacam uñjjatañataqui; aca orakenjja sart'ir jakequïtwa: janiquiy arsutanacam nayatac imantamti; Tatitun arunacapar jaysirinacajj cusisiñaniwa, takpach chuymamp jupar thakerinacajj cusisiñaniwa,

Diosar llaquinacam catuyam, jupasti ch'aman tucuyätam, Diosar jaysirin aynacht'añapjja, janipuniw jupajj muncaniti.

Ñankha lurir jakejj, jan p'enkanpachaw arsu: “Janiw Diosajj utjquiti, janiw qhitis luratajjat camsquitaniti” sasa. Uqhamac jupajj amuyi.

Jupaw karitarojj ch'am churi, pisi ch'ama jakerusti ch'am yapt'araqui.

jan cuna ñankha luririnacasa, Tatitun thaquipan sarnakerinacas cusisiñaniraquiwa.

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim. Diosajj jumanacarojj churapjjaraquïtamwa samarañapa, ucasti take cuntejj jakejj amuyt'caspas ucat juc'amp jach'awa. Uca samarañasti jumanacan chuymanacamsa, amuyunacamsa imaniwa Cristomp mayaquïpjjatam laycu.

Tatay, jach'a t'akhesiñ taypitpach art'asinsma: Tatay, arojjarojj ist'aquimaya; achict'asiñamp mayisitajjarojj jaysaquimaya.

“Nayan ucar jutapjjam, nayaw khespiyapjjäma, orake tucusin utjir marcanaca, nayaquïtpï Diosajja, janiw yakhajj utjquiti.

Tatay, arsutajjajj jumar cusisiyquirïpan, chuymajjan lup'itapajj nayrakatamcam purinpan, jumaw imantasiñ karkajjätajja, khespiyirejjätasa.

Mayipjjaractwa jumanacajj Tatitunquirjama sarnakapjjañamataqui, uqhamarac cunatejj jupataquejj asquïqui ucanac lurapjjañamataqui, uca suma luräwinacamajj mä suma cosechjama utjañapataqui, Diosarus juc'ampi sumrac uñt'apjjañamataqui.

Set chachasti mä wawaniraquïnwa, ucasti Enós sata. Ucatwa jakenacajj Diosat mayisjjapjjäna.

¿Janit wasitat jacañ churapquitäta, marcaman jumamp cusisiñapataquejja?

Alajjpachanquir Take atipirin imat sarnaker jakejja,

Nayar jutapjjam take karjatanaca jatjatanaca, nayaw samarayapjjäma.

Cusisiñaniwa Tatiturupuni ajjsartiri jakejja, ucampis chuyma kalarayasiri jakejj jan walt'añaruwa purini.

Uca suyt'añ churiri Diosajja, cusisiñampi, sumancañampi jumanacar phokhantpan juparu iyawsapjjatam laycu, uqhamat uca suyt'añanjja phokt'atäpjjañamataqui Kollan Ajayun ch'amap toke.

Take ucanacajj jumaruw suyasipctam, waquisitapar mank'a churañamataqui. Jumaw mank'a churtajja, jupanacasti catokasipjjewa; amparam lokatatcta ucapachasti, asquinacampiw sist'asipjje;

¡Tatay, wali llact'ataw jicjjatasta! arsutamarjamay jacañ churita.

Ucampis Tatitojj jumanacat qhuyapayasiñataquiw suyasipctam, jupasti walipuniw munasiñapjja uñacht'ayañ munapjjtam, Tatitusti qhuyapayasiri chekapa Diosaraquiwa. ¡Cusisiñanïpjjew jupar suyt'irinacajja!

Yanapt'itaya, nayasti khespiyataw uñjasï, jan karjasisaw leyinacam phokhä.

Nayasti Diosaruw jac'achasï, ucaw nayarojj cusisiyitu. Tatay, jumaw arjjatirejjätajja, takpach luräwinacamat yatiyä.

Aca uywatamarojj qhuyapayasiñampiy uñjam, leyinacamay yatichita.

Diosajj wiñay jacañwa churani take qhitinacatejj Diosan marcapa, cheka cancañampi jan inact'as thakerinacarojja.

Umat pharjatanacaruw um churi, mank'at awtjatanacarusti jilarquir mank'a churaraqui.

Khespiyäwim suycasaw tucusiscta, arunacamaruw take chuymamp iyawsta.

“Munat wawajjay, jumatejj arunacajja catoketäta; camachi arunacajjsa imaraquïta, Yatiñasti chuymamaruw mantätam, ucatsti yatiñan sumätapwa yant'äta. Jumarusti suma ewjja arunacampi, ch'iqhi chuymampiwa imätam; ucanacaw khespiyätam jan wali sarnakäwita, uqhamarac ñankha parlir jakenacatsa. Imaraquïtamwa cheka sarnakäwinaca apanucusina, jan walinac luras sarnakerinacatsa; jupanacasti jan walinac lurañanwa cusisipjje, ñankhanac lurañanwa cusisipjjaraqui. Jupanacasti k'ewi thaquinacan sarnakapjje; cheka thaquitsti maysaruw saranucupjje. “Yatiñ cancañaw jan wali sarnaker warmitsa khespiyätam, koña arunacampi iyawsayir warmita. Uca warmisti chachaparuwa apanucu, Diosampi suma amtäwiru mantatapat armasiraqui. Uca warmin utapar sarañasti, jiwañar sarañ thaquiwa; cawquïri chachanacatejj uca warmimpi utjasir sarapqui ucanacajja janiw cuttancjjapjjeti, janiraquiw wastatampi suma jacañaru cuttanipquiti. yatiñarusa ist'araquïta; ch'iqhi chuymanïñsa jicjjatañ munaraquïta. “Jumasti asqui thaquina sarnakam, asqui jakenacan sarnakäwipan sarnakaraquim. Asqui luriri k'oma jakenacasti, aca orakenwa wiñayatac jacapjjani. Ucampis jan wali sarnaker jakenacasa, jan sum phokhasa sarnakerinacasa, aca oraketjja apanucuta tucjatäpjjaniwa. Ch'iqhi chuymanïñarusa chekap sarnakañarusa take ch'amamampi, kollkerjama, jila alani imat yänacarjama, thakaraquïta ucqhajja, yatïtawa Tatitur ajjsaraña; ¡jicjjataraquïtawa cunäquitejj Diosar uñt'añajja uca!

Janïraw jupanacajj jawsapquitaniti, ucapachaw nayajj jupanacar jaysä; janïraw parlañsa tucuyapcaniti ucapachaw nayajj jupanacar ist'ä.

Diosaruw take chuymamp alcatta, janiw cunarus ajjsarcti: ¿Camächaraquitan jakesti?

Chekapar uñjañamajj wiñay asquiwa, yatichäwimasti chekaparaquiwa.

“Acapachanjja jan imapjjamti walja yänacjja, aca orakenjja thuthaw thuthantasqui, ucatsti inamaya imataquiwa. Uqhamaraquiw acapachan imat yänacjjarojj lunthatanacajj mantasin lunthatsupjjaraqui. “Cunapachatejj pist'ayasitanacaru yanapt'cäta ucqhajja, jan jakenacarojj yatiyamti, cunjämtejj c'ari parlirinacajj sinagoganacana, callenacana lurapqui uqhamjja. Jupanacasti jakenac nayrakatanjja wali sumat uñt'atäñwa munapjje. Nayasti khanacwa sapjjsma, uca luräwipatjja catokjjapjjewa. Jan ucasti jumanacajj alajjpacharu suma yänaca imasipjjam, ucansti janiw qharus thuthantquiti ni ina ch'usarus tucuscaraquiti, janiraquiw lunthatanacas lunthatcaraquispati.

Dios Tatitojjay, munañam lurañaw cusisiyitu; yatichäwinacamajj chuymajjanquiwa.”

cawqharutejj puriñasäqui, ucar puriñataqui, alajjpachan chürawi catokañataqui, cunataquitejj Diosajj Cristo Jesús tokejj jawsquistu uc catokañataqui.

ñankha luririnacajj oraket jakonucutäpjjaniwa, Tatitur suyt'irinacasti oraken jacasipjjani.

Tatay, jumaw nayan suyt'añajjätajja, wayna cancañajjatpach alcatañajjätasa.

Acwa sapjjsma, Ajayun munañaparjam sarnakapjjam, uqhamatjja janiw janchin munañaparjam sarnakcjjapjjätati.

Jesusasti juparojj saraquïnwa: —Diosan arupanjja kellkatawa: ‘Janiw jakejj t'ant'a sapampiquiti jaccani, jan ucasti take cuntejj Diosajj sisqui uca arunacampiw jacaraquini’ —sasa.

Diosajj jac'asancapuniwa, iyawsirinacapar khespiyañataqui; jach'a cancañapasti orakesan utjasini.

Uqhamasti munat jilatanaca, jumanacajj Tatitumpejj sum sayt'asipjjam, janirac sarakapjjamti. Irnakasipcaquim juc'ampi juc'ampi Tatitun luräwipanjja; jumanacajj yatipjjaractawa Tatitumpi mayaqui irnakapjjatamajj janiw inamayäquiti.

Jumanacan chuymanacamasti cawquincquitejj uca suma imasitanacamajj ucancaraquiniwa.

Diosajj jach'añchatäpan, mayisitajjarojj janiw inar tucuyquiti, janiraquiw munasiñaps jithektayquituti.

Tatitojj llaquimp aynacht'atanacan jac'apancasquiwa, jupanacar khespiyañataqui, aynacht'at chuymanacap waytañataqui.

Jan ucasti Tatitur jach'achapjjam chuymanacamanjja. Ucatsti waquicht'atäpjjaraquim qhitinacatejj jumanacaru suyt'añanacamjjat jisct'apcätam ucanacar sañataquejja ucampis sapjjam suma chuymampi.

“Jumanacäpjjaractawa acapach khanajja. Mä kollu patanquir marcajj janiw cunjämatsa imantascaspati.

¿Janit jumast alajjpachan nayatac utjctasti? Jumamp chic utjasajj janiw cuns aca oraken muncti.

Jiwasatejj juchanacas arsusiñänejja, jupajj chekawa, asquiraquiwa juchanacas perdonañataqui, uqhamarac take jan walinacata k'omachañataquisa.

Marcajjay, jupar take chuymamp iyawsam, chuymanacam jupar jist'arapjjam, Diosaw jiwasan imantasiñasajja.

Cheka cancañamajj wiñayan wiñayapataquiwa, juman lurat orakejj jan onjjtquiriwa.

Iyawsäwi laycu Dios nayrakatan asquit uñt'atäjjatasatwa Diosampi sumancañajj utjistu Jesucristo Tatitusana. Diosan uñisiripäcasinsa Dios quipcaw sumancthapiyistu jupan Wawapan jiwatap toke, ucataracwa jichhajj uca Wawapan jacäwip toke khespiyatäñäni, jupampi sumancthapitas laycu. Janiw ucaquïcaraquiti jan ucasti Diosancjjasinjja cusisiractanwa Jesucristo toke, Tatit Jesucristos tokew Diosampejj sumancthapitäjjtanjja. Cunjämatejj mä sapa jake toke juchajj aca oraker mantanquejja, ucat jiwajj uca jucha laycurac utjejja, uqhamaraquiw jiwajj take jakerojj catuntawayi juchachasitap laycu. Janïr ley utjquipanwa aca orakenjja juchajj utj-jjäna, cawqhantejj jan leyejj utjquejja janiraquiw juchajj amtatäquiti. Ucampis Adanan urunacapat Moisesan urunacapcamajja, jiwañajj ch'amanïnwa juchachasirinacataquejja, jupanacajj janis Adanjama juch lurapcchïna ucasa. Adanasti chekpachansa mä uñacht'äwiquïnwa qhititejj jutañapäcän ucatjja. Ucampis Adanan juchapjja janiw cuntejj Diosajj churquistu ucampejj mayachcsnati. Mä jaken juchar puritap laycojja walja jakenacaw jiwari. Ucampis Diosajj ina ch'usataqui khespiyasiña churquistu mä jake Jesucristo toke ucasti, chekpachansa juc'amp jach'awa, uqhamarac walja jakenacatac asquiraquiwa. Mä sapa jaken jucha luratapajja janiw Diosan jiwasar khespiyasiñ churquistu ucampejj uñtascaspati. Juchañchatäñasti mä sapa jucha laycuw utji, ucampis khespiyasiñjja Diosajj ina ch'usatacwa jakenacarojj churi, uca jakenacajj walja juchanïscpasaya. Jiwañatejj mä sapa jaken jucha luratap laycu mantanchïnjja, ucat juc'ampiwa machak jacañanjja munañanïpjjani, qhitinacarutejj Diosajj ina ch'usataqui catokqui Jesucristo laycu ucanacajja. Cunjämatejj Adanan juchap laycuqui juchañchatäñajj take jaketaqui utjejja, uca quipcaraquiw Diosan asqui munasiñapajj Jesucristo toke khespiyasiñajj jakenacataquejj utjaraqui. Cunjämatejj mayni jaken juchañchasitap laycuqui waljani juchararäpjjejja, uqhamaraquiw mayni sapa jaken ist'asiri tucutap laycojj waljaniraqui Dios nayrakatanjja asquit catokatänejja. Cristo tokeraquiw jiwasanacajj Diosarojj jac'achastanjja, iyawsäwi laycu jupat bendiciona catokañataqui. Uca bendicionansti takeniw ch'amani sayt'atätanjja, Diosan marcaparu mantañataqui suyt'äwinsti cusisitätanwa.

Jacobon Diosapan yanapat jakejj cusisiñaniwa, Tatitu Diosapar suyt'irejj cusisiñaniwa.

Kellkataraquiwa: “Take qhititejj Tatitun sutipa art'asqui ucajj khespiyatäniwa.”

Sarnakäwejjaruw uñaquipasta, arunacamarusti wasitat jaysta.

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Nayasti jumaruquiw suyt'ascäma, juc'amp jach'aruw aptäma;

“Asqui jakenacan sarnakäwinacapasti willjta khanjamawa; phokhatpach khantañcamaw juc'at juc'at khanti.

Israel marca, Tatituruy suyt'am, qhuyapayasiñajj Tatitut juti, khespiyäwipajj jilarquiriw jutaraqui.

Templon puncunacap jist'ararapipjjeta, Tatitur yuspagaririw mantañ munta. Israel marcajj sispan: “Tatitun qhuyapayasiñapajj wiñayawa.” Acapï Tatitun puncupajja: uca chekaw asqui jakenacajj mantapjjani.

Jesusasti saraquïnwa: “Wawanacajj nayan ucar jutasipcpan, janirac jarc'apjjamti, Diosan reinopasti jupanacjamataquiwa” sasa.

Ucampis jichhajj Israel, Jacobon marcapa, jumar uywiri Tatitojj sistamwa: “Jan ajjsaramti, nayaw khespiysma, nayaw sutimat jawssma, jumajj nayanctawa. Tatitusti siwa: “Jumanacäpjjtaw nayan khanañchirinacajjajja, nayan ajllit sirvirinacajja, nayaw jumanacar ajllisipjjsma nayar uñt'apjjañamataqui, alcatapjjañamataquiraqui, uqhamat amuyapjjañamataqui qhitïctejj nayajj uca. Nayat nayrajj janiw qhiti diosas utjcänti, acat kheparus janipuniw utjcaniti. Naya sapaquïtwa Tatitojja, nayat yakhasti janiw khespiycaspati.” Tatitusti siwa: “Nayaw yatiyta, art'aracta, nayaw khespiyaracta; janiw mä jan uñt'at diosati khespiyqui, jumanacasti uca toketjja khanañchirejjäpjjtawa. Nayratpach nayaquipunïtwa Diosajj. Janiw qhitis ch'amajjatjja khespiycaspati. Cuntejj nayajj lurcta ucsa janiw qhitis t'unjcaspati.” Tatitojj, Israelan Kollan Diosapajja, qhititejj jumanacar khespiyapctam ucajja, siwa: “Jumanacar khespiyañataquejj Babiloniarojj jakenac qhitanï, take puncunac jist'arayaraquï, caldeo jakenacan cusisiñanacapasti t'akhesiñaruw tucuni. Nayätwa Tatitojja, Israelar acapachar uscurejja, Kollan Dios, jumanacan reyima.” Tatitusti mä thaqui jist'araraqui jach'a kokanjama, mä jisc'a thaqui jist'ari walja khothutiri umanac taypina; mä ch'amani ejercitoruw mistsuyani, carronacapampi, caballonacapampi t'unjayañataqui. Liwinucutaw uñjasipjje, ucampis janiw sayt'asipcaniti; jiwt'ir mechar uñtataw tucusiwayjjapjje. Jichhasti Tatitojj marcaparojj siwa: “Cunatejj wasüru pascän ucjja jan amtcjjamti, janirac juc'ampi cunanacatejj pascän ucanacs amtcjjamti. Nayaw jichhajj take cunsa machak lurä, ucsti jichpacharaquiw uñjäta. Wasaran thaquinacwa jist'arä, jan achuri orakensti jawiranacwa jist'araraquï. Umanjam maqhatañamächejja, nayaw jumampïscäjja, jawiranac maqhatañamächejja, janiw jalantasin jiwcätati; ninanjam pasañamächejja, janiw naqhantcätati, ninas janiw jumanjja naccaniti.

Diosar mayisiña