Jeremías 50:4 - Qullan Arunaca

⁴ Tatitojj siwa: “Qha urunacanjja Israelanquiri jakenacajja, Judá orakenquiri jakenacasa jacht'asisaw naya Tatitu Diosaparu thakeri jutapjjetani.

Aymar Bibliia 1986

⁴ Tatitojj siwa: “Qha urunacanjja Israelanquiri jakenacajja, Judá orakenquiri jakenacasa jacht'asisaw naya Tatitu Diosaparu thakeri jutapjjetani.

Qullan Arunaka DC

⁴ Tatitux siwa: “Khä urunakan Israelankir jaqinakax, Judá uraqinkir jaqinakasa jacht'asisaw naya Tatitu Diosapar thaqhir jutapxani.

Jeremías 50:4 Jak'a apnaqawi uñst'ayäwi

2 Crónicas 7:14

ucampis sutejja apqui uca marcajjatejj jisc'ar tucusina nayat mayisitani, thaktaraquitani, uqhamarac jan wali sarnakäwinacapsa apanucuni ucajja, nayajj alajjpachatpachwa ist'äjja, juchanacapsa pampacharaquïwa, ucatsti marcapan nayrakatar sartañapsa cuttayjjaraquïwa.

Salmos 105:4

Tatitur iyawsapjjam, ch'amapar alcatapjjam, jan karjasis ajanup thakapjjam.

Isaías 14:1

Jïsa, Tatitojj Jacobotjja qhuyapt'ayasiniwa, Israelarusti wasitatwa jupan ajllisitapat uñt'asjjani, israelita jakenacasti wasitatwa orakenacaparojj utjnokasjjapjjaraquini. Jaya marcan utjir jakenacasti jupanacarojj jac'achasipjjaraquiniwa, Jacobon marcapampisti mayachasjjapjjaraquiniwa.

Isaías 45:19

Nayajj janiw cunsa jamasat parlcti, janiraquiw ch'amac c'uchunacansa parlcti. Janiraquiw Jacobon wawanacaparojj siscti: ‘Cawqhantejj jan cunas utjqui uca chekan thakapjjeta’ sasa. Naya Tatitojj, chekacpunwa parltjja, cunatejj chekapäqui uca arsuractjja.

Isaías 55:6

“Tatitur thaktapjjam jicjjatañjamäquipana, jac'ancquipan jawsapjjam.

Isaías 63:4

Nayaw mä uru cheka uñjäwi utjañapjja amtta; marcajjar khespiyañ horasasti purinjjaraquitaynawa.

Jeremías 31:31

Tatitojj siwa: “Mä uruw puriniraquini cunapachatejj nayajj Judá marcampisa, Israel marcampisa mä suma machaka arust'äwi lurcä uca urojja.

Jeremías 33:15

Uca uru purincani ucapachasti Davidataquejj mä jupan wawapwa utjayaraquëjja, juparaquiw aca marcanjja asquimpi chekapampi utjayani;

Jeremías 41:6

Ucatsti Ismaelajj Mizpa chekat mistuwayänwa jupanacampi jiquisiñataqui; jacht'asisaw thaquinjam sararaquïna. Jupanacampi jiquisisasti saraquïnwa: “Jutapjjam Ahicam jaken Gedalías yokaparu uñjiri” sasa.

Ezequiel 16:61

Cunapachatejj nayajj jilïri uqhamaraqui sullca cullacanacama phuchanacamäcaspas uqham catuyäma, arust'äwejj janis uqhamäcchi, ucapachajja jumajj nayra luräwinacam amtasisajj p'enkasipunïtawa.

Ezequiel 39:25

Ucatpï jichhajj Tatitojj sejja: “Jichhajj take Israel marcpachatwa qhuyapayasëjja, take Jacobon wawanacapata. Jichhajj Israelan sarnakäwipajj sumäjjaniwa, uqhamat wayt'añajjataqui nayan kollan sutejjajj suma uñjatäñapataqui.

Oseas 1:11

Ucapachawa Israel marcanquir jakenacampi, Judá marcanquir jakenacampejj mayacht'asjjapjjani, ucatsti mä sapa jilïriruwa utt'ayasjjapjjani, take toketsti Jerusalén marcarcamaraquiw cuttanjjapjjani. ¡Jezreelan urupasti wali jach'apunïniwa!

Oseas 11:10

Jupanacasti Tatituruw arcapjjani, jupasti mä leonjamaw warariraquini. Warariniwa, ucatsti jupanquirinacajj qhathatt'asisaw inti jalanta toket jutjjapjjani.

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Oseas 6:1

Takeni jutapjjam, Tatitun ucar cuttjjañäni. Jupaw usuchjistu, juparaquiw c'umarachjjestani; chhojjriñchjistuwa, juparaquiw kolljjatjjestani.

Joel 2:12

“Ucampis jichhajja, Tatitojj siwa: Take chuymampi nayan ucar cuttanjjapjjam. ¡Ayunapjjam, arnakasipjjam, jachapjjaraquim! sasa.

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Santiago 4:9

Llacthapisipjjam, jachapjjam, wararipjjaraquim. Larutanacamjja jachañarquipstayapjjam, cusisiñanacamsti llaquisiñaru cutiquipstayapjjaraquim.