Jeremías 50:5 - Qullan Arunaca

⁵ Sión thaqui toketwa jisct'asipjjaraquini, ucatsti ucsaruw aqham sasa sarapjjaraquini: ‘Tatitun ucaru sarjjañäni, jupampisti mä wiñayataqui arust'äwi luraraquiñäni, jan mayampitaqui armasquiri’ sasa.

Aymar Bibliia 1986

⁵ Sión thaqui toketwa jisct'asipjjaraquini, ucatsti ucsaruw aqham sasa sarapjjaraquini: ‘Tatitun ucaru sarjjañäni, jupampisti mä wiñayataqui arust'äwi luraraquiñäni, jan mayampitaqui armasquiri’ sasa.

Qullan Arunaka DC

⁵ Jerusalén markar sarir thakhit jiskt'asipxani, ukatsti uksaruw akham sasa sarapxarakini: ‘Tatitun ukar sarxañäni, jupampisti wiñayatak mä arust'äwi lurañäni, jan mayampitak armaskiri’ sasa.

Jeremías 50:5 Jak'a apnaqawi uñst'ayäwi

Génesis 17:7

Cuna arust'äwtejj jumampi, uqhamarac acat kheparusa wawanacamampi lurcta ucajj acawa: Nayajj juman Diosamapunïyäwa, uqhamaraqui wawanacaman Diosapäyäwa, wiñayataqui.

2 Samuel 23:5

Ucatpï wawanacajjajj, Diosar suma utt'ayatajja, jupasti nayampejj mä wiñay arust'äwi luraraqui, uca arust'äwisti chekaparu, uqhamaraqui suma lurataraquiwa. Jupaw nayarojj phokhat atipjañ churitu, cunanactejj muncta ucanacsti phokharaquituwa.

1 Reyes 19:10

Jupasti sänwa: “Nayajj uñjtwa jumana munasiñama take ch'amani Dios Tata, israelitanacasti juman sumancäwi arunacamjja apanucupjjewa, uqhamarac altaranacamsa allinucupjje, ucatsti espadan puntapampiwa profetanacamarojj jiwarayapjje. Naya sapaquiwa kheparjjta, jichhasti thakasipquituwa jiwayañataqui” sasa.

1 Reyes 19:14

Jupasti sänwa: “Nayajj uñjtwa jumana munasiñama take ch'aman Dios Tata, israelitanacasti juman sumancäwi arunacamjja apanucupjjewa, uqhamarac altaranacamsa allinucupjjewa, ucatsti espadan puntapampiwa profetanacamarojj jiwarayapjje. Naya sapaquiwa kheparjjta, jichhasti jiwayañataquiw thakasipquitu” sasa.

Salmos 84:7

ch'amanacapajj jiljjataniwa, Sión marcansti Diosaruw uñjapjjani.

Isaías 35:8

Ucansti mä thaquiw utjaraquini, uca thaquisti “Kollana” satäniwa; qhitinacatejj jan k'omachatäpqui ucanacajj janiw uca cheka pasapcaniti; pisi amuyu jakenacas janiraquiw uca cheka sarnakapcaraquiniti.

Isaías 55:3

Nayan ucar jutapjjam, ucatsti ist'apjjeta, ist'apjjeta, ucatsti jacapjjätawa. Nayaw jumanacampejj wiñay arust'äwi lurä, uqhamat phokharaquï cuntejj mä uru Davidarojj munasiñampi arscta ucjja.

Jeremías 3:18

“Uca uru purincani ucapachasti Judá marcajj Israel marcaruw jakcattjjani, ucatsti mayaquiw amsta tokenquir marcanacat cutt'anjjapjjani, cawquïri oraktejj nayajj mä herenciäcaspas uqhama nayrapacha awquinacapar churta uca orakeru” sasaw Tatitojj arsu.

Jeremías 31:21

“Israel, jichhajj thaquinacam suma chimpusim, uqhamat wasitat janc'aqui jicjjatjjañamataqui; cawquïri thaquinacantejj sarnakcäyäta ucanacjja sum amuyam. ¡Israel marca, cuttanjjam, cuttanjjam marcanacamaru!

Jeremías 31:6

Mä uruw puriniraquini, cunapachatejj perka uñjirinacajj Efraín kollunacan arnakasipjjani: ‘Jumanacajj jutapjjam, Sionar sarañäni, Tatitu Diosasan ucaru’ ” sasa.

Jeremías 32:40

Jupanacampisti mä machaka wiñay arust'äwi luräjja: Jupanacarusti uca arust'äwinjja arsuraquïwa, asqui lurañataquipuni; chuymanacaparusti nayaru jach'anchañwa phokhantaraquï, uqhamaraqui nayatsa janipuni mayampis sarakañapataqui.

Jeremías 6:16

Tatitojj marcaparojj siwa: “Thaqui jac'anacaru sayt'asipjjam ucatsti uñatatasipjjaraquim, nayra thaquinacat jisct'apjjam; cawquïrisa suma thaquejja ucata; ucatsti uca thaquinjam sarapjjam, ucapachaw samarapjjaraquïta.” Ucampisa jupanacajj sapjjewa: “Janiwa, janiw uca thaquinjam sarapquiristti” sasa.

Ezequiel 16:61

Cunapachatejj nayajj jilïri uqhamaraqui sullca cullacanacama phuchanacamäcaspas uqham catuyäma, arust'äwejj janis uqhamäcchi, ucapachajja jumajj nayra luräwinacam amtasisajj p'enkasipunïtawa.

Ezequiel 37:22

Jupanacarusti aca orakenjja mä sapa marcacwa tucuyjjaraquëjja, Israelan kollunacapana, mä sapa reyiquiraquiw jupanacataquejj utjaraquini. Janipuniw wasitata payaru t'akjtata marcäcjjapjjaniti, janiraquiw payaru jaljtata reinöcjjapjjanisa.

Oseas 1:11

Ucapachawa Israel marcanquir jakenacampi, Judá marcanquir jakenacampejj mayacht'asjjapjjani, ucatsti mä sapa jilïriruwa utt'ayasjjapjjani, take toketsti Jerusalén marcarcamaraquiw cuttanjjapjjani. ¡Jezreelan urupasti wali jach'apunïniwa!

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Oseas 6:1

Takeni jutapjjam, Tatitun ucar cuttjjañäni. Jupaw usuchjistu, juparaquiw c'umarachjjestani; chhojjriñchjistuwa, juparaquiw kolljjatjjestani.

Juan 7:17

Maynitejj Diosan munañap lurañ munchi ucajja, uñt'aniwa Diosan yatichäwipächi jan ucajj naya pachpan yatichäwejjaquïchi ucjja.

Hechos 11:23

Antioquiar purisinjja, Bernabeajj wal cusisïna, cunjämtï Diosajj jupanacar bendiscatayna uc uñjasajja. Jupanacarusti ewjjt'awayiwa: “Take chuymamp Tatitur arcapjjam” sasa.

2 Corintios 8:5

Cuntejj suyapcäyät ucat juc'ampsa lurasipcaquïnwa, jupanacpachaw nayrakata Diosarojj catuyasipjjäna, ucjjarusti nanacaruraqui Diosan munañaparjama.