Isaías 26:9 - Qullan Arunaca

⁹ Arumanacas take chuymajjampiraquiw jumatjja llaquista, take chuymajjampiraquiw thaksma; cunapachatejj jumajj take aca orakpachar uñjcäta ucqhajj, jakenacajj yatekapjjaniwa cunatejj chekapäqui ucjja.

Aymar Bibliia 1986

⁹ Arumanacas take chuymajjampiraquiw jumatjja llaquista, take chuymajjampiraquiw thaksma; cunapachatejj jumajj take aca orakpachar uñjcäta ucqhajj, jakenacajj yatekapjjaniwa cunatejj chekapäqui ucjja.

Qullan Arunaka DC

⁹ Arumanakas taqi chuymaxampiw jumat llakista; taqi chuymaxampiw thaqsma; kunapachatix jumax taqi aka uraqpachar uñjkäta ukkhaxa, jaqinakax kunatix chiqapäki uk yatipxani.

Isaías 26:9 Jak'a apnaqawi uñst'ayäwi

1 Crónicas 16:14

“Jupawa jiwasana Tatit Diosasajja; ¡Jupawa take orakpacha apnakasqui!

Salmos 105:7

Tatituw jiwasanacan Diosasajja, jupaw takpach oraker apnake.

Salmos 119:55

Tatay, arumanacaw sutim aytasta, yatichäwimarjam phokhañ munaracta.

Salmos 119:62

Chica arumaw jumar yuspagarañatac uñatatta, arunacamat jumar yuspagarañataqui.

Salmos 130:6

Nayajj Tatituruw suyt'ascta, khanjtaniñap uñch'uquir jaket juc'ampi.

Salmos 58:11

Ucapachaw aqham sapjjani: “Asqui jakejj waliruquis purisquejjä, Diosajj chekapar uñjirïscapunisä” sasa.

Salmos 63:1

Diosajjay, jumaw Diosajjätajja, jumar thakasaw khantatta, almajjajj jumatjam pharjatawa; janchejjajj jumatjam awtjatawa, jan umani, jan jacañan waña oraker uñtatawa.

Salmos 63:5

Jach'a mank'äwinquir jakjamaw cusisï, lacajjasti cusisitaw jach'añchätam.

Salmos 64:9

Takeniw ucapachajj Diosar jach'añchapjjani, luräwinacapat yatiyapjjani; luratanacap amuyjjapjjaraquini.

Salmos 78:34

Diosajj jiwaraycän ucapachaquiw juparojj thakapjjäna, janc'aquiw Diosar maqhatjjañataquejj thakapjjäna;

Salmos 83:18

juma sapac Diosätam yatipjjpan, aca orakjjar juma sapac Alajjpachanquirïtam yatipjjaracpan.

Proverbios 8:17

Nayasti muntwa qhitinacatejj munapquitu ucanacaru, qhitinacatejj thakapquitani ucanacasti jicjjatapjjetaniwa.

Isaías 27:9

Ucampis Jacobon juchanacapjja pampachiwa, aca amtäwimpiraquiw juchanacapsa pichararaquini. Take c'ari diosanacapan altaranacapjja pampa saraypan, ñut'jaracpan k'atawi kaläcaspas uqhama, janirac ni mä kollana troncos kheparpati, janiraqui incienso loktasiñ altaranacas utjpati diosanacapataquejja.

Isaías 50:10

Jumanaca qhitinacatejj Tatitur jach'achapjjta ucanacajja, sirviripan arunacapsa ist'apjjaracta, inas ch'amacan sarnakapjjsta, jan mä jisc'a khanani, Tatitur take chuyma iyawsapjjam, Diosamaruraqui jaysapjjam.

Isaías 55:6

“Tatitur thaktapjjam jicjjatañjamäquipana, jac'ancquipan jawsapjjam.

Lamentaciones 2:19

Sartasim, ucatsti arumanacas arnakasiraquim, ucqhat ucqharu arnakasiraquim; chuymamsti Tatitun nayrakataparu ucharaquim, umjama chuymamas jalaracpan; amparanacamsti juparu mayt'asisa loktaraquim, wawanacaman jacañapataquisa jupat mayiraquim, uca wawanacamasti calle esquinanacanwa mank'atjama jiwarasipcaraqui.

Lamentaciones 3:25

Tatitojj asquiwa jupar iyawsirinacataquejja, qhitinacatejj juparu jac'achasipqui ucanacataquejja.

Ezequiel 5:15

Cunapachatejj nayajj wali jach'a colerasiñampi juma toke arsutanacajj phokcä, uqhamaraqui jan qhuyapt'ayasisa mutuycäma ucapachasti, takeniw jan wali arunacampi arnakapjjätam, ñankhachapjjaraquïtam, cawquïri marcanacatejj jumaru muyuntatäqui ucanacataquisti mä jach'a yatichäwiraquiyätawa. Naya Tatituw ucjja arsta.

Oseas 5:15

“Ucatsti utjäwejjaruw cuttawayjjä, jupanacan juchanacap uñt'asiñapcama, nayar thakeri jutapjjañapcamaraqui. ¡Llaquisiñanacapanwa nayarojj thakapjjetani!”

Mateo 6:33

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

Marcos 1:35

Willjtanjjepansti Jesusajj ch'amac ch'amacaw marca thiyaru mistüna mä wasar chekaru, ucansti Diosat mayisïna.

Lucas 6:12

Uca urunacansti Jesusajj mä kolluruw oración lurir saräna, ucan jupajj arum pakariw Diosat mayisïna.

Apocalipsis 11:13

Uca horasasti uca marcanjja mä jach'a orak qhathatiw utjäna. Uca marcata tunquïri partesti chhaktänwa, pakallko waranka jakenacaraquiw uca orake qhathatimpejj jiwarapjjäna. Chicat jakesti ajjsarañatsa alajjpachanquir Diosaruw yupaychapjjäna.