Génesis 15:1 - Qullan Arunaca

¹ Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Aymar Bibliia 1986

¹ Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Qullan Arunaka DC

¹ Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

Génesis 15:1 Jak'a apnaqawi uñst'ayäwi

Génesis 15:2

Ucampis Abramajj saraquïnwa: —Dios Tatitu, ¿cunataquirac walïni juman churatamasti? Jumajj asquiw yatistajja nayan jan wawanïtajj-jja. Cunjämatejj jan mä wawsa churquistajja, take cunatejj utjquitu ucjja Damasconquir Eliezeriw catjjani, jupasti mä uywatajjaraquiwa —sasa.

Génesis 15:4

Tatitusti saraquïnwa: —Juman herederomasti juman pachpa wawamäniwa, janiw mä jaya jakëcaniti —sasa.

Génesis 21:17

Ucampisa Diosajj uca wawan jachatapjja ist'araquïnwa, Diosan angelapasti alajjpachatpachwa Agar warmirojj jawsaraquïna, saraquïnwa: “¿Cunas pastam, Agar? Jan ajjsaramti, Diosasti wawaman jachatapjja ist'iwa cawqhancquitejj ucqhatpacha.

Génesis 22:1

Mä kawkha tiempo pasatatsti Diosajj Abrahaman iyawsañapwa yant'äna. Sutipatwa art'anïna, jupasti saraquïnwa: —Acanctwa —sasa.

Génesis 22:20

Take acanac pasatatsti Abrahamajj yatiraquïnwa Nacor jilapan Milca warmipajj wawanacanïtaparaqui.

Génesis 26:24

Uca arumasti Tatituw uñstäna, saraquïnwa: “Nayätwa Abraham awquiman Diosapajja. Jan ajjsaramti, nayaw jumampïscta. Abraham sirvirejja laycuw jumarojj bendicïma, wawanacamsa mirtayaraquïwa” sasa.

Génesis 31:7

uqhamarac sapa cutiw sallkjitu, pagojjsa janiw phokhat pagquitutejja. Ucampisa Diosajj janiw nayar cuna casta ñankha lurañapsa munquiti,

2 Samuel 22:3

Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

2 Reyes 1:15

Ucatsti Tatitun angelapajj Eliasarojj sänwa: “Jupamp chica saram, jan jupar ajjsaramti” sasa. Eliasasti sarakanisinjja capitanamp chicaw reyin ucaru saräna,

1 Crónicas 28:20

Ucatsti Davidajj Salomonarojj sänwa: “¡Ch'amañchasim, janirac mayjt'asimti, uqhamarac jichhajj lurañaru uscusim! ¡Janipun ch'am thayjtayasimti, ni ajjsaramsa, Tatitu Diosajjasti jumampïscatap laycu! Jupasti janiw jaytanuccätamti, ni apanuccätamsa, take lurañanacajj Tatitur sirviñataqui templona tucusiñapcama.

Salmos 115:10

Sacerdotenaca, Tatitur iyawsapjjam: Jupaw yanapistu, arjjataraquistu.

Salmos 119:114

Jumaw imantasiñajjätajja, jarc'akasiñajjätasa, arunacamaruw takpach chuymajj catuyta.

Salmos 142:5

Tatay, jumaruw art'asinsma, jumaruw saracsma: “Jumätaw nayan imantasiñajjajja; jumaquiw aca jacañ oraken take cunajjätasa” sasa.

Salmos 18:2

Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

Salmos 27:1

Tatituw khanajjasa, khespiyasiñajjasa, ¿qhitirurac ajjsarästi? Tatituw jacañajjar arjjati, ¿cunarurac ajjsarästi?

Salmos 3:3

Ucampis Tatay, jumaw nayan arjjatirejjätajja, jumaw jach'ar aptirejjätajja, jumaraquiw ch'amañchirejjätasa.

Salmos 3:4

Jach'at art'asisaw Tatitut mayista, jupasti kollan kollupatpach ist'itu.

Salmos 5:12

Tatay, jumaw iyawsir jakerojj asquinac churtajja, qhuyapayasiñamajj jarc'akasiñar uñtataw muyuntasqui.

Salmos 58:11

Ucapachaw aqham sapjjani: “Asqui jakejj waliruquis purisquejjä, Diosajj chekapar uñjirïscapunisä” sasa.

Salmos 84:11

Diosaw khant'ayistu, imaraquistu; jupaw qhuyapayasiñampi, aytat cancañamp churi. Jan camscay asqui jaquir jakenacarojj, Tatitojj munasiwa, jach'aruw apti, asquinacap churaraqui.

Salmos 84:9

Nanacar arjjatir Diosay, juman ajllit reyerojj qhuyapayasiñampiy uñtanim.

Salmos 91:4

chhekhanacapampiw imjjatätam, chhekhanacap mankhäjjan imantasïta. Amparapajj jarc'acasiñar uñtataw imätam.

Éxodo 14:13

Ucampis Moisesajj jupanacarojj sänwa: —Jan ajjsarapjjamti, mayjancapjjaquim. Jichhawa uñjapjjäta Tatitojj cuntejj lurcani jichhüru jumanacaru khespiyañataqui ucjja. Ucampis jichhüru egipcionacar uñjapcta uqhamjja janiw mayampsa uñjcjjapjjätati.

Proverbios 11:18

Jucharar jakejj luratapatjamwa catoke; cheka cancañampi luriristi luratapatjamwa catokaraqui.

Proverbios 30:5

Tatitojj jupar iyawsirinacarojj imiwa; jupan arsutanacapasti chekapawa.

Isaías 35:4

ajjsaririnacarusti sapjjaraquim: “Ch'amacht'asim, jan ajjsaramti” sasa. “¡Acanquiw Diosamajj jumanacar khespiyañataqui, uñisirinacamarusti juchanacapatjamwa mutuyaraquini!”

Isaías 40:10

Tatitojj ch'amapampiw purini, take cunsa ch'amampiraquiw apnakani. Marcaparusti apanjjaraquiniwa, khespiyanjjasinjja.

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 41:14

Tatitusti saraquiwa: “Israel, Jacobon marcapa, jisc'äscamsa, pisi ch'amäscaraquimsa, jan ajjsaramti, nayaw yanapascäma. Naya, Israelan Kollan Diosapa, nayaw khespiyirimätjja.

Isaías 43:1

Ucampis jichhajj Israel, Jacobon marcapa, jumar uywiri Tatitojj sistamwa: “Jan ajjsaramti, nayaw khespiysma, nayaw sutimat jawssma, jumajj nayanctawa.

Isaías 43:5

Jan ajjsaramti, nayaw jumampïscta. Inti jalsu toketsa, inti jalanta toketsa, nayaw jakenacamjja anthapinjjä.

Isaías 44:2

Nayätwa jumar uscusir Tatitumajja, janïra taycaman puracapat nascta ucqhatpachwa jumarojj sayt'aysma yanaparacsma, Jesurún, Jacobon marcapa, jan ajjsaramti, sirvirejja, nayan ajllisita,

Isaías 44:8

Ucampis ch'amañcht'asipjjam, janirac ajjsarapjjamti, nayacuchapï arstjja, yatiyaractsa nayratpacha cunatejj lurasiñapäqui ucjja, jumanacasti take ucanacjja uñjapjjtawa. ¿Utjiti yakha diosasti nayat sipanjja? Janiw yakha imantasiñajj utjquiti; janiw yakha dios uñt'cti.”

Isaías 51:12

“Naya, naya quipcaw jumarojj ch'amachsma. ¿Qhitirus ajjsarta? ¿Jakenacaruti? ¿Jiwir jakenacaruti ajjsarta, qhitinacatejj korar uñtata tucusipjjani ucanacaru?

Jeremías 39:17

Ucampisa nayaw jumarojj imaraquïma jan uca ñankha jakenacaru jalt'añamataqui, cawquïrinacarutejj jumajj wali ajjsarcta ucanacaru. Naya Tatituw ucanacjja arsta.

Lamentaciones 3:24

Nayasti sasiractwa: “Nayataquejj Tatituquiw take cunajja; ucatpï juparu iyawsaractjja” sasa.

Ezequiel 1:1

Naya, sacerdote Ezequiel, Buzi sat jaken yokapa, mä uruw nayajj Quebar sisqui uca jawira thiyan sayt'ata, ucancascäyäta, Babilonia orakena, cawquïrinacatejj uca jaya marcaru preso apatäpcäna ucanacampi chica. Uqhamäquiriruw alajjpachajj jist'artäna ucatsti Diosarojj tronopjjan kont'ata uñjaracta. Uca urojj pheska uru sarakatänwa pusïri phajjsita, quimsa tunca mararaquïnwa Joaquín reyejj preso apatäcän ucatjja niya pheska mararaquejjänwa. Tatitusti nayjjaruw amparapjja lokjjatitu.

Ezequiel 11:24

Ucatsti janc'aquiraquiw Diosan ch'amapajj nayarojj aptjjetäna, ucatsti Babiloniaruw cuttayanjjaraquitu, cawqhancapcäntejj mayni jaya marcaru apanucuyata jakenacajja uca chekaru. Take aca luräwinacasti phokhasiraquïnwa cuntejj Tatitun Ajayupajj mä unañchäwin uñjayquitäna ucana. Uca khepatsti uca unañchäwejj chhaktawayjjaraquïnwa.

Ezequiel 3:4

Ucatsti saraquituwa: “Jichhasti saram, Israel marcaru yatiyam cuntejj nayajj jupanacaru sañajjäqui uca.

Números 12:6

Tatitusti jupanacarojj sänwa: “Ist'apjjam cuntejj sapcäma uca arunaca. Jumanac taypintejj mä profetajj nayat parliri utjani ucqhajj nayaw jupampi parlasï; visionanac toke, uqhamarac samcanac toke jupampejj parlasiraquï.

Números 18:20

Tatitu Diosasti Aaronarojj sänwa: “Janiw jumanjja orakemasa, ni herenciamasa israelanjja utjcaniti mayni israelitanacanjamajja. Nayaw juman orakemäyäjja, herenciamäyäsa, Israel marcanjja.

Números 24:4

Cunapachatejj ajayuncqui ucqhajj juc'amp suma uñji, suma arunacwa catokaraqui, uqhamarac ajayun uñacht'äwinacsa take ch'amani Diosatjja.

Mateo 28:5

Angelasti warminacarojj saraquïnwa: “Jan ajjsarapjjamti, nayajj yattwa ch'accatatäcäns uca Jesusar thakasipcatama.

Mateo 8:26

Jupasti saraquiwa: —¿Cunatsa sinti ajjsarapjjta? ¡Jumanacan iyawsañanacamajj sinti pisiwa! —sasa. Sartasisinsti thayampiru kotampiruw tokenokäna, arsutaparusti thayajj t'acurawayjjänwa.

Lucas 1:13

Angelasti juparojj sänwa: —Zacarías, jan ajjsaramti, juman mayisitamarojj Diosajj ist'tamwa, Elisabet warmimasti mä yokall wawa wawachasini. Ucarusti “Juan” sasaw sutichäta.

Lucas 1:30

Ucat angelajj juparojj säna: —María, jan ajjsaramti, jumajj Diosan nayrakatapanjja asqui qhuyapayasiñapwa jicjjattajja.

Lucas 12:32

“Jan ajjsarapjjamti, jisc'a tama ovejanacajja, ucampis alajjpach Awquimajj qhuyapayasiñapana reinop churaña munapjjtam.

Hechos 10:22

Jupanacasti sapjjaraquïnwa: —Capitán Corneliow qhitanipjjetu. Jupajj asqui jakewa, Diosar ajjsartas sarnakeriraquiwa, take judionacansa sumat uñt'ata. Juparojj Diosan mä angelapaw parlatayna, utapar jum jawsayañataqui, ucata arunacam ist'añapataquiraqui —sasa.

1 Corintios 3:22

Pablos, Apolosas, Pedros, acapachas, jacañas, jiwañasa, jichhürus, kharürusa jumanacanquiwa.

Deuteronomio 18:2

Janiw jupanacajj herencianïpcaniti israelit jakenacjama, jupanacan herenciapajj Diosataqui irnakañawa, cunjämatejj jupa quipca sawayqui uqhama.

Deuteronomio 31:6

Ch'amañcht'asipjjam, sayt'asipjjaraquim, jan ajjsarapjjamti ni sustjasipjjamsa jupanacampi nuwasiñataquejja, Tatitu Diosamaw jumanacampïsqui uca laycu, janiraquiwa jaytapcätamti ni apanucupcätamsa.”

Hebreos 1:1

Nayra urunacanjj Diosajj awquinacasarojj walja cutiwa parläna cunayman toketa profetanac toke.

Apocalipsis 1:17

Uqham uñjasinsti, jiwatjamaw cayunacaparu liwnoktta. Jupasti cupi amparapampi lokjjatasinjja situwa: “Jan ajjsaramti; nayätwa kalltasa tucuyasa.

Rut 2:12

¡Diosaw jumar cuttayjjätam! ¡Israel marcan Diosaparu thakctajja ucaw bendicïtam take luratanacamata!

1 Samuel 15:10

Ucat Tatitojj Samuelompi parlasinsti saraquïnwa:

1 Samuel 9:9

(Nayrapachanacanjja mä israelita jakejj cunsa Diosar jisct'asiñ munirïna ucapachajj sapjjerïnwa: “Uñjirin ucar sarañäni” sasa. Jichhajj qhititejj “profeta” satäqui ucajj nayrajj “uñjiri” satänwa.)