Génesis 14:24 - Qullan Arunaca

²⁴ Janiw nayajj cunsa nayatac muncti, cuntejj uywatanacajjajj mank'antapqui ucanacac catusëjja. Cawquïri jakenacatejj compañapquitu, Aner, Escol, Mamre ucanacasti cunatejj jupanacaru wact'qui ucjja catusjjapjjaniwa —sasa.

Aymar Bibliia 1986

²⁴ Janiw nayajj cunsa nayatac muncti, cuntejj uywatanacajjajj mank'antapqui ucanacac catusëjja. Cawquïri jakenacatejj compañapquitu, Aner, Escol, Mamre ucanacasti cunatejj jupanacaru wact'qui ucjja catusjjapjjaniwa —sasa.

Qullan Arunaka DC

²⁴ Janiw nayax kunsa nayatak munkti, kuntix uywatanakaxax manq'antapki ukanakak katusï. Kawkïri jaqinakatix nayamp chika jutapkäna, Aner, Escol, Mamré ukanakasti, kunatix jupanakar wakt'ki ukxa katusxapxaniwa —sasa.

Génesis 14:24 Jak'a apnaqawi uñst'ayäwi

Génesis 14:13

Ucampisa mä jakew jaltjjasinjja, hebreo Abramar take ucanac avisiri jutäna, Abramasti Encinas de Mamre ch'uminwa jacasiraquïna, uca Mamresti amorreo jakënwa; Escol, uqhamarac Aner sisqui ucanacan jilaparaqui, jupanacasti Abramat arjjatasipjjaraquïna.

1 Crónicas 10:12

take jan ajjsariri jakenacajja mayaqui sum amtasisinjja, Saúl reyimpina, yokanacapampina jiwat amayanacapa catusinjja Jabes chekaruw apasjjapjjäna. Ucanaracwa encina sat koka cayur amayanacapjja imt'jjapjjäna. Uca pasatatjja pakallk uruwa ayunapjjäna.

Proverbios 3:27

“Cunapachatï yanapt'añajj amparamancascchi ucqhajja, jan ‘Janiw’ siscamti qhititejj yanapa maycätam ucarojja.

Mateo 7:12

“Cunjämtï jumanacajj jakenacampi uñjatäñ munapctas uqhamarac jumanacajj jupanacar uñjapjjam, Leyimpin, profetanacan kellkatanacapampin uqham yatichi.

1 Timoteo 5:18

Kellkatansti aqham siwa: “Grano taquir vacarojj jan ñucu uscumti.” Uca pachparaquiw: “Mä irnakerejj pagatäñapaw waquisi.”