Génesis 15:2 - Qullan Arunaca

^2-3 Ucampis Abramajj saraquïnwa: —Dios Tatitu, ¿cunataquirac walïni juman churatamasti? Jumajj asquiw yatistajja nayan jan wawanïtajj-jja. Cunjämatejj jan mä wawsa churquistajja, take cunatejj utjquitu ucjja Damasconquir Eliezeriw catjjani, jupasti mä uywatajjaraquiwa —sasa.

Aymar Bibliia 1986

^2-3 Ucampis Abramajj saraquïnwa: —Dios Tatitu, ¿cunataquirac walïni juman churatamasti? Jumajj asquiw yatistajja nayan jan wawanïtajj-jja. Cunjämatejj jan mä wawsa churquistajja, take cunatejj utjquitu ucjja Damasconquir Eliezeriw catjjani, jupasti mä uywatajjaraquiwa —sasa.

Qullan Arunaka DC

^2-3 Ukampis Abram chachax sarakïnwa: —Dios Tatay, ¿kunatakirak walïni uka churatamasti? Jumax askiw yattax nayan jan wawanïtaxa. Jumax janiw mä wawsa churkistati, taqi kunatix utjkitu ukxa, Damasconkir Eliézer uywataxakiw katxani —sasa.

Génesis 15:2 Jak'a apnaqawi uñst'ayäwi

Génesis 14:15

Arumasti, Abramampi jakenacapampejj acatjamatwa reyinacarojj nuwantapjjäna, ucatsti Hoba sisqui ucacamaw arctapjjäna, Damasco marcat amstäjjanquiwa,

Génesis 15:1

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Génesis 24:10

Ucatsti cawquïrinacatejj Abrahamanjja suma yänacapajj utjcän ucanac taypitjja suma regalonacwa ajlliwayi, tunca camellompi cunaw Nacoran marcaparojj sari, ucasti Mesopotamia tokencänwa.

Génesis 24:2

Mä urusti cawquïri sirviripatejj chuymanëjjaraquïna, uqhamarac cawquïritejj take cunanaca uñjirïcan ucaruw jawsi, saraquïnwa: —Amparam ucham lanqhu chara mankhäjjaru,

Génesis 25:21

Rebecasti janiw wawanïñjja puedcänti, uqhamasti Isaacajj Diosaruw jupataqui mayïna. Tatitusti mayisitapjja ist'änwa, ucatsti Rebecajj usur jakeptjjänwa.

Génesis 39:9

Aca utanjja nayaw jilïritjja, uywirejjasti janiraquiw cunsa ‘Janiw’ sisquitutejja, jan ucasti juma sapacwa janejj churquitutejja, jumajj warmipätam laycu. Ucatsti ¿cunjämaraqui nayasti uywirejjarusti uca jan wali luririststi, uqhamarac Dios contrasa juch luraraquiriststi? —sasa.

Génesis 43:19

Utar jac'achcasasti mayordomoruw jicjjatapjjäna parlañataqui,

Génesis 44:1

Uca pasatatsti Joseajj mayordomoparojj sänwa: —Aca jakenacataquejj costalanacapar kawktejj munapqui ucqha trigo phokhantarapipjjam, kollkenacapsti costalanacapar ucharjjaraquim.

Salmos 127:3

Yurirapquistu uca wawanacajj, Tatitun asqui churäwinacapawa.

Proverbios 13:12

Cuna suyt'äwinacatejj jan phokhascjje ucasti chuyma usuyasiñaquiwa, ucampis munatasarjam phokhasi ucajj jacañ kokjamawa.

Proverbios 17:2

Ch'iqhi uywatasti utaniruw tucji, jan ist'asiri yokapats jilanquiwa; patronapan wawanacapamp chicaraquiwa herencia catokaraquini.

Isaías 17:1

Damasco marca toke profecía arunaca: “Damascojj janiw juc'ampi marcäcjjaniti, jan ucasti mä t'unjat marca mayjaru allthapitaquëjjaniwa,

Isaías 56:5

nayaw jupanacarojj wawanacat sipansa juc'ampi sumanac churäjja, jupanacan sutinacapasti wiñayataqui kellkatäniwa, nayan templojjana, perkanacajj taypinsa; wiñay suti juparojj churaraquëjja, janipuniw cunapachas uca sutejj chhaktayatäcaniti.

Jeremías 49:23

Damasco marcataqui arunaca: “Hamat, Arfad marcanacajj wali p'enkasitäpjjewa, jan wali yatiyäwinaca purinitap laycu. Ajjsarañampi phokhantatäpjjewa, janiraquiw alekt'añataquejj ch'amanïpquiti.

Hechos 7:5

Ucatsti janiraquiw cuna herencia uca orakenjj churcänti, ni mä jisc'a oraksa. Ucampisa Diosajj orak churañataquiw arsuwayäna: ‘Jumajj jiwjjät ucajja, aca orakejj wawanacamancaniwa’ sasa. Ucürunacanjja Abrahamajj janïraw wawanïcänti.

Rut 2:6

Jupasti sänwa: —Uca tawakojj Noemí warmimp chica Moab marcata jutiriwa,

1 Samuel 1:11

aqham sasa: “Take ch'aman Tatitu, jumatejj aca sirviriman t'akhesitap uñtanïtajja, ucat nayat amtasiraquitätajja, mä wawsa apayaraquïtätajja, nayajj uca wawa jumar sirviritaquiw uywä, uca arsüwiru phokhañataquisti, señälajj acäniwa: Janiw ñic'utapajj mururascaniti” sasa.