Génesis 15:2 - Qullan Arunaka DC

^2-3 Ukampis Abram chachax sarakïnwa: —Dios Tatay, ¿kunatakirak walïni uka churatamasti? Jumax askiw yattax nayan jan wawanïtaxa. Jumax janiw mä wawsa churkistati, taqi kunatix utjkitu ukxa, Damasconkir Eliézer uywataxakiw katxani —sasa.

Aymar Bibliia 1986

^2-3 Ucampis Abramajj saraquïnwa: —Dios Tatitu, ¿cunataquirac walïni juman churatamasti? Jumajj asquiw yatistajja nayan jan wawanïtajj-jja. Cunjämatejj jan mä wawsa churquistajja, take cunatejj utjquitu ucjja Damasconquir Eliezeriw catjjani, jupasti mä uywatajjaraquiwa —sasa.

Qullan Arunaca

^2-3 Ucampis Abramajj saraquïnwa: —Dios Tatitu, ¿cunataquirac walïni juman churatamasti? Jumajj asquiw yatistajja nayan jan wawanïtajj-jja. Cunjämatejj jan mä wawsa churquistajja, take cunatejj utjquitu ucjja Damasconquir Eliezeriw catjjani, jupasti mä uywatajjaraquiwa —sasa.

Génesis 15:2 Jak'a apnaqawi uñst'ayäwi

Génesis 14:15

Arumasti, Abram chachampi, jaqinakapampix akatjamat uka pusi reyirux jalxatapxäna, ukatsti Hobá markakamaw arktapxäna, ukasti Damasco markat amstäxankiwa,

Génesis 15:1

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

Génesis 24:10

Ukatsti uywiripan utjkäna uka suma yänakat ajlliwayäna, ukatsti tunka camellompi irpxaruwayasin Mesopotamia tuqinkir Nahor markaruw saräna.

Génesis 24:2

Mä urusti, Abrahamax uywatanakapat jilïrïki ukaruw jawsäna, khititix taqpach yänakap uñjirïkäna ukaru, ukat jupar sarakïna: —Nayan lankhu chara manqhäxar amparam ucham,

Génesis 25:21

Rebecasti janiw wawanïrjamäkänti, ukat Isaacax Tatitur jupataki mayïna. Diosasti Isaacan mayisitap ist'äna, ukatsti Rebecax usur jaqiptänwa.

Génesis 39:9

Aka utan nayaw jilïritxa, uywirixasti janirakiw kunsa “Janiw” siskituti. Ukhamarus jumax warmipätawa. ¿Kunjämarak nayasti uywirixar uka jan wali luririststi, Dios nayraqatan juch lurarakiriststi? —sasa.

Génesis 43:19

Ukat uta punkur purisaxa, Josean utap apnaqir jilïrir jikxatapxäna,

Génesis 44:1

Uka qhipatsti Joseax utap apnaqir jilïriruw säna: —Aka jaqinakatakix costalanakapar trigo phuqhantarapim, qawqtix apirjamäpkaspa ukkha, qullqinakapsti costalanakapar ucharxarakim.

Salmos 127:3

Yurirapkistu uka wawanakax, Tatitun aski churäwinakapawa.

Proverbios 13:12

Suyatäki ukan jan phuqhasitapaxa, chuymaruw llakisiyi, munatasarjam phuqhasitapasti jakañ quqjamawa.

Proverbios 17:2

Ch'ikhi uywatax jan ist'asir yuqan uywiriparuw tuku; jupasti mayni jilanakampiw tuti katuqarakini.

Isaías 17:1

Damasco markataki profecía arunaka: Damascox janiw juk'ampi markäkxaniti, mä t'unjat marka mayjar allthapitakïxaniwa.

Isaías 56:5

nayaw jupanakarux wawanakat sipansa juk'ampi sumanak churä, jupanakan sutinakapasti wiñayataki qillqatäniwa, nayan utaxana, pirqanakax taypinsa; wiñay suti juparux churarakï, janipuniw kunapachas uka sutix chhaqtayatäkaniti.

Jeremías 49:23

Damasco markatak arunaka: “Hamat, Arpad markanakax wali p'inqasitäpxiwa, jupanakax jan wali yatiyäwinak katuqapxi. Jichhax axsarañampi phuqhantatäpxiwa, janirakiw samart'añapax utjkiti.

Hechos 7:5

Ukampis janiw kuna katuqäwsa aka uraqin churkänti, janirakiw mä jisk'a uraqsa churkänti. Ukampisa, Diosax uraq churañatakiw Abrahamar arsuwayäna, jupa jiwatat aka uraqix wawanakapankañapataki. Ukürunakansti Abrahamax janïraw wawanïkänti.

Rut 2:6

Yawthapirinakan jilïripasti sänwa: —Uka tawaqux Moab markankiriwa, Noemí mamamp chikaw purini.

1 Samuel 1:11

akham sasa: “Taqi ch'aman Tatay, jumatix aka luqtiriman t'aqhisitap uñtanïtaxa, ukat nayat amtasisin mä wawsa apayarakitätaxa, nayax uka wawan jakäwip jumar luqtiritakiw katuyäma, uka arsüwi phuqhañatakisti janiw ñik'utapas khuchhuratäkaniti” sasa.