Génesis 15:1 - Qullan Arunaka DC

¹ Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

Aymar Bibliia 1986

¹ Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Qullan Arunaca

¹ Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Génesis 15:1 Jak'a apnaqawi uñst'ayäwi

Génesis 15:2

Ukampis Abram chachax sarakïnwa: —Dios Tatay, ¿kunatakirak walïni uka churatamasti? Jumax askiw yattax nayan jan wawanïtaxa. Jumax janiw mä wawsa churkistati, taqi kunatix utjkitu ukxa, Damasconkir Eliézer uywataxakiw katxani —sasa.

Génesis 15:4

Tatitusti sarakïnwa: —Juman tuti katuqirimax juman pachpa wawamäniwa, janiw mä jaya jaqïkaniti —sasa.

Génesis 21:17

Diosasti uka wawan jachatap ist'arakïna, ukatsti alaxpachatpach Diosan angelapax Agar warmir jawsasaw sarakïna: “Agar ¿kunas kamachtam? Jan axsaramti, Tatit Diosax wawaman jachatap ist'iwa.

Génesis 22:1

Mä qawqha maranak qhipatsti, Diosax Abrahaman iyawsañap yant'äna, ukat sarakïna: —¡Abraham! —sasa. —Akankasktwa —sasaw Abrahamax säna.

Génesis 22:20

Mä qawqha pachatsti, Abrahamaruw yatiyapxäna, Nahor jilapan Milcá warmipan kimsaqallqu wawanïtapa.

Génesis 26:24

Uka arumpachaw Tatitux jupar uñstäna, ukat sarakïna: “Nayätwa Abraham awkiman Diosapaxa. Jan axsaramti, nayaw jumampïskta. Abraham luqtirix laykuw jumarux aski waxt'äwinak churäma, wawanakamsa mirtayarakïwa” sasa.

Génesis 31:7

jupax sapa kutiw sallqjitu, irnaqatat churañapäki uksa janiw phuqhat churkituti. Ukampisa Tatitux janiw jupampi kuna ñanqhsa luraykituti,

2 Samuel 22:3

Jumaw Diosaxätaxa, jumaw nayar imantir qarqaxätasa, imir jark'aqasiñaxätasa, qhispiyir ch'amaxätasa, wali amstankir imantasiñaxätasa ¡Nuwasiñanakat nayar qhispiyista!

2 Reyes 1:15

Ukat Tatitun angelapax Eliasar säna: “Jupamp chik saram, jan jupar axsaramti” sasa. Eliasasti saraqanisin capitanampiw reyin ukar saräna,

1 Crónicas 28:20

Ukhamasti Davidax Salomonarux sänwa: “¡Ch'amañchasim, ukatsti lurañarurak uskusim! ¡Jan mayjt'asimti, janirak axsaramsa, Tatitu Diosaxaw jumampïskani! Tatitux jupan utap lurañ tukuyañkamax janiw jaytjkätamti, janirakiw armaskätamsa.

Salmos 115:10

Sacerdotenaka, ¡Tatitur iyawsapxam! Jupaw yanapistu, arxatarakistu.

Salmos 119:114

Jumaw imantasiñaxätaxa, jark'aqasiñaxätasa; arunakamaruw taqpach chuymax katuyta.

Salmos 142:5

5 (6) Tatay, jumaruw art'asinsma, jumaruw saraksma: “Jumätaw nayan imantasiñaxaxa; jumakiw aka jakañ uraqin taqi kunaxätasa” sasa.

Salmos 18:2

2 (3) Jumaw arxatirixätaxa, imantasiñaxätasa, jumaw qhispiyirixätaxa, Diosaxätasa, nayar imantir qarqaxätasa, imir jark'aqasiñaxätasa, qhispiyir ch'amaxätasa, wali amstankir imantasiñaxätasa.

Salmos 27:1

Tatituw qhanaxasa, qhispiyasiñaxasa, ¿khitirurak axsarästi? Tatituw jakañaxar arxati, ¿khitirurak axsarästi?

Salmos 3:3

3 (4) Ukampis Tatay, jumaw nayan arxatirixätaxa, jumaw jach'ar aptirixätaxa, jumarakiw ch'amañchirixätasa.

Salmos 3:4

4 (5) Jach'at art'asisaw Tatitut mayista, jupasti qullan qullupatpach ist'itu.

Salmos 5:12

12 (13) Tatay, jumaw chiqa jaqirux askinak churtaxa, khuyapayasiñamax jark'aqasiñar uñtataw muyuntaski.

Salmos 58:11

11 (12) Ukapachaw sapxani: “¡Aski jaqix walirukis puriskixä! ¡Diosax chiqapar uñjirïskapunisä!” sasa.

Salmos 84:11

11 (12) Diosaw qhan churistu, imarakistu; jan kamskay askin jakirinakarux, jupaw khuyapayasiñampi, aytat kankañampi churi, Tatitux taqi kun churi.

Salmos 84:9

9 (10) Nanakar arxatir Diosay, juman ajllit reyirux khuyapayasiñampiy uñtanim.

Salmos 91:4

chhiqhanakapampiw imxatätam, chhiqhanakap manqhäxan imantasïta. ¡Amparapax jark'aqasiñar uñtataw imätam!

Éxodo 14:13

Ukampis Moisesax ukxaruw jupanakar säna: —Jan axsarapxamti. Ch'amañchasipxam, jichhüruw uñjapxäta kuntix Tatitux jumanakar qhispiyañatak lurkani uka. Jichhür uñjapkta uka egipcionakarux janiw mayampsa uñkatkxapxätati.

Proverbios 11:18

Jan wali jaqix sallqañtañ chuymampiw yänak jikxati; aski kankañamp luriristi, chiqa luräwipatjam katuqaraki.

Proverbios 30:5

Tatitux jupar iyawsirinakarux imiwa; jupan arsutanakapasti chiqapawa.

Isaías 35:4

axsaririnakarusti sapxarakim: “Ch'amacht'asipxam, jan axsarapxamti” sasa. “¡Tatituw jumanakar qhispiyir jutani, uñisirinakamarusti mutuyarakiniwa!”

Isaías 40:10

Tatitux ch'amampiw purini, taqi kunsa ch'amapampiw apnaqi. Markaparusti, qhispiyasin irpanxaraki.

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Isaías 41:14

Tatitusti sarakiwa: “Israel, Jacobun markapa, jisk'äskamsa, pisi ch'amäskamsa, jan axsaramti, nayaw yanapaskäma. Naya, Israelan Qullan Diosapa, nayaw qhispiyirimätxa.

Isaías 43:1

Jichhasti Israel, Jacobun markapa, jumar uywiri Tatitux sistamwa: “Jan axsaramti, nayaw qhispiysma, nayaw sutimat jawssma, jumax nayanktawa.

Isaías 43:5

Jan axsaramti, nayaw jumampïskta. Inti jalsu tuqitsa, inti jalanta tuqitsa, nayaw jaqinakam anthapinxä.

Isaías 44:2

Nayätwa jumar irnuqir Tatitumaxa, janïra taykaman purakapat yurkta ukkhatpach jumarux sayt'aysma, ukatsti yanapt'araksma. Jacobun markapa, jan axsaramti, jumätaw nayan luqtirixaxa, nayan ajllisita markaxa,

Isaías 44:8

Ukampis ¡ch'amañcht'asipxam, jan axsarapxamti! Kunatix nayratpach lurasiñapäki ukanak yatiyapxsma, jumanakasti taqi ukanak uñjapxtawa. Janiw yaqha diosax nayat sipan utjkiti, Janiw yaqha diosax nayjam imirix utjkiti; Utjkchi ukasa, janiw nayax uñt'kti.”

Isaías 51:12

Tatitusti siwa: Naya, naya kipkaw jumarux ch'amachsma. ¿Jaqinakaruti axsarta? Uka jiwir jaqinakax qurar uñtataw tukusipxani.

Jeremías 39:17

Ukampis axsarkta uka ñanqha jaqinakar jan jalt'añamatakix nayaw jumarux imarakïma. Naya, Tatituw uk arsta.

Lamentaciones 3:24

Naya pachpas sasiraktwa: “¡Nayatakix Tatitukiw taqi kunasa; ukatpï jupar iyawsaraktxa!” sasa.

Ezequiel 1:1

Naya, sacerdote Ezequiel, Buzí sat jaqin yuqapa, mä uruw nayax Babilonia uraqina, Quebar sat jawir thiyan sayt'atäskäyäta, khitinakatix katuntat apatäpkatayna ukanak taypina. Ukhamäkiriruw alaxpachax jist'artäna, ukatsti Tatiturux mä unañchäwin uñjta. Ukasti kimsa tunkïr marana, pusïr phaxsita phisqa uru saraqatarünwa, Joaquín reyix katuntata apatäkän ukat niya phisqa mara qhipata. Tatitusti nayaruw amparap luqxatitu.

Ezequiel 11:24

Ukatsti Tatitun ch'amapaw nayar aptawayasax Babiloniar kuttayitu, kawkhankapkäntix apanukuyata jaqinakax uka markaru. Taqi aka luräwinaksti, Tatitun Ajayupaw unañchäwi tuqi uñjayarakitu. Uka qhipatsti uka unañchäwix chhaqtawayxänwa,

Ezequiel 3:4

Ukatsti sarakituwa: “Jichhasti saram, ukatsti kuntix nayax Israel markar sañaxäki uk yatiyanim.

Números 12:6

Tatitux jupanakaruw säna: “Ist'apxam kuntix sapkäm uka arunaka: Jumanak taypin mä profetax nayan arunakax yatiyir utjki ukapachax, nayaw jupampix unañchäwinak tuqi parlta, samkanak tuqi parlarakta;

Números 18:20

Tatitusti Aaronarux sänwa: “Janiw jumanxa Israel jaqinak taypin uraqimasa, tuti katuqäwimas utjkaniti. Nayaw Israel markan juman uraqimäyäxa, tutimäyäsa.

Números 24:4

Tatitun arunakap ist'irin arunakapawa, Taqi ch'amanin unañchäwinakap yatirin arunakapawa, ajayunkki ukapacha unañchäwinak uñjirin arunakapawa.

Mateo 28:5

Angelasti warminakarux sarakïnwa: —Jan axsarapxamti. Nayax yattwa ch'akkatatäkän uka Jesusar thaqhasipkatama.

Mateo 8:26

Jupasti sarakïnwa: —¡Juk'a iyawsañan jaqinaka! ¿Kunatsa sinti mulljasipxta? —sasa. Uk sasinsti, sartasisin thayampiru qutampiruw tuqinuqäna, arsutaparusti thayasa, qutas t'akurawayxänwa.

Lucas 1:13

Angelasti juparux sänwa: —Zacarías, jan axsaramti, juman mayisitamarux Diosax ist'tamwa, Isabel warmimasti mä yuqall wawa wawachasini. Juparusti “Juan” sasaw sutichäta.

Lucas 1:30

Ukat angelax juparux säna: —María, jan axsaramti, jumax Diosan nayraqatapan khuyapayasiñap jikxattaxa.

Lucas 12:32

“Jisk'a tama ovejanakaxa, jan axsarapxamti, Dios Awkimax khuyapayasiñapan qhapaq markap churañ munapxtam.

Hechos 10:22

Jupanakasti ukxaruw sapxäna: —Cornelio capitanaw khithanipxitu. Jupax aski jaqiwa, Diosar axsartas sarnaqir jaqirakiwa, judío jaqinak taypin sumat uñt'ata, taqinin munatawa. Diosan mä angelapaw jupar uñstasin satayna: “Utamar Pedro irpayanim, jupax siskätam uk sum ist'äta” sasa.

1 Corintios 3:22

Pablo, Apolo, Pedro, akapacha, jakaña, jiwaña, jichhüru, jutir urunaka; taqi kunaw jumanakanki,

Deuteronomio 18:2

Janiw levitanakax israelit jilanakap taypin uraqinak katuqapkaniti, pachpa Diosaw jupanakan katuqäwipaxa, kamisatix jupax arsuwayki ukhamarjama.

Deuteronomio 31:6

Ch'amañcht'asipxam, qamas katxatapxarakim, jupanakamp nuwasipkät ukkhaxa, jan axsarapxamti, janirak khathatipxamsa, Tatit Diosamaw jumanakampïski, janiw jaytapkätamti, janirakiw apanukupkätamsa” sasa.

Hebreos 1:1

Diosax khä urunakanxa, walja kutiw nayra awkinakasarux kunaymanita profetanak tuqi parläna.

Apocalipsis 1:17

Jupar uñjasasti, kayunakap nayraqataruw jiwatjam liwista. Ukampis jupax kupi amparapampi luqxatasaw nayar situ: “Jan axsaramti; nayätwa qalltasa tukuyasa,

Rut 2:12

¡Diosaw luratamat jumar kuttayxätam! ¡Israelan Tatitupat churäwi katuqasxäta, jupar alkatatam layku, jupar thaqhatam laykuraki! —sasa.

1 Samuel 15:10

Ukatsti Tatitux Samueluruw parlxayäna, sarakïnwa:

1 Samuel 9:9

(Khä urunakanxa, israelit jaqinak taypin, maynitix Diosar jiskt'asiñ munirïna ukapachax sirïnwa: “Uñjirin ukar jiskt'asir sarañäni” sasa. Jichha urunakansti khititix “profeta” satäki ukax nayrapachax “uñjiri” satänwa.)