Amós 5:4 - Qullan Arunaca

⁴ Aqham siw Tatit Diosajj israelitanacarojja: “Nayaru thakapjjeta, ucatsti jacasipcätawa.

Aymar Bibliia 1986

⁴ Aqham siw Tatit Diosajj israelitanacarojja: “Nayaru thakapjjeta, ucatsti jacasipcätawa.

Qullan Arunaka DC

⁴ Tatitux israelitanakar akham siwa: “Nayar thaqhapxita, ukatsti jakasipkätawa.

Amós 5:4 Jak'a apnaqawi uñst'ayäwi

2 Reyes 20:3

“Nayajj achict'assmawa, Tatay, amtastati cunjämsa nayajja suma cheka chuymampi sirviyäsma uca, cunatejj jumataqui asquïqui ucanac lurasina” sasa. Ucatsti jupajj walipuniw jachäna.

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

2 Crónicas 15:2

jupasti Asa reyiru jicjjatiriw saräna, aqham sasa: “¡Jumajj Asa ist'ita, uqhamarac Judá, Benjamín ucanacanquiri jakenaca! Tatitusti jumanacampïsquiwa, jumanacatejj jupampïpjjäta ucajja. Jumanacatejj jupar thakapjjät ucajja, jicjjatapjjätawa, ucampis jumanacatejj jupar apanucupjjätajja, jupajj jumanacarojj apanucupjjaraquïtamwa.

2 Crónicas 20:3

Josafat reyisti walwa ajjsarayasïna, ucatsti Tatitur maqhatjjawa amtasïna. Ucatjja ayunañataquiw take Judá orakpacharu yatiyäna,

2 Crónicas 20:4

Judá orakenquir jakenacajja Tatitur yanapa mayiñataquiw tantachasïna. Judá orakena take marcanacapatwa jakenacajj purinipjjäna.

2 Crónicas 34:3

Quimsakallko mara apnakascäna ucqhasti jupajj waynäscänwa, ucqharaquiwa nayra David awquipana Diosapar thaktäna. Cunapachatï tunca payan mara apnakascäna ucqhawa Judá orakeru k'omachayäna, uqhamarac Jerusalén marcarusa yakha diosanacan santuario utanacapata, Asera diosan lantinacapatsa, yakha diosanacatsa, uqhamarac hierrot umatatayasa lurat lantinacatsa.

Salmos 14:2

Tatitojj alajjpachatpach jakenacarojj uñtani, inach qhitis amuyt'asirejj utjaspa, inach qhitis Diosar thaktirejj utjaspa.

Salmos 22:26

T'akhesiyat jakenaca, sist'asiñcam mank'apjjam, Tatitur thakerinaca, jupar jach'añchapjjam: walja maranac jacapjjaraquim.

Salmos 27:8

Chuymajjajj situwa: “Tatitun ajanup thakam.” Nayasti, Tatay, ajanum thakta.

Salmos 69:32

Uc uñjasajj llaquitanacajj cusisipjjaniwa, Diosar thakerinacan chuymanacapasti ch'amañchasiniwa.

Salmos 69:33

Tatitojj jan cunan jakenacarojj ist'iwa, jupanquir catuntat jakenacarojj janiw jisc'achquiti.

Isaías 31:1

¡Ay, cunaquïcan qhitinacatejj Egiptor yanap mayir sarapqui ucanacataquejja, uqhamaraqui caballonacaru alcatasipqui, uca walja carronacaparu, walja caballeriaparusa, ucatsti janiraqui Israelan kollan Diosaparu uñtapquiti, Tatiturus thakapquiti ucanacataquejja!

Isaías 55:3

Nayan ucar jutapjjam, ucatsti ist'apjjeta, ist'apjjeta, ucatsti jacapjjätawa. Nayaw jumanacampejj wiñay arust'äwi lurä, uqhamat phokharaquï cuntejj mä uru Davidarojj munasiñampi arscta ucjja.

Jeremías 38:20

Jeremiasasti ucjjarojj saraquïnwa: —Juma jach'a reyejj janiw jupanacan amparaparu jalt'cätati. Jach'a rey, jumajj jaysam Tatitun arunacaparu cuntejj nayajj jumaru yatiycsma uca arunacaru, ucapachasti take cunas waliquïscaquiniwa, janiw jiwayatäcaraquïtasa.

Ezequiel 18:9

Leyinacajjarjamaw cunsa luraraqui, camachi arunacajjarus phokharaquiwa. Uca jakejj chekpachansa asqui, cheka jakewa, jupasti jacaraquiniwa. Naya Tatituw ucjja arsta.

Oseas 10:12

Jupanacarusti saractwa: ‘Cunatejj chekäqui uc yapuchapjjam, ucatsti munasiñrac apthapipjjam. Oraksti waquichapjjaraquim wasitat yapuchañataqui, Tatitur thakañajj horasäjjatap laycu, jupajj jutasin khespiyasiña jallu jumanacjjar apaniñapcama.’

Amós 5:6

Tatitur thakapjjam, ucatsti jacasipcätawa; jan ucasti jupajj ninjamaw aktani Israel marcjjarojja, janiraquiw uc jiwarayirejj qhitis Betel marcanjj utjcaniti.

Sofonías 2:3

Take jumanacajj Diosaruy thaktapjjam, acapach oraken llamp'u chuyman jakenaca, cawquïrinacatï arunacapa phokapcta ucanaca. Ucatsti cheka cancañampi llamp'u chuymampirac sarnakapjjam, inas uqhamata Diosan jach'a colerasïwi urupata imatäsipcchisma.

Mateo 7:8

Mayirejja catokewa, thakheristi jicjjataraquiwa, puncu lekt'irirusti jist'arataraquiwa.

Deuteronomio 32:46

ucapachajj aca arunacwa Israel marcaru säna: “Sum amuyt'asipjjam take cuntï jichhüruna sapcsma ucanacata, ucatsti wawanacamarus sapjjam take aca arunacan yatichäwinacaparjam sarnakapjjañapataqui.

Deuteronomio 32:47

Jumanacasti janiw aca arunacjja alekaqui ist'apcasmati; jan ucasti aca leyinacajj jumanacataquejj jacañawa, ucatjamaraquiwa walja maranaca jacapjjäta, cawquïri oraktï catupcäta Jordán jawirat qhursa tokena.”

Deuteronomio 4:29

Ucampis jumanacatï uca chekan Tatitu Diosaru thakhapjjäta take chuymampi, take jacañampi ucqhajj jicjjatapjjätawa.