Hebreos 11:1 - Qullan Arunaca

¹ Iyawsañajja: “Catokäwa” sas take chuymampi suyt'ctans ucawa, uqhamarac chekpachapuni iyawsañasa cuntejj jan uñjtan ucajj chekätapa.

Aymar Bibliia 1986

¹ Iyawsañajja: “Catokäwa” sas take chuymampi suyt'ctans ucawa, uqhamarac chekpachapuni iyawsañasa cuntejj jan uñjtan ucajj chekätapa.

Qullan Arunaka DC

¹ Iyawsañax taqi chuymampi katuqañ suyktan ukawa; jan uñjkasin taqi chuymampi iyawsktan ukawa.

Hebreos 11:1 Jak'a apnaqawi uñst'ayäwi

Salmos 27:13

Nayasti jacañ oraken Tatitump cusisiñataquiw suyt'ascta.

Salmos 42:11

Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta: ¡Jupaw cusisiñajjasa, Diosajjasa!

Hechos 20:21

Judionacarusa jan judiöpquis ucanacarus sapjjsmawa: ‘Jan wali luräwinacam jaytasa Diosar arrepientisipjjam, ucatsti Tatit Jesucristor iyawsapjjaraquim’ sasa.

1 Corintios 13:13

Uqhamapï iyawsañasa, suyt'añasa, munasiñasa jan tucuscanitejja, ucampis aca quimsatjja munasiñapuniw jilt'atajja.

2 Corintios 11:17

Acjja janiw Tatitun parlayatati sisctjja, jan ucasti mä lokher uñtataw parlasctjja, ucataracwa jach'a jach'a tucuñ munasctjja.

2 Corintios 4:18

Janiraquiw jiwasajj cuntejj uñjctan ucar chuymjja churctanti, jan ucasti cuntejj jan uñjctan ucaruwa catuyasipjjtanjja. Cunatejj uñjasqui ucanacasti tucusiriquiwa, ucampis jan uñjasqui ucanacasti janiw tucusirïquiti jan ucasti wiñayataquiwa.

2 Corintios 5:17

Uqhamasti, qhititï Cristompëjjchi ucajj machak jakëjjewa. Nayra luräwinacasti tucusjjaraquiwa, jichhajj take cunas machakar tucutawa.

2 Corintios 5:7

Iyawsäwi laycuraquiw sarnakasctanjja, janiw uñjatas laycuti.

2 Corintios 9:4

Inampisa Macedonia jilatanacajj nayamp chica jutaspan, ucatsti jumanacarojj jan waquicht'ata catjapjjeristam. Ucajj nanacarojj walpun p'enkasiyapjjetaspa nanacan jumanacar wali alcatasitanacajjata, uqhamarac jumanacataquis mä p'enkaraquïspawa.

Gálatas 5:6

Jiwasanacatejj Cristo Jesusampi mayaquïstanjja, janiw cunataquis asquïquiti circuncisión lurayasiñasa jan lurayasiñasa. Ucampis iyawsañanïñäni ucaw juc'amp asquejja, aca iyawsañasti munasiñanwa jacayaraquistani.

Tito 1:1

Naya Pablojj Diosan sirviripätwa, Jesucriston apostoloparaqui, jupan qhitataraqui qhitinactejj Diosajj ajllisqui ucanacar iyawsañar apaniñajjataqui, uqhamarac Diosan cheka yatichäwinacapsa uñt'apjjañapataqui,

Hebreos 10:22

Ucatpï Diosarojj jac'achasiñasajj take chuymampi, mä suma cheka iyawsañampi, jupaw chuymanacasjj k'omacharaqui jan juchani amuyasiñasataqui, janchinacasajj k'oma umamp jarekatäjjewa.

Hebreos 10:39

Ucat sipan janiw jiwasanacajj khepar cutt'irinacäctanti, janiraquiw t'unjatäñan sarirïctansa, jan ucasti iyawsañaninacätanwa, uqhamatwa almasjja imasipjjtanjja.

Hebreos 11:13

Take uca jakenacajj cuntejj Diosajj churañatac arsuwaycäna uc jan catokasaw jiwarapjje, ucampis iyawsañanïpjjatap laycojj jayatac uñtapjjäna. Uqhamatwa yatiyapjjäna acapachana sarir jakenacäpjjatapa.

Hebreos 11:27

Iyawsäwi laycuraquiw Moisesajj sarjjäna Egipto marcatsa, reyin colerasiñapar jan ajjsarasa, cuntejj amtcatayna ucjja janiw chhaktayascänti, jan uñjcañ Diosarojj uñjcaspas uqhama.

Hebreos 11:7

Iyawsäwi laycuw Noé chachajj Diosarojj ist'äna uqhamarac arcsa luräna familiapan khespiyasiñapataqui, cunapachatejj Diosajj jan uñjatäcäns ucanacan pasañap yatiycän ucqhajja. Uca iyawsäwi laycuraquiw Noé chachan acaorakenquirinacarojj juchañchäna, uqham iyawsatap laycuraquiw Diosampejj catokatäna.

Hebreos 2:3

¿Cunjämrac jaltañänisti, jiwasatejj uca jach'a khespiyasiñjj jan yäkcañäni ucasti? Pachpa Tatituw nayrakatajj yatiyäna aca khespiyasiñatjja, ucjjarusti qhitinacatejj ist'apcäna ucanacaraquiw uca arjj sum yatjjatapjjaraquïna, ucatsti jiwasaruw churanistu.

Hebreos 3:14

Tucuycamatejj take chuyma arcañäni take iyawsañampi, cunjämatï kalltatpacha utjquistu uqhama, ucapachajj Cristompejj utjistuw cunatejj jiwasanccani ucajja.

Hebreos 3:6

Ucampis Cristojj mä wawjamajj chekawa uca Diosan utapjjarojja. Uca utasti jiwasanac pachpätanwa, take chuymatejj sarascaquiñäni, uqhamarac tucuycama iyawsañäni cusisita suyt'äwisana ucajja.

Hebreos 6:12

Janiw jayra tucupjjañama munapcti, jan ucasti yatekasipjjam qhitinacatejj iyawsäw toke, jan karjasisa take cunatejj Diosajj: “Churämaw” sisqui uca herencia catokapqui ucanacata.

2 Pedro 1:1

Naya Simón Pedrojja, Jesucriston sirviripätwa apostoloparaquïtwa. Aca cartsti, qhitinacatejj nanacjamaraqui mä suma iyawsañ jicjjatapctas ucanacaruw kellkanipjjsma, Khespiyiri Jesucristo Tatitusajj chekätap laycu.