Génesis 4:26 - Qullan Arunaca

²⁶ Set chachasti mä wawaniraquïnwa, ucasti Enós sata. Ucatwa jakenacajj Diosat mayisjjapjjäna.

Aymar Bibliia 1986

²⁶ Set chachasti mä wawaniraquïnwa, ucasti Enós sata. Ucatwa jakenacajj Diosat mayisjjapjjäna.

Qullan Arunaka DC

²⁶ Set chachasti mä wawanirakïnwa, jupasti Enós satänwa. Uka urunakatpach jaqinakax Tatitun sutip art'asis yupaychañ qalltapxäna.

Génesis 4:26 Jak'a apnaqawi uñst'ayäwi

Génesis 12:8

Ucatsti Betel marcat inti jalsu tokeruw sarjjäna, cawcsantejj kollunacajj utjcän ucsaru, uca chekaruw carpapjja sayt'ayasiraquïna. Betel marcasti, carpatjja inti jalanta tokencänwa, inti jalsu tokensti Hai marcaraqui. Uca chekansti Abramajj yakha altar luraraquïna, ucansti Tatituruw art'asiraquïna.

Génesis 26:25

Uqhamasti Isaacajj uca chekarojj mä altar luräna, ucatsti Tatituruw art'asïna. Uca chekaruw carpapjja sayt'ayäna, sirvirinacapasti mä phuch'u allsupjjaraquïna.

1 Reyes 18:24

Ucatjja jumanacajj diosanacamaruwa mayipjjäta, nayasti Tatituruw mayiraquëjja; ¡cawquïr diosatejj nina apayancani, ucawa chekpacha Diosänejja! —Take jakenacaw ucjjarojj sapjjäna: —¡Waliquiwa ucajja! —sasa.

Salmos 116:17

Tatay, yuspagarañ loktäwi catuyäma, sutimaruw jach'añcharaquï.

Isaías 44:5

Maynisti saniwa: ‘Nayajj Tatitunctwa’, maynisti: ‘Jacobon wawapa sataraquïniwa’, maynisti amparaparojj kellkasiraquiniwa: ‘Tatitunctwa’ sasa, jupan sutipjjarusti Israel sutimpwa yapt'asiraquini.”

Isaías 48:1

“Jacobon familiapa, ist'apjjam aca arunaca, jumajj Israel suti aptajja, Judá chachat sarakeriraquïtawa; Tatitun sutipjjaruraquiw juramento lurtajja; Israelan Diosaparuraquiw art'astajja, ucampis janiw cheka chuymamajj utjquiti ni asquïcaractasa;

Isaías 63:19

Janis jumajj cunapachas apnakapquitasamän uqhamäpjjtwa, janis cunapachas sutimjja apapquiriscäyät uqhama.

Jeremías 33:16

uca urunacanjja Judá orakejj sumaquiw sarnakasini, Jerusalén marcasti jan qhitin cun sataraquiw jacasiraquini. Aca sutimpiw uca wawarojj sutichapjjaraquini: ‘Tatituw jiwasan atipjañasajja’ sasa.

Joel 2:32

Ucampis take qhitinacatï Tatitun sutipar art'ascani ucanacajja, jiwañatjja khespipjjaniwa, Sión kollunwa, uqhamaraqui Jerusalenanwa khespiyasiñajj utjani, cunjämtejj Tatitojj arscatayna uqhama. ‘Cawquïrinacarutejj jupajj ajllcatayna ucanacajj jacasipcaniwa’ ”

Sofonías 3:9

“Cunapachatejj ucanacajj purinini ucqhajj, take marcanacan parläwinacapwa k'omachä, uqhamata takenin Diosaru yupaychapjjañapataqui, ucatsti mayaquiraqui Diosaru sirvipjjañapataqui.

Lucas 3:38

Enosasti Setan yokapänwa, Setasti Adanan yokapänwa, Adanasti Diosan wawapänwa.

Hechos 11:26

Ucansti iglesiampejj mä maraw ucancäna, walja jakenacar yatichasa. Uca Antioquianwa iyawsirinacarojj nayrakatajj: “Cristor arquirinaca” sasa sutichapjje.

Hechos 2:21

Take qhitinacatejj Tatitun sutipar art'ascanejja, khespiyatäniwa’ sasa.

Romanos 10:13

Kellkataraquiwa: “Take qhititejj Tatitun sutipa art'asqui ucajj khespiyatäniwa.”

1 Corintios 1:2

kellkanipjjsma Diosan iglesiapanquir Corinto jilatanacaru. Jumanacasti Diosanquirïpjjaractawa Jesucristompi mayaquïpjjatam laycu. Diosaraquiw jumanacarojj jawsapjjtam Diosar catuyata k'oma jacañan sarnakapjjañamataqui, qhitinacatejj take chekansa Tatit Jesucriston sutipar mayisisa sarnakapqui ucanacampi chica sarnakapjjañamataqui. Uca Jesucristosti take jupanacana, uqhamarac jiwasanacan Tatitusawa.