Sofonías 2:3 - Qullan Arunaca

³ Take jumanacajj Diosaruy thaktapjjam, acapach oraken llamp'u chuyman jakenaca, cawquïrinacatï arunacapa phokapcta ucanaca. Ucatsti cheka cancañampi llamp'u chuymampirac sarnakapjjam, inas uqhamata Diosan jach'a colerasïwi urupata imatäsipcchisma.

Aymar Bibliia 1986

³ Take jumanacajj Diosaruy thaktapjjam, acapach oraken llamp'u chuyman jakenaca, cawquïrinacatï arunacapa phokapcta ucanaca. Ucatsti cheka cancañampi llamp'u chuymampirac sarnakapjjam, inas uqhamata Diosan jach'a colerasïwi urupata imatäsipcchisma.

Qullan Arunaka DC

³ Jumanakax Tatituruy thaqtapxam, aka uraqin llamp'u chuyman jaqinaka, arunakapar phuqhas sarnaqirinaka. Ukatsti chiqa kankañampi llamp'u chuymampirak sarnaqapxam, inas ukhamat Tatitun jach'a q'apisiñ urupan jumanakax imantasiñ jikxatapxchisma.

Sofonías 2:3 Jak'a apnaqawi uñst'ayäwi

2 Samuel 12:22

Davidasti saraquïnwa: —Cunapachatejj wawajj jaccän ucapachajj nayajj ayunayätwa, jacharaquiyätwa: ‘Inach Tatitojj nayat qhuyapt'ayasitaspa ucat wawajj jan jiwaycaraquispati’ sasa.

Salmos 105:4

Tatitur iyawsapjjam, ch'amapar alcatapjjam, jan karjasis ajanup thakapjjam.

Salmos 149:4

Tatitojj marcaparojj munasiwa, llamp'u chuyman jakenacarojj atipt'ayiwa.

Salmos 22:26

T'akhesiyat jakenaca, sist'asiñcam mank'apjjam, Tatitur thakerinaca, jupar jach'añchapjjam: walja maranac jacapjjaraquim.

Salmos 31:20

jupanacamp chic utjatam laycuw ñankha luririnacan jan wali amtäwinacapat khespiytajja; timanacapamp jan tokeyañataquisti utamaruw jupanac imanttajja.

Salmos 45:4

Atipjañamp sarantam, cheka laycu ch'amachasisa, llamp'u chuymaninacar chekapar uñjasa. ¡Cupi amparamajj muspharcañanac luraypan!

Salmos 57:1

Nayat qhuyapt'ayasit Diosajjay, nayat qhuyapt'ayasita, jumamp arjjatayasiñataquiw thaksma. Jan walt'añ nayat jithekañapcamasti amparamamp imantayasiñ munta.

Salmos 76:9

cunapachatejj jumajj taripañatac sayt'ascta, t'akhesiyatanacar khespiyañatac sartascta ucapachajja.

Salmos 91:1

Alajjpachanquir Take atipirin imat sarnaker jakejja,

Éxodo 12:27

jumanacajj sapjjätawa: ‘Aca uywasti Tatitur jach'añchasina Pascuan sacrificiot loktatawa. Jupasti cunapachatejj egipcionacaru jiwaraycäna ucqhajja, Egipto marcan jacapcäna uca israelitanacan utanacapsti pasawayaquïnwa, uqhamatwa take familianacasaru khespiyäna’ ” sasa. Ucatsti israelitanacajja alt'asisinwa yupaychapjjäna.

Proverbios 18:10

Tatitun sutipajj imantasiña jach'a torrer uñtatawa, asqui jakenacajj jupan ucar imantasiñataqui jutapqui ucanacataquejja.

Isaías 1:17

¡Asqui lurañanac yatekapjjam, cunatejj chekapäqui uca lurañanacaruraqui ch'amachasipjjam, t'akhisiyatanacarusti arjjatapjjam, wajchanacarusti chekapar uñjapjjam, ijma warminacatsti arjjatasipjjaraquim!”

Isaías 11:4

Aynacht'atanacarusti cheka luräwimpiw uñjani, marcan utjiri pobrenacan arsusitanacapsti arjjataraquiniwa. Arunacapasti mä varar uñtataraquïniwa khoru jakenacar mutuyañataqui. Ñankha jakerusti samanapampi phust'asaquiw jiwayaraquini.

Isaías 61:1

“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,

Jeremías 39:18

Nayaw jumarojj jiwayatäñat khespiyäma. Jumajj jaltawayjjätawa, janiraquiw jiwayata uñjascätati, nayaru iyawsatam laycu. Naya Tatituw ucjja arsta’ ” sasa.

Jeremías 45:5

¿Cuncha jumataqui mayisiñ munta? ¡Jan cunsa mayimti! Nayasti take jakenacjjarojj jach'a t'akhesiñanacwa apayanëjja, ucampisa jumarojj jacayascaraquïmawa cawquirutejj sarcät ucana. Naya Tatituw ucjja arsta’ ” sasa.

Ezequiel 13:5

Israel marcaru arjjatañataquisti janiw cunsa lurapquiti, cunapachatejj Tatitun urupa urojj purinqui uca urojj nuwasïwina sayt'asipjjañapataquejja.

Oseas 10:12

Jupanacarusti saractwa: ‘Cunatejj chekäqui uc yapuchapjjam, ucatsti munasiñrac apthapipjjam. Oraksti waquichapjjaraquim wasitat yapuchañataqui, Tatitur thakañajj horasäjjatap laycu, jupajj jutasin khespiyasiña jallu jumanacjjar apaniñapcama.’

Oseas 7:10

Jach'a jach'a tucutapaw Israelarojj aynacht'ayasqui, uqhamäquipansa, jupanacajj janiw cuttanipquiti, ni Tatitu Diosaparus thaktapcaraquiti.

Jonás 3:9

Inach Diosajj perdonistani, jach'a colerapsa apartayasjjaraquispa, uqhamat jani jiwarañasataqui” sasa.

Zacarías 8:19

“Pusïri, pheskëri, pakallköri, tunquïri phajjsina ayunañajja cusisiñaruw cuttanejja, cusisiña fiestaruraqui Judá familiat jutirinacataqui. ¡Munapjjam jumanacajj cheka arsuñampiru sumancañampiru!”

Mateo 5:5

“Cusisiñanïpjjew llamp'u chuymaninacajja, jupanacaraquiw Diosan arsutaparjama orake catokapjjani.

1 Tesalonicenses 4:1

Jichhajj jilatanaca, achict'apjjsmawa, ewjjt'apjjaracsmawa acjja Tatit Jesusan sutipana: cunjämatejj nanacajj yatichapjjsmajja Diosar cusisiyquiri sarnakañjjatjja, uqhamarjama lurasipcaquim juc'amp juc'ampi.

1 Tesalonicenses 4:10

Uqhampunwa jumanacajj lurasipcta take Macedonianquiri jilatanacampejja. Ucampis achict'apjjsmawa jilatanaca, munasiñanacamajja juc'ampi utjpan.

1 Pedro 1:22

Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

1 Pedro 3:4

jan ucasti suma chuymanïpjjam, ucaw jan tucusquiri, suma muncañajja, llamp'u chuymani. Dios nayrakatansti ucajj wali asquiwa.

2 Pedro 3:18

Ucampis khespiyiri Tatit Jesucristosar uñt'apjjam, munasiñapanraqui jiltapjjam. ¡Jupasti jach'achatäpan jichhas, wiñayataqui! Uqhamäpan.