Sofonías 2:3 - Qullan Arunaka DC

³ Jumanakax Tatituruy thaqtapxam, aka uraqin llamp'u chuyman jaqinaka, arunakapar phuqhas sarnaqirinaka. Ukatsti chiqa kankañampi llamp'u chuymampirak sarnaqapxam, inas ukhamat Tatitun jach'a q'apisiñ urupan jumanakax imantasiñ jikxatapxchisma.

Aymar Bibliia 1986

³ Take jumanacajj Diosaruy thaktapjjam, acapach oraken llamp'u chuyman jakenaca, cawquïrinacatï arunacapa phokapcta ucanaca. Ucatsti cheka cancañampi llamp'u chuymampirac sarnakapjjam, inas uqhamata Diosan jach'a colerasïwi urupata imatäsipcchisma.

Qullan Arunaca

³ Take jumanacajj Diosaruy thaktapjjam, acapach oraken llamp'u chuyman jakenaca, cawquïrinacatï arunacapa phokapcta ucanaca. Ucatsti cheka cancañampi llamp'u chuymampirac sarnakapjjam, inas uqhamata Diosan jach'a colerasïwi urupata imatäsipcchisma.

Sofonías 2:3 Jak'a apnaqawi uñst'ayäwi

2 Samuel 12:22

Davidasti jupanakar sarakïnwa: —Wawax jakaskän ukapachax nayax ayuno luräyäta, jacharakïyätwa: “Inach Tatitux nayat khuyapt'ayasitaspa, ukat wawaxar qullarapitaspa” sasa.

Salmos 105:4

Tatitur jak'achasipxam, ch'amapar alkatapxam; jan qarjasis Tatitur thaqhapxam.

Salmos 149:4

Tatitux markapampix kusisiwa; llamp'u chuyman jaqinakarux atipt'ayiwa.

Salmos 22:26

26 (27) T'aqhisiyat jaqinaka, sist'asiñkam manq'apxam; Tatitur thaqhirinaka, jupar yupaychapxam, walja maranak jakapxarakim.

Salmos 31:20

20 (21) Jupanakampïtamat ñanqha luririnakan jan wali amtäwinakapat qhispiytaxa; uñisirinakapampi jan tuqiyañatakisti jupanakarux utamaruw imanttaxa.

Salmos 45:4

4 (5) Atipjañampi sarantam, chiqa layku ch'amachasisa, llamp'u chuymaninakar chiqapar uñjasa. ¡Kupi amparamax muspharkañanak lurpan!

Salmos 57:1

1 (2) Diosaxay, nayat khuyapt'ayasita, jumampi arxatayasiñatakiw thaqsma, nayat khuyapt'ayasipunita. Jan walt'añ nayat jithiqañapkamasti, amparamampi imantayasiñ munta.

Salmos 76:9

9 (10) kunapachatix jumax taripañatak sayt'askta, t'aqhisiyatanakar qhispiyañatak sartaskta ukapachaxa.

Salmos 91:1

Alaxpachankir Taqi ch'amanin imat sarnaqir jaqixa,

Éxodo 12:27

jumanakasti sapxätawa: ‘Aka uywax Tatitusar jach'añchas luqtata Pascua wilañchawa. Kunapachatix jupax Egipto uraqpachan thiyat thiya sarkäna egipcionakan jilïr tayna yuqall wawanakapar jiwarayasaxa, jiwasan utanakasxa janiw kamachkänsa, sarakipawayakïnwa, ukhamat wila masinakasar jiwañat qhispiyäna’ ” sasa. Moisesax parlañ tukuykän ukapachasti, israelitanakax taqpachaniw killt'asis Tatitur yupaychapxäna,

Proverbios 18:10

Tatitun sutipax jach'a pukarar uñtatawa, uka tuqiruw aski jaqinakax qhispiyasiñatak jalapxi.

Isaías 1:17

¡Aski lurañanak yatiqapxam, kunatix chiqapäki uka lurañatak ch'amachasipxam, t'aqhisiyatanakarus yanapt'apxam, wajchanakarus chiqapar uñjapxam, ijma warminakarus arxatapxarakim!”

Isaías 11:4

Aynacht'atanakarux chiqa luräwimpiw uñjani, t'aqhin jakirinakarux arxatarakiniwa. Qhuru jaqinakarux mutuyaniwa, jan wali jaqinakarux jiwarayaniwa. Arunakapax mä kamachïkaspas ukhamäniwa.

Isaías 61:1

Tatitun ajayupax nayxankiwa, jupaw nayarux yaqhachasitu; jan kunaninakar suma yatiyäwinak yatiyiriw khithanitu, llakt'atanakaru chuymachiri, katuntatanakar antutat sarnaqasiñ yatiyiri, carcelankirinakar antutat sarnaqasiñ churiri,

Jeremías 39:18

Nayaw jumarux jiwayatäñat qhispiyäma. Nayar iyawsatam laykusti, janirakiw jiwayapkätamti. Naya, Tatituw uk arsta’ ” sasa.

Jeremías 45:5

¿Kuncha jumatak mayisiñ munta? ¡Jan kunsa maykamti! Nayasti taqi jaqinakxarux jach'a t'aqhisiñanak apayanï. Ukampis jumarux kawkirutix sarkäta ukan jakayaskarakïmawa. Naya, Tatituw uk arsta’ ” sasa.

Ezequiel 13:5

Israel markar arxatañatakisti janiw kunsa lurapkiti, Tatitun urupax purinkani uka urun nuwasïwina sayt'asipxañapataki.

Oseas 10:12

Jupanakarusti saraktwa: ¡Tatitur thaqtañatak wakicht'asipxam! Jumanakax mä machaq uraqjamäpxtawa; uka uraqirux kunatix chiqäki uk yapuchapxam, ukatsti munasiñarak apthapipxam. Ukat Tatitux jumanakan ukar jutasin qhispiyapxätam; kunjämatix jallux waña uraqir purxatasax ch'arant'ki ukhamäniwa.

Oseas 7:10

Jach'a jach'a tukutapaw Israelarux aynacht'ayaski, ukhamäkipansa, janiw Tatit Diosapar kuttanipkiti, janirakiw thaqtapkisa.

Jonás 3:9

inach Tatitux pampachistani, jach'a phiñasiñapsa apaqtayasini, ukhamat jan jiwarañasataki” sasa.

Zacarías 8:19

“Pusïri phaxsina, phisqïri, paqallqüri, tunkïri phaxsin ayuno lurañaxa, kusisiñaruw kipstani, Judá wila masit saraqirinakatakix kusisiñ phunchhäwinakaruw tukuni. ¡Jumanakax chiqa arsuñampiru sumankañampir munapxam!”

Mateo 5:5

“Kusisiñanïpxiw llamp'u chuymaninakaxa, jupanakax mä suma uraq katuqapxani.

1 Tesalonicenses 4:1

Jichhasti jilatanaka, aksti Tatit Jesusan sutipxaruw achikt'apxsma, iwxt'apxaraksma: nanakat yatiqapkista ukarjamay Diosar kusisiyañatak jakapxam, kamisatix niy jakapkta, ukat juk'amp sum jakapxarakim.

1 Tesalonicenses 4:10

Jumanakasti Macedonia markan jakir jilatanakarux ukham munasisipktaxa. Ukampis jilatanaka, nanakax achikt'apxsmawa, munasiñamax juk'amp jilxatpan.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

1 Pedro 3:4

jan ukasti suma chuymanïpxam, ukaw jan tukuskiri, suma munkañaxa. Dios nayraqatansti ukax wali askiwa.

2 Pedro 3:18

Ukampis Qhispiyiri Tatit Jesucristosar uñt'apxam, munasiñapan jiltapxarakim. ¡Jupasti jach'añchatäpan, jichhasa, wiñayataki! Ukhamäpan.