Sofonías 2:2 - Qullan Arunaca

² Janïra t'unar uñtata thayampi qhuysutäcasina, uqhamaraqui janïra Diosan jach'a colerapajj ninjama jumanacjjaru jutquipana, uqhamaraqui janïra uca Diosan taripäwi urupajj purinquipana.

Aymar Bibliia 1986

² Janïra t'unar uñtata thayampi qhuysutäcasina, uqhamaraqui janïra Diosan jach'a colerapajj ninjama jumanacjjaru jutquipana, uqhamaraqui janïra uca Diosan taripäwi urupajj purinquipana.

Qullan Arunaka DC

² t'unar uñtat thayampi janïr khuysutäkasina, Tatitun jach'a q'apisiñapax ninjam jumanakxaru janïr purinkipana, Tatitun taripäwi urupax jumanakxar janïr purinkipana.

Sofonías 2:2 Jak'a apnaqawi uñst'ayäwi

Job 21:18

¿Cunapachas jupanacajj t'unar uñtata willinucutäpjjänjja? ¿Cunapachas jupanacarojj thayas aparaquejja?

Salmos 1:4

Jan wali jakenacampisti janiw uqhamäquiti: jupanacajj thayan apat jipir uñtatäpjjewa.

Salmos 50:22

Diosat armasirinaca, sum ist'apjjam, ucatarac k'al tucjasipquirisma; janirac qhiti arjjatirs jicjjatasisipcasma;

Isaías 17:13

Ucampisa cunapachatejj Diosajj jupanacar tokenoke uqhajj jayaruw jaltjjapjjani, cunjämtejj thayajj kollunacaru t'unjja apasjjejj uqhama, jan ucajj cunjämtejj tutuca thayajj ch'aphinac apasjjejj uqhama.

Jeremías 23:20

Tatitun colerasiñapajja janiw tucuscaniti, jupan amtäwinacapa phokhasiñapcamajja. Mä uruwa puriniraquini cunapachatejj jumanacajj take acanacata amuythapisipjjäta ucajja.

Jeremías 4:4

Judá uqhamaraqui Jerusalén marcan utjir jakenaca, jumanacajj circuncidasipjjam, ucatsti nayarojj Tatitut uñt'asipjjaraquita, chuymanacamarusti cuna arust'äwitejj utjqui uca unañchäwinac uscusipjjam; uqhamata ñankha luratanacam laycojj jan colerasiñajjajj ninjam aktascañapataqui, ucsti janiraquiw qhitis jiwaraycaraquispati.

Lamentaciones 4:11

Tatitusti sintipuniw colerasi, akquiri colerasiñapsti jiwasjjaruw warjjataniraqui; Sión marcarusti ninampiw akantayi uta cimientotpachwa t'unjaraqui.

Ezequiel 12:25

naya Tatitu quipcaraquiw parläjja, cuntejj parlcä ucanacasti janc'aquiw phokhasiraquini. Jumanacpachaw ucanacjja uñjapjjaraquïta, naya toke sayt'asir jakenaca; nayaw parläjja, parlatajjasti phokhasipuniniwa. Naya Tatituw ucjja arsuracta’ ” sasa.

Oseas 13:3

Ucatwa jichhajj alba urpur uñtata, willjta sullar uñtataraqui mäqui chhaktapjjani, thayan apat t'unar uñtata, cocinat mistur jiwk'er uñtataraqui.

Nahúm 1:6

¿Qhitirac jupan colerasitaparusti sayt'asispa? ¿Qhitirac colerasitaparusti kallcataspa? Colerasiñapajj ninjamaw akatati, jupa nayrakatansti karkanacas payaruw ch'iyjtawayi.

Sofonías 1:18

“Tatitun colerasïwi urupanjja, janiw jakerojj khespiycaniti, kollkepasa, koripasa, Diosan ninar uñtat colerasïwipaw takpach marcaru naqhantani uca laycu. ¡Take acapachan jaquir jakenacaraquiwa jan mayani, janc'ac tucjatäni!”

Sofonías 3:8

Ucampisa jumanacajj suyt'apjjeta cunürutï jumanacaru taripañataqui jutcä ucjja. Naya Tatitu Diosaw ucjja arsta: Nayasti amttwa take marcanaca, reinonaca mayaru tantachthapiña, ucat take jupanacjjaru mutuyäwi apayaniña, uqhamarac akquiri colerasiña warjjataniñataqui. ¡Ucatsti take orakenacawa t'unjatäni akquir colerasiñajjampi phichhantataraquïniwa!

Mateo 24:35

Alajjpachampi acapachampejj tucusiniwa, ucampis arunacajjajj janiw tucuscaniti.