Luke 13:34 - ASII LAKDAP Bible (BSI) “O, Jerusalem le, Jerusalem le! Ümniiraq shammibi thun ka pahea tsatbaiq laü. Shiikeawe raq ümphana tsütsa chong kai tsasoqti atiiki thun kra ümniiraq tsatbaiq laü! Ngi raq ümtinkhan wa, ümsengi thun kra wukaü raq asetiim wowan tlaq ikha, i wokhong na wowan pha nguta shiikut wan kang. Shatmaq, ümniiraq ngi ma tiiwo maü riilaü! Hawa Naga Bible 2001 “Yerusalem lex, Yerusalem lex! Shvmmax bix kuex thvt gay ruiux, mnoz kox nuex Tishox rueq vtvkaz kamx waz hez kuex lung maq tuip thvt gay toq! Wukuiux rueq vsahez kuex vraungx khung nuex tvkhup wungx yaq ikhoc mmiqsaz htenc lotlaz kuex ngaz rueq lauk wvruip ruip tvtuimx roc tauk, yuq muinz mnoz rueq ngaz muex kvkhoc tvshuimc muq! Muklom “Jerusalem, Jerusalem! Nang aa rangsamal tang tha tatik tu, Shkewa takatta thoksil tattey tang tha nang aa long eq pat eq tatik chak tu! Woku aa chamal eq usa tang urang khungna hop shing eq tong aa thimal nga tho nim satang raa ijak eq homlotma chamtan juk tat tathin taphang! Etharin nang aa tasom pha mu angta phu. |
“Shatmaq ümsenginok raq, maiqmii wela jawanto, ümbom taimak, ümkiq akhii riiwanto. Tsangshiq ma akuq haü, Thungtri ka jainong nü maq shungbaiq wanto. Tsangshiq ma tsii chongke wanti, shammibi ka atsea riibaiqto. Ümniipha na jang wan ronglaq nguta, bom chongke wanti shammibi wiita, tsatbaiq wanto. Tsangshiq raq ümniika bliiq kiki, shummii shipoq wanto.
Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.
Chochi ronglaq Israil lei, jamkhano ngukla üm Phansangtiwe asi; chochi ronglaq, Jajon hiqti lei, üm hokhamwe asi!
Ngi ka ümmakpo jamkho tiiwong tlaü kiikha tiiwonglaq; ngi ka ümrakong thun nyam na paülaq
O Shiikeawe lei, ümlungwii tiipitmaü phan ka athii tsinhea! Naishiq ka ümrakhong tsaiji takiq na tiiwongtlaü.
Ngi tiihangkuq laq, O Shiikeawe lei, tiihangkuq liidea, jamkhano ngukla ngi ka ümtiiwong na nyapwan tiikang. Ngi tiiwongchang ka ümrakhong kra rathaiq henghea kra mitsaq shaq wiiwii.
Ngi raq Isenginok raq ibom tai raüjaq nguta tsinngin wankang; tsangshiq ka Iwokhong na si raüjaq nguta pinthum tsinngin wan kang!
Apaiq raq ümniika arakong maq mipang; ümniika awokhong na tiiwong kuqshat mirüm; apaiq tsapkapkap wokhong maq mitiiwongkuq kiimaq mitiichhiikuq.
Ajong Pinthum Tatiwe, asii Israilnok Shiikeawe raq nokmaiqse ma akha ngutlo, “Namshiq ka jang wan nong ronglaq. Lantea sangli li maq ngi ma kamtsantsii thüronglaq. Raüla namshiq ningkun ka ajong miraq kiimaq khusang maq mishonghan.” Shatmaq namshiq kra taiman tlan!
“Isenginok raq ibom jam nguto tremak, Ngi ka tsangshiq phana tsangshiq tiichhiikekai kikang ta? Ngi raq tsangshiq hea kang ta, tsangshiq raq ibom jamto tremak? Ngi ka ningkun jomhea tsangshiq tiichhiikuqlot mang shea? Ngi raq khamjong chum ka bom tsishi miili trübaiqlot tiikang, kiimaq khamrai thun ka kumtsaiphii wang ma mitiijabaiqlot ha, krai mren kiijaq siti ngiq ka kham ahü kha maq wiita mijiim.
Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.
Tsangshiq raq apaiq ka lap wan raüta Hokhamwe Jehoiakim phana shea wanto. Raüta Hokhamwe raq apaiq ka tiitsat baiqto. Kiimaq amaa ka mungmaiqse maalap chiim kiijaq dobaiqto.)
Jonadab saüse phan raq apaiq tsiichong bomtsi ka lang wan raüta, tsangshiq raq che nyangmak sitlo. Ümchaü ranaiq na saüli tsangshiq phongwa weshi ra riimin che ka nyangmak pentlo. Shatmaq Ngi raq namshiq ma tsii chongke ka tsaq mang phan chongkuq wan ruq chongkuq tiikang. Shatmaq namshiq raq ibom ka lang man tlea tlan.
Riita arningkhan, ümchaü min, Ngi, Tati Ningkun Ajongwe raq, Israilnok Shiikeawe raq, namshiq Juda mungti nai Jerusalemti khuthaq na, Ngi raq mitiithenbaiqha nguta ikiqkham kang thun thenjen wan kriishe mitiisaüha. Ngi raq namshiq khuthaq na arthun tiisaü wan tiikang jamkhano ngukla, ümtiikiiwa Ngi raq namshiq ma ümtin khan wa chongkuq wan kang kra, namshiq raq taiman riilan, kiimaq Ngi raq namshiq heawan phata, namshiq raq ibom tre man riilan.”
Tatiwe raq asenginok ma nguto, “Lamhum ba kiijaq chaplanta liirong liishaq. Manniiwa richü pat wa lam thun kra ümbano kra waironglaq. Lantea ümriitiwa lamhea pinthum kra rit ronglaq. Lantea kra lam kiimaq khum ronglaq. Kra riihan jiila namshiq ka hansang maq misihan.” Shatmaq tsangshiq raq nguto, “Naq. Naishiq ka kra lam maq khumai!”
“Ngi ka arkha na hoqjü tiikang, imakphai sawa raq makhü jaqhü. Ngi ma tsaido jidoketi jumin ahü, ngi ma ningkun shoqketi jumin ahü. Rewe raq ngi ka longto she, raüta tangto. Isenginok jaq na jammin ahü siipe.
Kriika shammibi ngarai nai ramwebi shut kha maq thento. Tsangshiq raq sephii nojii maiqheati, tiijai raübaiqto. Kriikha na thento.
Shatmaq ngi raq tsangshiq ka itho na warong ra nguta, apa heawan wan riikang la, tsangshiq ka ngi tho wa alu na jajuhoho riito. Tsangshiq raq Baal sumla ma nyamse honglu takuq wanto. Raüta tsangshiq raq sumla phra thun ma, honglu ngamrea chaqkuq wanto.
Isenginok iwokhong wa dongho roli hongla wanto. Krai mren maiqtijong howanto. Raüta maiqdikong ma jawanto. Chamchao tsi maq hoqphaq wanto. Shatmaq ngi raq tsangshiq maaho tre mang.
“Jajon saünai setiim lei, pinthum chochi ronglaq. Namshiq Tati Shiikeawe raq, namshiq miitu shamkuq wantaq, kai khoqriiq ronglaq. Apaiq raq liidong wan rajun min akhing riikhaqli na kuqto. Kiimaq ralii rajun min hongli tiisaü kuqto. Kiimaq lamsesat jun min riikhaqli kuqto.
Namtitiim pat na jamkho ngiimboq shatmaq siwantaq, kiikhii ka ümchaü naqsi rongkiq she. Man na rathup rapha pat achat niiphü, shammibi raq tsangshiq ma riisham bom maq, abi ashut ngarai rilung niili naqsi rongkiq she nguta chongkuq wanto. Shatmaq tsangshiq raq i bomchong ka taimak maq tlea raüta siwanto. Kiimaq ngi aming thun kiimin lang wan mak riito.
Apaiq raq ajaqshisetiim ma wanhea raüpot pheake wanje tibi kra kherüsea poi na warong riishe nguta tiihea kito. Shatmaq tsangshiq raq kherüsea poi ka lomwa mak dea shipoq baiqto.
Kiimaq maiq wiijamti riika apaiq raq atiiki ajaqshisetiim kra laphoto. Raüta tsangshiq ka ninta khoti tsatto. Kiimaq tsangshiq ka atsea khoti riibaiqto.
“Kra tai raütiishe, aphu we ka kai atsan khiqto. Kriikha maq, apaiq ka jam niimin düwa mak she tiingan kito. Kra chhi raütiishe, awe ka kinphai na dongki raütiishe, ase ka tlin heakito.
Tsangshiq raq ümniika botkhulai rai she mishot baiq wan. Kiimaq chela mong na siti, maiq angu thun kriika, tiimiqchup she mithaü baiq! Ümniiraq ara ümnaq tsai lam riihum tlaü arka, Shiikeawe ka ümnaq tiichhiike kai saüki phaüta, ümniiraq kra akhing ka sap maü dea riilaü, kriikha miishe miqphaq wan tlaü!”
Jesuq raq tsangshiq pha nü na tro lii raüta, tsangshiq ma chongto, “Jerusalem nyungre le! Namshiq ka ngi miitu, naq hoq rongkiq. Shatmaq, namshiq maiqmii miitu nai namsetiim miitu hoq ronglaq.
Riita, namtitiim raq, shammibi ka wiitarü tiichamchao wan je siisaq riito. Shiikeawe raq apaiq kechu Kolise tiikitlaq kra tsütsa chongke miitu, man na rathup rapha ji niiphü, apaiq tsütsa chongke wanti shammibi ümchuwa tiikitaq thun kriika, tsangshiq raq wiita tsatbaiq wanto. Krai mren, ümchaü namshiq riimin, apaiq luqkhapse ka tiishaü baiq lan. Lanta, apaiq ka tsatbaiq lan.
Tsangshiq raq apaiq ka long maq thong tlaq liipan na, Stephen raq Tatiwe jaq wa, “Tati Jesuq Khristo lei, i tsai ji ara ümniiraq tao laq!” nguta achu jaüto.
Kiimaq Saul riimin apaiq tseabaiq na pong damto Kra ranaiq miili she, Jerusalem wa Phungmaiqsetiim ka pinthum tiichamchao pha wanto, kiimwebi kli Jerusalem na sito. Phungmaiqse abiti thun ka, wiita Judia nai Samaria wang na, barap binrii na pongpin riipin pin wanto.
Tsangshiq ka re raq jamkhano tang wantaq kra takmak; tsangshiq ka jamkho miq wantaq kra tak mak.
Tsangshiq raq wranaiqshe akhiisii haisong tsantsii rüm raü ka ahea riichang! Tsangshiq raq Ngi ka wranaiq she akha anato raüta shreng raüka ahea riichang. Raüta Ngi raq akuqha aming thun kra lang raüta shong nga raüka ahea riichang. Kra nguraü ka tsangshiq ma phanrap na jamlai phan rongraa min ahü khusang rakhang maq mishong nga wan wa. Kiimaq tsangsaü tsangsetiim pat niimin pattup pat-sa ahea misi wan wa.
Kiimaq, tsangnai maa ka kra chela jonghea, tsangnai Tatiwe pumsongkham na tübaiqtaq kiijaq chiiheawea lam na küram liira tiibum raqraq miraq. Riita, kra chela shiiton mang ka Sodom chela riimak la Ejip nguta miraq.
Riita, ümniiraq atinkhan ahea awa jaqsham wan laü ara miitu Tatiwe raq ümniima aliip apha maq mitham songkuq laq. Israilnok Tati Shiikeawe puk na ümnaq nyap wan tlaü kra riitiq ümniima poksi mikuq laq!”