JEREMIA 6:16 - ASII LAKDAP Bible (BSI)

¹⁶ Tatiwe raq asenginok ma nguto, “Lamhum ba kiijaq chaplanta liirong liishaq. Manniiwa richü pat wa lam thun kra ümbano kra waironglaq. Lantea ümriitiwa lamhea pinthum kra rit ronglaq. Lantea kra lam kiimaq khum ronglaq. Kra riihan jiila namshiq ka hansang maq misihan.” Shatmaq tsangshiq raq nguto, “Naq. Naishiq ka kra lam maq khumai!”

Hawa Naga Bible 2001

¹⁶ Yehowa rueq vpiq miqsaz muex jungx tueq, “Lvmx dungc lvmx heq htenc nuex jvp vtueq lawc shuinz. Mvnnuex wawc lvmx kez kuex wisoz thuiyx shuinz. Kvruex lvmx kvyuq khuemx ruiux yuq, nuimshiq nomic httax lvp tuinx,” ngoz tueq. Yuq muinz tsuingshiq rueq, “Kvruex lvmx kuex nuiyshiq rueq phvnx miq!” ngoz tueq jungx wuez tueq.

JEREMIA 6:16 Referencias Cruzadas

1 HOKHVMX 8:36

tsangshiq achu jaü ka ramungtan maq tre laq. Laüta hokhamwe ngarai nai Israilnok mungmaiqse ngarai kra adii riikuq laq. Laüta tsangshiq ma riikhaqli lamlu kli shrinkuq laq. Kra laüta O, Tatiwe lei, armung arjaq ra ka tiijun kuqlaq. Arka ümmungtan, ümniiraq ümsenginok ma pattup tachong hupsam miitu akuq haü kata.

2 KAÜWA WERAÜ 19:11

Ramwe Ajong Pinthumwe Amaria ka Shiikeawe lamphan kha pho na bom tiisuptiwe miraq. Kiimaq Ishmael se Jebadia ka Juda mung na wanghuptiwe. Mangjong hiq wa tri lamphan na mungmaiqse khuthaq wa kha ka apaiq nübok na supchang arang hoti miraq. Kiimaq Lewinok riika rung na kha ka jamkho photlaq kra jaqsham maq tiichhike ratlo. Srea nolabi ma jalanta ara tsü chongtiikang thun ara sham ronglaq. Kiimaq Tatiwe ka tingting maiqsetiim rai lomshat mirlaq!”

Tvtsvmc 116:7

Itsan lei, sanglili maq silaq, jamto ngukla Tati raq ngi pinthum mangchan wanto.

ISAIA 2:5

Riita ümchaü sanha, Jakob saüsetiim lei, Tati raq nashiq ma rawüli tli kuq tlaq kra phan phan shongnga laita sirong i!

ISAIA 28:12

Apaiq raq namshiq tlotli ma nü tiitsak kuqto kiimaq aheawiq boq pumto. Shatmaq namshiq raq apaiq bom chong ka tairo man tlealan.

ISAIA 30:21

Namshiq ka tungphai lamphii na jaqtsi jaq pha na latho han jiila, namshiq jai nü maq apaiq raq akha ahea mitaihan, “Lam ka ahata. Ara lam phan phan khum ronglaq.”

ISAIA 46:9

Tiitsang ronglaq rathup na jamlai mra wa pinta; Ngi ara lamlamli Shiikeawe nguta kholam kholiiq sironglaq, kiimaq Ngi rai thapthi chang ka jumin ahü she.

ISAIA 57:2

Jurwa riikhaqli rilung siraüta tsai wan tlaq, kriiti ka sanglili hea tsai wantlo kiimaq maakho na niitiitsak raüta sitlo.

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

JEREMIA 12:16

Kiimaq tsangshiq raq maiqmii tsan nai mongjii wiita kuq raüta, isenginok raq shomnoqtlaq lamphan kra phan raüta, kiimaq tsangshiq raq, ‘Tatiwe ka atra sishat wiiwii’ nguta tiitum wan raüla, tsangshiq raq man na isenginok ma Baal phra mang na tiitum ronglaq nguta shrinkuqtaq kiikha tsangshiq riimin tiitum wan raüla, tsangshiq kiimin isenginok rai kongshi ma mijawan kiimaq chiithe lüwanok ma mija wan.

JEREMIA 18:12

Raüla tsangshiq raq mitre, ‘Naishiq ka tsaqmai. Naishiq raq maiqmii jaqsham kiimung ka jaram tsaqkai wa? Naishiq ka ümchaü jamkho nilan wanshakshak sitiikai, kiimaq abi kiimung tiikai kriika klo ruqli mirhai,’”

JEREMIA 18:15

Kiikha taü maq isenginok raq ngi ka laqbaiqto; tsangshiq raq sumla phra kong ma homseng chaq raüta noqtlo. Tsangshiq khumchang lamphan tsin mak atiithap küraito; tsangshiq raq lamchu khiiphan thun ka khummak she tsaqkito. Tsangshiq ka miithii shonghü lamjiq nü na kihoto.

JEREMIA 2:25

Israil lei, ümhok atu na naq tiisungkiq, riimakla ümrotpo ka naq tiishinbaiqkiq, laihin phra kong jai josea nguta. Shatmaq ümniiraq ngutlaü, ‘Riimak! Ngi ka jai na janglot mang she. Ngi raq pongmungti phra kong lungwiitiikang, krai mren ngi raq tsangshiq jai phanruqli miphan ha.’”

JEREMIA 22:21

Namshiq arong awin silanji na Tatiwe raq namshiq ma chongkuqto, shatmaq namshiq raq taiman tlea lan. Namrilung wiili kriili klowan lan ihata; namshiq raq Tatiwe bom taiman tlea lan.

JEREMIA 31:21

Lam na miithii thun shong laq laüta lam ka tiitsang laq; ümnaq kaiho chang lam ka rit wan nonglaq. Jangwa nong rongkiq, Israilnok lei, namshiq raq baiqthülan chela thun kiina jang wan nong ronglaq.

JEREMIA 42:3

Tatiwe jaq wa nashiq Shiikeawe jaq wa achu jaülaq, apaiq raq nashiq ma nashiq ka ümnü na kai chang wa kra lam mitiichhikuq laq. Kiimaq nashiq raq jamlai phan klo chang wa kra mitiichhikuq laq.”

JEREMIA 44:16

“Ümniiraq naishiq ma Tatiwe mang na jamlai bom wa chongkuq laü kriika naishiq raq langmai.

JEREMIA 50:5

Tsangshiq raq Jajon na walam kra mirit. Raüta kra lam phan phan miwa wan. Raüta tsangshiq raq Ngi rai pattup pat-sa miitu tong mishong. Raüta kra tongshong tri ka ümtiikiimin jin mak she miraq.

JEREMIA 7:23

Shatmaq ngi raq tsangshiq ma ibom tai raüta iwokhong na siraa nguta aming kuqkang. Krai mren ngi ka tsangshiq Shiikeawe miraq. Kiimaq tsangshiq ka isengi miraq. Kiimaq tsangshiq ka ngi raq jamkho aming kuq tiikang kraphan phan siwan ronglaq. Raüla tsangshiq ma rilung na phanrap ka aheawiq miraq nguta chongkuq kang.

JEREMIA 7:24

Shatmaq tsangshiq raq ibom taimak kiimaq tsangshiq tsantsii kuq wan mak riito. Shatmaq tsangshiq ka nilan wanshak shak kiimaq abi tiima tsantsii raq jamlai wa chongtlaq kra phan phanli siwanto. Kra ningkhan tsangshiq ka maiqshaq ma jawan la na, naolaqhea jabi wan wan khoti riito.

MALAKI 4:4

“Ngi raq ijaqshise Mosheq ma Sinai Pum maq Israilnok tlotli raq lang wan miitu akuqha, thungtri raü, kiimaq aming thun ka tsan na tiitsang ronglaq.

Luke 16:29

“Kiijiishe, Abraham raq treto, ‘Ümphu ümnotiim ma tsii chongketi ka, Mosheq nai shammibi raq awaiq thü, Asii bomtsi asi. Ümphu ümnotiim raq tsangshiq bomchong kra tai chang.’

John 12:35

Kiijiishe Jesuq raq tsangshiq bom ka treto, “Namshiq ma rawüli ka heashili she mili. Rawüli asi bala, namshiq ka rawü lam phan tlan kra, phan ruq phan lantli si ronglaq. Ranyaq raq namshiq ka pang wan tlo jiiq. Juwa ranyaq mong na khum tlaq, kriiti riika, apaiq ka ümnüno kihotla, kriika sap mak.

John 13:17

Riita, ümchaü sanha, namshiq raq ara chongkuq tiikang tengteng bomtsi arka sap lan she. Jurwa ara bomtsi ara lang lanta mishong nga han, kriiti ka pinthum khoqriiq shishiiq miishe misi han!

John 5:39

Namshiq raq Asii Bomtsi ka sidi phat siq tlan. Namshiq raq Asii Bomtsi phat tlan kriika, kiiwa namshiq raq pattup pat-sa rilung ka lap wan ma nguta phat tlan. Riita, ara Asii bomtsi riika, ngi arka juwa kra chongkuq tlo!

Acts 17:11

Riita Berea chela na siti ka Thesalonia na siti nam ma phanshi tsan ka anin linlin riito. Tsangshiq raq Paul nai Silas raq tsütsa chongkuq tlaq kriika sanglili hea maq tsangshiq tsan atsi maq tiitsang taito. Kiimaq ranaiqtek Asii lakdap wa Paul raq chong kuq tlaq bomtsi ka tengtlaq dea sha nguta, tsangshiq raq sidi phat wan lili riito.

Romans 4:12

Abraham ka, Jehudinok athohan poi lang wan raüta siwanti, kiimaq athohan tri lang tlaq kra thaq niimin, Abraham raq apaiq raq athohan mikloshaq akhing na, Shiikeawe ma jamkho kamwantaq, kiikha Shiikeawe ma kamwantibi thun miimin, Abraham ka awejong she jawanto.

TRI CHONGKE 32:7

“Man na richü pat wa, luhea wa man phan ka tiima ronglaq; namwetiim ma mra pintaq man phan ka wai ronglaq. Tikiibi ma man niiwa manphan ka chonglaq nguta wai ronglaq.

Colossians 2:6

Namshiq raq Khristo Jesuq ka namshiq Tatiwe dea ngutiishe apaiq puk na nyap wan lan kata. Krai mren, apaiq rai tiipum lanta sirong laq.

Hebrews 11:2

Tsangshiq kamtsantsii lümaq tiina, richü we raq, Shiikeawe bom lap wantaq.

Hebrews 6:12

Ngi raq namshiq ka, roknin riishin ma tiija ka romang. Shatmaq ngi raq namshiq ka, Jesuq ma kamti maiqsetiim dea nguta, kamasham lamphan na, jaqkhon tiipha tiipha maq siti ma jawan kra lungwii tiikang. Raüta, Shiikeawe raq mikuqha nguta, kiqkham raüpot khakuqtaq kongphiq kra lap wantiiti bi, kiikha namshiq min si ronglaq nguta tiitai tiikang.

PHOWEBI 2:17

Shatmaq Israilnok raq tsangwelabi bom ka taimak riito. Israilnok raq Tatiwe ka tsapkap mak shisheto. Kiimaq laihin phrakong khoti shomnoqhoto. Tsangwetiim riikaq Tatiwe aming thun lang wanto. Shatmaq ara senye pat raq kra lamphan ka jaqloli athaq she riibaiqto.