Biblia Todo Logo
La Biblia Online
- Anuncios -




JEREMIA 6:16 - Hawa Naga Bible 2001

16 Yehowa rueq vpiq miqsaz muex jungx tueq, “Lvmx dungc lvmx heq htenc nuex jvp vtueq lawc shuinz. Mvnnuex wawc lvmx kez kuex wisoz thuiyx shuinz. Kvruex lvmx kvyuq khuemx ruiux yuq, nuimshiq nomic httax lvp tuinx,” ngoz tueq. Yuq muinz tsuingshiq rueq, “Kvruex lvmx kuex nuiyshiq rueq phvnx miq!” ngoz tueq jungx wuez tueq.

Ver Capítulo Copiar

ASII LAKDAP Bible (BSI)

16 Tatiwe raq asenginok ma nguto, “Lamhum ba kiijaq chaplanta liirong liishaq. Manniiwa richü pat wa lam thun kra ümbano kra waironglaq. Lantea ümriitiwa lamhea pinthum kra rit ronglaq. Lantea kra lam kiimaq khum ronglaq. Kra riihan jiila namshiq ka hansang maq misihan.” Shatmaq tsangshiq raq nguto, “Naq. Naishiq ka kra lam maq khumai!”

Ver Capítulo Copiar




JEREMIA 6:16
38 Referencias Cruzadas  

tsuingshiq rueq thoz yaq kuex raungmungx maq tay kuq shuiuz. Hokhvmx waz nuiyc Israel miqsaz htenc yaq gay tueq mvrax kuex dawc kuq shuiuz. Vlvmx yauk shuimc tsuingshiq muex tvluing kuq shuiuz. O Yehowa lex, mmiqsaz htenc muex mnoz rueq kuq shec toq pattup tsak vnyvmx ghaqphux ngoz yaq vruex m-ghaqphux htauk vyuq raungx tvyunc shuiuz.


Shomc Wayungx Amaria rueq nawk palx htungx nuex seng vtueq shuimc vkay lotlaz kuex tvsuip nuex htvp htaz kuy vrangx vpangx httax yaq, Eshmael saz Yuda mungx walaungx Zebadia rueq mungx miqsaz guimz lawc lvmz nuex seng vtueq shuimc juing lotlaz kuex tvsuip nuex htvp htaz kuy lot vrangx vpangx lvp yaq. Lewi miqsaz htenc muinz tvrac rungx maq htvp htaz phox kuq yaq yauk shuimc htenc kuex gurx pix wuez yaq. Vruex jungx tvkhic yaq bomc htenc kuex khvmc thuinz httax vtueq phvnx shuinz, Yehowa kuex vlvmx miqsaz htauk nuex httax yaq!”


Ngvy thuinz vmungx lex, Yehowa rueq ngaz muex vhvlx kejux tvkhic kuy ningkhvnc nuex kvmluimx kuiuz.


Majuiuc, Yaku suiuz vsaz htenc lex, Yehowa rueq naungshiq muex kuq yaq raungwuic nuex khuemx wuez ix!


Vpiq rueq nuimshiq lotlaz muex suinglix lvmz nuiyc sitenc yatenc lvmz kuq kv-phuinx, yuq muinz nuimshiq rueq vpiq kvjaz tay muit tvlvlc vshuinx.


Nuimshiq kuex vkeq vphvrx nuex lvmx tvyaq ruiux yuq, nuimshiq yix kox maq, “Vruex lvmx rvtueq. Vruex phvnx shuinx,” ngoz tueq gvl yaq vpiq tvruingc kuex tay shuinx.


Mvnnuex jauz yaungx wvnc tueq lvmz kuex rvwvl wuez shuinz; ngaz vshiz dvyx Tishox rvtauk kvmuinz ngaz rulc rv-ngvlc jix vguez kvmuinz kvjungc wuez kuinz.


Miq hvlx jix thueyc kaz ruiux yuq nomic maq nyec tvkuiyq httax yaq.


Nuimshiq rueq tsuingshiq muex, “Yehowa rueq nuimshiq muex mkhoc lac tvluing kuq yaq kuex tay wuez shuinz! Htaungc shvmmax bix rueq jungx yaq kvjaz kuex nauk tay kaz, tsuingshiq rueq nuimshiq muex jungx yaq kvjaz kuex vkuilc vdaz tvhvlc kuq lot yaq rvmuq,” ngoz tueq tvralc shuinx.


Tsuingshiq rueq Bala muingc jungx vtueq kvtuemc tvkoc ngvy miqsaz htenc muex tvluing kuq wvnc tueq rulc rv-ngvlc, tsuingshiq thuinz vmungx lotlaz maq ngvy miqsaz htenc nawk palx htungx kuex lvp wvnc vtueq, ‘Yehowa vtvraungx,’ ngoz tueq kvtuemc ruiux yuq, tsuingshiq kuex ngvy miqsaz htenc nuex lomx vtueq rungwanx wvnc wuez tuex.


Tsuinghez rueq, ‘Rvmuq, nuiyshiq kuex kvlayc lot miq, yvmx ngoz tueq kvlayc kay lac? Nuiyshiq lotlaz kuex khux tsanz jix nuiyc layx bac jix rvtiq nuiyshiq rueq ruez roc shix kuex ruez shix,’ ” ngoz tueq tvralc shuex.


Yuq muinz ngvy miqsaz rueq ngaz kuex lauk gay phuex; tsuingshiq rueq phara yac yuimx htenc nuex vhomc vtumc phvnx jauk yaq. Tsuingshiq kuex tsuingshiq kay aungx yaq lvmx nuex kvhtuip rul wuez tueq; tsuingshiq rueq lvmx kez kuex phvnx muq shex; tsuingshiq kuex lvmx penc guez nuex khuemx wuez yaq.


Israel lex, vganc tishox htenc kox nuex yuz wvnc vtueq, m-yaz wawc jotac nauk put gay kaz, mrawt muinz nauk tvwul gay kaz. Yuq muinz mnoz rueq, ‘Rvmuq! Ngaz yek mauk shex. Ngaz rueq pungnuk phvnx tishox htenc kuex lungwawx vtueq tsuingshiq yix nuex kaz wvnc taungx,’ ngoz toq.”


Mnoz rungwanx wvnc toq nuex Yehowa rueq mnoz muex jungx tueq, yuq muinz mnoz rueq tay muq rvtoq. Kvruex kuex mrullungx wvlex mnoz rueq shuimx wvnc toq lvmz rvtueq; mnoz rueq Yehowa kvjaz kuex mkaq muinz phvnx muq rvtoq.


Mvhttarc htenc kuex shungc vtueq lvmx kuex tvtsuingc taq shuiuz; mnoz kaz wvnc toq lvmx kuex lauk shiz thuiyx yek shuiuz. Israel miqsaz lex, yek waung luit, mnoz rueq gay shec toq ghaq vyuimx htenc nuex waung loq.


Nuiyshiq khuemc juing lvmx nuiyc nuiyshiq rueq shuimc juing yauk shuimc kuex Yehowa nuiyshiq Tishox rueq lvmx mtvkhic kuq phueq vjux thoz kuq koq,” ngoz tueq jungx phuex.


“Yehowa muingc maq mnoz rueq nuiyshiq muex jungx phux kuex nuiyshiq rueq tay miq tvdux gay shix.


Tsuingshiq rueq Zion nuex kay juing lvmx kuex wiz vtueq kvruex yuq tvtac kaz wvnc wuez tuex. Tsuingshiq kuex ngaz rulc pattup bomkhvrc taq shuex, kvruex kuex mkaq muinz bac kaz tuex rvmuq.


Yuq muinz ngaz kuex tsuingshiq Tishox rvtauk tsuingshiq muinz ngvy miqsaz yaungx muex ngvy kvjaz phvnc tvkoc ngaz rueq nvr tauk. Phvnx ruip saz nuex hvlc wvnc muex ngaz rueq jungx phaungx lvmx kuex phvnc tvkoc ngaz rueq nvr vphaungx.


Yuq muinz tsuingshiq rueq phvnx muq tay muq. Tsuingshiq kuex miqmac khux tvtsanz vtueq layx bac thuinz vmungx maq dung yaq kvmungx kvruex tv-phvnc shuimx kaz wuez yaq, tsuingshiq kuex vhvlc wvnc kox rvmuq maq vbac rvwvnc yaq.


“Israel miqsaz lotlaz rueq phvnc tvkoc Sinai Kanx maq ngvy nvrc waz Moshe muex ngaz rueq kuq tauk tvluingc jungphvnc lvmz, tvrac htenc nuiyc vnvrc bomc htenc kuex rvwvl wuez shuinz.


“Abraham rueq, ‘Mnox tamx muex honc jungc tvkoc Moshe nuiyc shvmmax bix httax yaq, tsuingshiq kvjaz kuex mtay shueq,’ ngoz tueq.


Yesu rueq muinz, “Raungwuic vruex kuex nuimshiq rulc yauk lox saz dvyx httax tuex, nuimshiq kuex raungnyauk rueq tungc wvnc muq tvkoc, raungwuic vhttax baunglaung khuemx wuez kuinz. Raungnyauk nuex khuemc jix waz kuex miqmac mnuex wuez kaz yaq nguinx tuiuz muq.


Majuiuc nuimshiq rueq vruex tsuingrux lvmx kuex tuiuz vshuinx ningkhvnc nuex, kvruex phvnx ruiux yuq nuimshiq thuinhvlc httax yaq.


Rumvrc luik nuex thuiyx ruiux pattup rullungx kuex humc shix ngoz tueq nuimshiq rueq tvmaung vtueq, kvruex luik kuex tvhttoarc tv-phaungx thuiyx vshuinx, kvruex Rumvrc luik kvraq dvyx ngvy lvmz kuex hakhix khvmc kuq yaq!


Berea ghaq jix kuex Thesaloni ghaq jix htauk nuex muinz wvhonc wvtharc rvtueq, kvkhoc rvtueq Polu rueq jungphvnx kuq yaq bomjungc kuex pinhtumc raungc raq thuinz maq tay tvtsuingc wvnc tueq, tsuingshiq kuex Polu rueq jungx yaq kvjaz kuex vyaq shuex vlvmx lac tuiuz tvkoc wvraungx nuiyq tek Rumvrc luik wawc wvllawc wuez tueq.


Piq kuex vhttoar gvnc vhtungx lvmc jix htenc muex vwaz muinz rvtueq, piq kuex vhttoar gvnc vhtungx lvmc dvyx muinz rvmuq naungshiq waz Abraham kuex vhttoar max gvnz nuex phuex, Tishox muex kvmluimx layx kuex phvnc jix htenc muex vwaz muinz rvtueq.


“Lvy wvnc tueq pat wawc kuex rvwvl tvmaung wuez shuinz; yvmx khoc lac yaungx wvnc tvnx kuex mnoz muex mjungx kuq kv-phux, m-waz muex wiz shuiuz. Mvnnuex pat wawc kuex mjungx kuq kv-phux, nuimshiq nyuiuz waz rulx muex wiz shuiuz.


Nuimshiq rueq Christu Yesu kuex Taungjix ngoz tueq lvp wvnc tuit rulc rv-ngvlc, vpiq rulc vdvmz rullungx tvraungx wvnc kuinz.


Mvnnuex pat wawc miq htenc kuex tsuingshiq kvmluimx ningkhvnc nuex Tishox rueq raungc raq yaq lvmz lvp wvnc tueq.


Nuiyshiq rueq nuimshiq kuex vduimz vlemz jix muex tvyaungc roc miq, kvmluimx vtueq thuinz vyungx vluz jix yaungx ruiux Tishox rueq kuq tueq tsak vnyvmx lvp wvnc jix htenc ikhoc nuimshiq nuex yaungc wvnc roc vshix.


Yuq muinz Israel miqsaz rueq tsuingshiq nuk vyungx vlaungx bix kvjaz kuex tay muq. Israel miqsaz kuex Yehowa nuex tvmtuing vguez ningkhvnc nuex vganc tishox htenc kuex nawk palx wuez tueq. Yehowa rueq nvr tueq htenc kuex tsuingshiq jix vwaz tamx rueq phvnx tueq, yuq muinz saz nyalx pat rueq phvnx wuez muq shex.


Síguenos en:

Anuncios


Anuncios


¡Síguenos en WhatsApp! Síguenos