Luke 13:33 - ASII LAKDAP Bible (BSI)

³³ Jaqsham tlot miitu, ngi ka ara napnai jihea liipan na, Jerusalem na misaü wan ha shaq wiiwii, khum wan ruq li mirha. Shammi ngutlaq kriika, Jerusalem niitiq dongdii tsai chang. Kriikha maq, tungkam lam jam na tsea baiq kriika thek mak.

Hawa Naga Bible 2001

³³ Yuq muinz majuiuc raungnuiyq, invp raungnuiyq nuiyc shuimnvp raungnuiyq kuex ngaz vkhuemc juing rvtuex, yvmx khoc lac ngoz ruiux lec shvmmax washiz kuex Yerusalem maq lvy vtueq miqghaq vganc nuex thueyc kuex aungx muq.

Muklom

³³ Etharin nga thaney, inap etho isanney aa ilam o hun kachey náng, chammatakoi ashey rangsamal Jerusalem sha shingchak eq adak haq náng ti chuwang aa ta ang ajo khakla ang moq angna.”

Luke 13:33 Referencias Cruzadas

Matthew 20:18

“Taironglaq, nashiq ka Jerusalem na watiikai. Kiijaq Maiq Se ka ramwe jongbi nai Thungtri shrinketibi ma mishaphaq baiq. Tsangshiq raq apaiq ka atsea chang nguta matkii misü wan.

Matthew 21:11

Kiijiishe Jesuq jaiphan wawan damti mungmaiqse kong phong kra raq, “Arka Shiikeawe shammiwe Jesuq, Gelili wang wa Najareth hiq na siti we,” nguta nokwe bom ka treto.

Luke 9:53

Shatmaq, kra hiqshongti raq Jesuq ka tao mak riito. Kriika tsangshiq raq apaiq ka Jerusalem nü na leahoti nguta asap kha maq, tao mak riito.

John 11:54

Kriikha maq, Jesuq ka Jehudinok phong na rashra ka khumki mak she riito. Shatmaq, kra ba wa tiijin wan raüta, apaiq ka Ephraim chela niishe kihoto. Kra chela ka kumtsaiphii binjü tho na riito. Apaiq ka kiijaq ajaqshisetiim rai sikito.

John 11:9

Kiijiishe, Jesuq raq treto, “Ranaiq shi niika, nari roqshi ri anai riimak sha? Krai mren, juwa ranaiq na khum tlaq, kriiti ka tiithap tha mak maq khum tlo. Ara jamkhano ngukla, apaiq raq mangjong hiq wa rawii li ka chhi shat.

John 12:35

Kiijiishe Jesuq raq tsangshiq bom ka treto, “Namshiq ma rawüli ka heashili she mili. Rawüli asi bala, namshiq ka rawü lam phan tlan kra, phan ruq phan lantli si ronglaq. Ranyaq raq namshiq ka pang wan tlo jiiq. Juwa ranyaq mong na khum tlaq, kriiti riika, apaiq ka ümnüno kihotla, kriika sap mak.

John 4:34

Kiijiishe Jesuq raq tsangshiq ma chongto, “Ngi ma dung ka, ngi tiikaiti we wak na minshiiq tiikang kra. Apaiq raq ngi ma jaqsham akuq tlot wan tiikang ahata, ngi ma dung pin.

John 9:4

Rawü asi wiiwii, nashiq raq ngi tiikaiti we jaqsham arka sham wan ruq riichang. Ranyaq akhing she saü wan raüla, jurmin jaqsham wan lot mak she miraq.

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 13:27

Akha riishatmaq dongdii min, Jerusalem na siti mungmaiqse nai tsangshiq shunsheati welabi raq, apaiq ka Chhiiti we dea nguta sapmak riito. Kiimaq Asii Niitiitsak ranaiqtek na, shammibi bomchong lakdap phat wan tlaq kra liichum kriimin takwan mak dea riito. Li jiimin, tsangshiq raq Jesuq tsatbaiq raüta, kra lümaq shammibi bomchong kra khoti tiikupi wanto.