Luke 13:32 - ASII LAKDAP Bible (BSI)

³² Kiijiishe, Jesuq raq, “Warong laq. Lanta kra miikakoi kaü kiima, ara bomtsi ara chongwa rongkiq: ‘Ngi raq thupkaü thawe thun wiita jobaiq tiikang. Kiimaq maiqse atsi asiti thun ka tiihea kuq tiikang. I jaqsham ka tlot wan ma ümchaü ka naphea jihea li she,’ nguta tsangshiq bom ka treto.

Hawa Naga Bible 2001

³² Yesu rueq tsuingshiq muex, “Shoalx kvmac jungx kuq waung kuinz, ‘Majuiuc raungnuiyq nuiyc invp raungnuiyq kuex htaungc htenc yurc gay ruiux vthuiuz vsac jix htenc tvhvlc kuy juing, shuimnvp raungnuiyq kuex ngvy yauk shuimc vlot shex.’

Muklom

³² Jesu aa ning thima batta, “Ka eq eshi inkaku shima bat ka inn: ‘Thaney nia inap aa nga thangwa tang tha phannáng etho miqtang sha taqhal náng etho isanney aa ijak somlot sha thunna.’

Luke 13:32 Referencias Cruzadas

ASHICHONG 2:15

Laplaq miikakoi kong aransetiim. Nanai spiqtsi pütlung wa, mitiithen shaq na.

EJEKIEL 13:4

Israilnok lei, namshiqnok shammibi ka chela athen arki hiqmiq changkhü na siti miikakoi kong gisii trang ikha thiihü bangbang kong.

JEPHANIA 3:3

Apaiq sengi aki miikiimbi ka, hangsikong ikha ahok aho watrangli. Aphowebi ka shekong aramtsi khumtlaq ikha, süramhea ngamrii ka, anap ranap miitu min tiichong mak she phaqtlo.

Mark 6:14

Kiimaq, Jesuq raq ümtinkhan wa jaqsham wantaq kra tsa ka, barap binrii niishe nyam wanto. Hokham we Herod riimin arthun tsütsa ka taito. Maiq wiijamti riika, “Apaiq ka Khamlamketi we Johan ira, ama wa powa nongto! Kriikha maq, apaiq raq atinkhan, awang chang jaqshamtlaq ara,” nguta riichongtlo.

John 10:32

Kiijiishe, “I We raq thaü tlaq krai mren, ngi raq namshiq makki na, ümtinkhan wa shamhea kaiwa awang chang shamkuq tiikang. Riita, arthun jaqsham kang arphong wa, ümriiti jaqsham na seng lanto, namshiq raq ngi ka long maq tiiq baiq chang nguta tankhan tlan?” nguta Jesuq raq tsangshiq ma waito.

John 19:30

Jesuq raq, kra che kra shup nyang raütiishe, “Ümchaü ka thumto she!” nguta bomto. Kra bomri lishe, apaiq raq akhu ka hiq nü na kusaq riito, kiimaq alang tiipitto.

Hebrews 2:10

Riita, arka riikhaqli dea. Shiikeawe ka nashiq Tiiqtiwe. Kiimaq phanrap rümtiwe. Apaiq raq Jesuq ka, chamchao walü mong maq chen wanto. Raüta apaiq puk na nyap wantibi maiqse pahea ma, tiichhii wan lam tanketi we miishe tiijato. Arka Shiikeawe raq, Jesuq pum lümaq, maiqse angu thun tarü ma, apaiq achhai anyii khushü rilung ngao kra, triishake wan miitu tiikuri kuqto. Ara jamkhano chongtiikai ngukla, Jesuq ka tsangshiq tiichhiiketi we miishe tiijato.

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

Hebrews 7:28

Mosheq lümaq akuq Thungtri riika, maiqse ka minhap kechu maiqse miika tiija lot mak. Riita, ningkun ka ajom li jiimin, tsangshiq raq ramwe jong bi ma maiqse ka shong chang thung she raa kito. Shatmiitiq, Thungtri ka kewan jai miishe, Shiikeawe raq sinkham maq ramram raüta, tongshong wantaq, kra thungtri riika, Ase, phanrap na minhap maq jaqsham keti we kriishe, pattup pat-sa ramwe jongwe miishe shongto.