Hosea 11:2 - ASII LAKDAP Bible (BSI)

² Shatmaq ngi raq tsangshiq ka itho na warong ra nguta, apa heawan wan riikang la, tsangshiq ka ngi tho wa alu na jajuhoho riito. Tsangshiq raq Baal sumla ma nyamse honglu takuq wanto. Raüta tsangshiq raq sumla phra thun ma, honglu ngamrea chaqkuq wanto.

Hawa Naga Bible 2001

² Yuq muinz piq kuex ngaz rueq gvl thvt yaq nuex, ngvy kox wawc piq kvroz kay wvnc mak shuex mak rvtueq. Ngvy miqsaz htenc rueq Bala muex shomc nawk wuez yaq; tsuingshiq yac yuimx htenc nuex vhomc phvnx jauk wuez yaq.

Hosea 11:2 Referencias Cruzadas

1 HOKHVMX 12:33

Krai mren, jipi lütiichat lüwa raroqshi ri rabiingi angu ranaiq na, apaiq raq kra ranaiq na klowan chang poi ashi tiihongthü wantaq kra phan phan, apaiq ka Bethel chela na kitlo. Raüta nyamse honglu thun ka kra berong-wacha kiijaq takuq wantlo. Kriika Israil mungti mungmaiqse miitu apaiq raq poi ashi phoq kuq wantaq kra lang wantlo.

1 HOKHVMX 18:19

Riita ümchaü min, Israilnok mungmaiqse tlotli ka ngi rai Karmel pum kiijaq riihumwa miitu aming kuqlaq. Laüta tsangshiq rai Baal shammibi 450 kriimin kiimaq Hokham-nyung Jejebel raq dung tlaq jechak phrakaü Ashera shomnoqti shammibi 400 kriimin adam na shea wan laq!”

NEHEMIA 9:30

Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.

ISAIA 65:7

Tsangshiq ngarai thun nai tsangtitiim ngarai thun kra miitu. Tsangshiq raq kin na thatsang berong chong thun na homseng honglu kuqto. Raüta Ngi ma ngengseng bombi kiqsü kuqto. Kriikha na Ngi raq tsangshiq ka man na ngarai ümchuwa tang wantaq kra phan phan mitiicham chaoha.”

JEREMIA 18:15

Kiikha taü maq isenginok raq ngi ka laqbaiqto; tsangshiq raq sumla phra kong ma homseng chaq raüta noqtlo. Tsangshiq khumchang lamphan tsin mak atiithap küraito; tsangshiq raq lamchu khiiphan thun ka khummak she tsaqkito. Tsangshiq ka miithii shonghü lamjiq nü na kihoto.

JEREMIA 44:5

Shatmaq namshiq raq ibom taiman riilan. Kiimaq brorii man riilan. Namshiq raq laihin phra thun ma honglu take ka kra thaq man phan riilan.

Hosea 11:7

Isenginok iwokhong wa dongho roli hongla wanto. Krai mren maiqtijong howanto. Raüta maiqdikong ma jawanto. Chamchao tsi maq hoqphaq wanto. Shatmaq ngi raq tsangshiq maaho tre mang.

Hosea 2:13

Kiimaq apaiq raq ngi laqbaiq raüta, Baal phra shomnoq wanto, kra miitu mitsa shaha. Lata mitiichamchaoha. Kiimaq apaiq raq achaq aseng laktum thun ka, lak raüta awesekong jaijo wantaq kra miitu, ngi raq apaiq ka mitiichamchaoha. Arka Tatiwe raq chongtlo.

Hosea 4:13

Tsangshiq raq ku akin thaq na, thatsang chang hiq ba kiijaq, honglu pahea kuq tlo, putsok chong, laqtsi chong, kiimaq manjong chong ji na, homseng honglu chaq raüta, noqkitlo! “Arkha na, namse jechaksetiim, mephe-nyungre ma jatlo, kiimaq nam-nam-nyungtiim sethoq sepii jakito.

Hosea 4:17

Ephraim ka sumla phra puk niishe shang wanto. Ahea bam-ümkiho laq, maiqmii raq thithi.

JEKERIA 1:4

Namtitiim pat na jamkho ngiimboq shatmaq siwantaq, kiikhii ka ümchaü naqsi rongkiq she. Man na rathup rapha pat achat niiphü, shammibi raq tsangshiq ma riisham bom maq, abi ashut ngarai rilung niili naqsi rongkiq she nguta chongkuq wanto. Shatmaq tsangshiq raq i bomchong ka taimak maq tlea raüta siwanto. Kiimaq ngi aming thun kiimin lang wan mak riito.

JEKERIA 7:11

“Shatmaq isenginok raq tsangni lanlaqlaq maq siwanto. Tsangshiq khutsai ka tlan phan baiqto.

Luke 13:34

“O, Jerusalem le, Jerusalem le! Ümniiraq shammibi thun ka pahea tsatbaiq laü. Shiikeawe raq ümphana tsütsa chong kai tsasoqti atiiki thun kra ümniiraq tsatbaiq laü! Ngi raq ümtinkhan wa, ümsengi thun kra wukaü raq asetiim wowan tlaq ikha, i wokhong na wowan pha nguta shiikut wan kang. Shatmaq, ümniiraq ngi ma tiiwo maü riilaü!

John 3:19

Shiikeawe raq mangjong maiqse shin chang kappe ka ara: Rawü ka mangjong hiq na saükito she. Shatmaq, mangjong maiqse raq ranyaq mong na si kli lungwiitlo. Kra jamto lungwiitla ngukla, tsangshiq ka ashut jaqshamti kha maq lungwiitlo.

Acts 7:51

Krai mren, Stephen raq tsangshiq ma, “Riita ara chongtiikai arai mren, namshiq tsantsii ka pinthum wanshakshak! Namtsantsii ka thatsang maiqse tsantsii ikha thü tlan. Shiikeawe bomchong ka tai man phan! Namtitiim pat na jamkhiiwa lanlaqlaq siwantaq, kiikha ümchaü namshiq min lanlaqlaq sitlan. Namshiq riimin Asii Wenyi bomchong ka khiilataq maq khü tlan!

PHOWEBI 10:6

Israilnok raq thongshi ri hali Tatiwe man na ngarai ka tangto. Tsangshiq raq Baal phra thun nai Astartes phra thun, kiimaq Siria mungti phra thun, Sidon wangti phra thun, Mob mungti phra thun, Ammon mungti phra thun, kiimaq Philistain mungti phra thun shomnoq nongto. Tsangshiq raq Tatiwe ka miimbaiqto, raüta apaiq ka shomnoq mak she riito.

PHOWEBI 2:13

Tsangshiq raq Tatiwe shomnoq ka athaq she riibaiqto. Raüta Baal phra thun puk niishe nyap wanto. Raüta Baal phra thun nai Ashtaroth phra thun kriishe shomnoq wanto.

PHOWEBI 3:7

Israilnok raq tsangshiq Tatiwe tsangshiq Shiikeawe ka laqbaiqto. Tsangshiq raq apaiq man na ngarai tangto. Raüta Baal sumla thun nai Ashera sumla thun ka shomnoqto.