Hosea 11:3 - ASII LAKDAP Bible (BSI)

³ Shatmaq ngi ka Israilnok tiijong luwanti. Ngi raq tsangshiq ka boq wan kang. Lata tiichhanchhi wan kang, Shatmaq tsangshiq raq sap mak.

Hawa Naga Bible 2001

³ Yuq muinz ngaz kuex Israel muex vkhuemc tvluingc kuy jix waz rvtauk. Ngvy yauk phumz maq ngvy miqsaz htenc kuex tenpix tauk, yuq muinz ngaz rueq tsuingshiq tvwungx vshaungx kuex tsuingshiq kvjungc wuez muq.

Hosea 11:3 Referencias Cruzadas

Tvtsvmc 107:20

Apaiq raq aming kuqto raüta tsangshiq thatsi tiiheato raüta tsangshiq lumkükiq wa tiijangto.

DUNGWVNC 15:26

Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”

DUNGWVNC 19:4

“Ngi, Tatiwe raq Ejip mungti ka jamkho riikang kra chhilan she. Kiimaq Ngi raq namshiq ka liiha kaü raq ase ka arakong thaq na tiinga raüta jamkho boq wantlaq ikha namshiq ka arjaq Ngi phaniishe sheawan kang.

DUNGWVNC 23:25

Kiimaq ümniiraq Ngi, Tatiwe, üm Shiikeawe ka shomnoq haüla, Ngi raq ümniika phaq nai sea chamtraq kiimaq khu akham chamtraq mishman kuqha. Kiimaq ümthatsi thun ka wiita alam mirbaiqha.

ISAIA 1:2

Tati raq nguto, “Ra nai hiq lei, Ngi raq jam lai wa chongtiikang kra taironglaq! Nosere Ngi raq atiijonglu wanha thun raq ikiq khiitlo. Raüta iwokhong wa donghotlo.

ISAIA 30:26

Jipi kaü ka rashe kaü kiitlaq ikha chaihea mili. Kiimaq rashekaü ka rahinjaq na litlaq kra thaq na jang miishe achan mili. Ranaiq miishi kiitlaq kriika ranaiqshi na rom raüjaq ümtinkhan wa kiijiiq kiitinkhan mikii. Arka Tatiwe raq asenginok dü na apaiq raq ümchuwa tiimitsi wantaq kra, ajop riikuq raüta ami thun ka tiiheakuqtlaq kiitiikaq miku wan.

ISAIA 46:3

“Ibom taironglaq, Jakob saüsetiim lei, Isenginok aso atiichongki thun lei. Ngi raq namshiq ka rawii chhiwanli miiphü tiichhanchhi wan kang.

ISAIA 63:9

Tsangshiq chamchao tlotli wa tiichhiito. Kriika rase raq riimak. Shatmaq Tatiwe apaiq raq tsangshiq ka tiichhiikuqto. Apaiq lungwii tsii maq kiimaq mangchan tsihea maq tsangshiq ka dokda wanto. Apaiq raq tsangshiq ka man na pat niiphü wranaiqshe khebom shat maq dunghiq wanto.

JEREMIA 30:17

Ngi raq namkhum ka atiihea mirkuq nongha, Ngi raq namkhum wa mopung thun kra atiihea mirha, namjaqtinok riikla, ‘Jajon ka miimbaiqto she; jurmin kriinyung shiiliti ka ahü she,’ nguta ngutlo. Arka Ngi, Tatiwe raq toqtan tiikang.”

JEREMIA 8:22

Gilead wang na tsiq ka ahü shea? Kiijaq tsiqtoqti phumshra ka ahü ahü shea? Ikhiijiika isenginok tsisi ka jamto tiiheakuq mak?

Hosea 14:4

Tatiwe raq ngutlo, “Isenginok iwura maq mitiihamha, Tsan nai mongjii kuq lata, tsangshiq milungwii nongha. Tsankhiq walü thumto she. Tsangshiq khu min liiqkang she.

Hosea 2:8

Apaiq ma tü atsam, che, olip petsi tai, kampho, kiimaq chaq thun ka, Ngi raq apaiq ma aphong kuqha nguta sapmak dea riito. Kriithun ka apaiq raq Baal shomnoq ma, tiisheshi baiqto.

Hosea 7:1

Tatiwe raq ngutlo, “Ngi raq isengi, Israilnok ka tiichhanchhi wanla, lata arong awinnok ma tiija wan la nguta, tiima wan kang la, tsangshiq ngarai phong kli chhiwan tiikang. Tsangshiq liipan na arot akiq, ahuk arot jaqsham kli chhi wan tiikang. Maiqjam mong na nyapwa raüta, ahuk jawan kli chhitiikang, chiiheawea na thiimeaq daku ja tlaq kli chhitiikang.

Hosea 7:15

Tsangshiq ka ngi raq ashunshea wanha. Lata atiichhanchhi wanha. Lata koilong koilanok ma tiija wan kang. Shatmaq tsangshiq ka, ngi rai wesang ralii jawanto.

Acts 13:18

Raüta, Shiikeawe raq tsangshiq ka kumtsaiphii maq nosere kong ikha rawii wiiroqblai dunghiq wan raüta tiijong lu wanto.

TRI CHONGKE 1:31

Kiimaq kumtsaiphii mung maq khat kuqtaq kiikha mikhat kuq. Apaiq raq namshiq ka lam wiilülü ana saüli khusang maq jamkho tsuq wantaq kra chhilan she kata. Awe raq ase ka raikhü na jamkho boq wantlaq ikha namshiq ka boq wanto.’

TRI CHONGKE 33:27

Shiikeawe ka wranaiqshe ümnaq tiiwongti; pattup pat-sa jaq phum maq ümnaq thü datlo. Apaiq raq ümjaqtinok ka ümniiraq hiq jiiwantlaü kra phan phan jobaiq wanto, kiimaq ümniima tsangshiq ka wiita jiipbaiqlaq nguta ümniima chongto.

TRI CHONGKE 8:2

Namshiq Tatiwe namshiq Shiikeawe raq namshiq ka kumtsaiphii bintang jüngi lam luhea maq ara rawii roqblai ka jamkho shun shea wantaq kra tsan na tiitsang shat thü ronglaq. Namshiq ma litkot chamchao tiisaü raüta namshiq ka maitai wanto. Kriika namshiq raq jamlai wa mitiimahan kiimaq apaiq aming thun kra namshiq raq milang han sha lang man wa riijiiq nguta tairai wanto.