Hosea 11:4 - ASII LAKDAP Bible (BSI)

⁴ Ngi raq tsangshiq ka, lungwiitsantsii tsihea maq, iwokhong na triitam wankang. Ngi raq tsangshiq ka jaq maq pomsaq dowan kang. Khuk na pomwan tlii pom wankang. Ngi raq tsangshiq boqpum wankang. Lata tiichhanchhi mum wan kang.

Hawa Naga Bible 2001

⁴ Ngaz rueq tsuingshiq kuex lungwawc thuinz maq tvlenc lauk tauk. Ngaz rueq tsuingshiq tvtenc vtueq ngvy kox nuex tvmuiz tauk; Ngaz rueq tsuingshiq htumc nuex bumx vtueq phuiuz svy kuq tauk.

Hosea 11:4 Referencias Cruzadas

2 SAMUEL 7:14

Ngi ka awe ma mijaha. Kiimaq apaiq ka ise ma mija. Ümtiikiiwa apaiq raq ashut klo jiiq, awe raq ase tiitsii tsat-son tlaq ikha mitsat sonha.

Tvtsvmc 105:40

Tsangshiq raq jaüto, kiimaq apaiq raq wupe tlongto; apaiq raq tsangshiq ma ra wa dungpin tiisatto tsangshiq wok phetak riito.

DUNGWVNC 16:32

Mosheq raq nguto, “Tatiwe raq nashiq ma aming kuqto, rawiichii pat na nasetiim ma tiichhike miitu manna wiijam ka aheawiq saiqsam ronglaq nguta aming tatto. Krai mren tsangshiq raq nashiq ka Tatiwe raq Ejip mung wa tsuq wantaq akhing na kumtsaiphii rumnyangkhi mung maq jamlai wa phaqsiq wan kai kra dung ka tsangshiq riimin michhi.”

ASHICHONG 1:4

Ngi shunshea laq wapha nanai bashi ra na, Nanai honhonli juho phiina. Ümniika ihokham jalaq. Nanai jam na shongnga wanpha. Rilung pattup chojong chise si ma. Nanai honhon tapmong nyang na, Lungwii spiqtai nyanglaita, Tapshok phataqtaq maq si ma. Junriire wiita raq ümnaq lungwii tlo ka awang chang riimak!

ISAIA 63:9

Tsangshiq chamchao tlotli wa tiichhiito. Kriika rase raq riimak. Shatmaq Tatiwe apaiq raq tsangshiq ka tiichhiikuqto. Apaiq lungwii tsii maq kiimaq mangchan tsihea maq tsangshiq ka dokda wanto. Apaiq raq tsangshiq ka man na pat niiphü wranaiqshe khebom shat maq dunghiq wanto.

Hosea 2:8

Apaiq ma tü atsam, che, olip petsi tai, kampho, kiimaq chaq thun ka, Ngi raq apaiq ma aphong kuqha nguta sapmak dea riito. Kriithun ka apaiq raq Baal shomnoq ma, tiisheshi baiqto.

LEWI 26:13

Ngi, Tatiwe, namshiq Shiikeawe raq namshiq ka Ejip mung wa shun shea wan kang. Kriika namshiq ka ümtiikiimin dikong ma jaki man chang miitu tsuq wan kang. Ngi raq namshiq khachang kharü ka chumbaiq wan kang. Lata Ngi raq namshiq ka wase miishe tiija wan kang. Krai mren namshiq ka namtok ra na dolan tiishe khumtlan.”

John 12:32

Ümtiikiiwa ngi ka ra na tsom wan jiiq, kiitiikaq ngi raq wiitarü ka ngi phana mitriitam wan ha.”

2 Corinthians 5:14

Naishiq ka Khristo lungwiitsii wokhong na siti. Riita ümchaü sanha, naishiq raq maiqse angu tarü miitu, maiq weshi tsaito nguta sap wan kaishe. Krai mren, apaiq tsaitaq kra rai maiqse angu wiita, apaiq rai chiimshi na tsai wanto nguta sap tiikai.

TRI CHONGKE 32:12

Tatiwe apaiq laq laq se riili asenginok ka shea wanto, pong mungti phra khrum jaü mak riito.

TRI CHONGKE 32:14

Tsangshiq minsaü kaü thun nai chhechhi kaü thun raq nyakpü chamtraq kuqto; tsangshiq skukong, chhechhi kong, kiimaq minsaü kong ka ahea pinthum riito, bunwong ka ahea pinthum, tsangshiq spiqtai ka ahea pinthum.