Luke 13:35 - ASII LAKDAP Bible (BSI)

³⁵ Riita, ümchaü sanha, namshiq Shomjam ka Shiikeawe raq, amiim she mirbaiq. Ngi raq chongtiikang arka tengteng. Namshiq raq, ‘Shiikeawe le, Tatiwe mang na juwa kitlaq, kriiwe kiidea shiiman laq,’ nguta ngu man wiiwii, namshiq raq i sham ka chhi she mirhan!”

Hawa Naga Bible 2001

³⁵ Kvkhoc rvtueq Mshomc Yuimx kuex Tishox rueq tuip gay shec rvhumc tuiux. Mnoz muex ngaz rueq jungx kuq ix, ‘Taungjix muingc maq httuiuc kay jix waz kuex thuinz mhvlx kueq:’ ngoz tueq ngoz muit wawwawx mnoz rueq ngaz kuex khiz muq shex rv-phux,” ngoz tueq jungx tueq.

Muklom

³⁵ Iri rangma nim Rangnuk him changpol angna. Nga nim ma asing batphang, ‘Teyhungwa miing o bara thu aa shima Shkewa sunmaan kot na’ ta baluk nángduk nim aa batmin ang nin ethi nángduk nim aa nga kapkhi phamin ang phanin!”

Luke 13:35 Referencias Cruzadas

Tvtsvmc 118:26

Shiikeawe raq juwa Tati mang na watlaq kra mishman kuqlaq! Tati Shomjam maq naishiq raq ümniima ramkuqtiikai.

Tvtsvmc 69:25

Tsangshiq piitiip ka hiqmiq changkhü ma tiija baiqlaq; tsangshiq tombu tiip thun na jumin atra tiichongmak mirlaq.

ISAIA 52:7

Pinthum thuktsomhea miraq pumkaü ji maq tsasoqtiwe kairai liisea ka, tsütsa ahea soho raüta, khusang rakhang tsütsa! Apaiq raq rekhat tang wan tsütsa tiitaitlo, raüta Jajon ma ngutlo, “Üm Shiikeawe ka hokham!”

JEREMIA 22:5

Shatmaq namshiq raq ngi aming thun ara lang man riihan jiila, ngi raq atiitum lata namshiq ma chongtiikang, ara hokham jam kaü arka wiita athen she mirwan. Arka Ngi, Tatiwe raq toqtan tiikang.

JEREMIA 35:17

Riita arningkhan, ümchaü min, Ngi, Tati Ningkun Ajongwe raq, Israilnok Shiikeawe raq, namshiq Juda mungti nai Jerusalemti khuthaq na, Ngi raq mitiithenbaiqha nguta ikiqkham kang thun thenjen wan kriishe mitiisaüha. Ngi raq namshiq khuthaq na arthun tiisaü wan tiikang jamkhano ngukla, ümtiikiiwa Ngi raq namshiq ma ümtin khan wa chongkuq wan kang kra, namshiq raq taiman riilan, kiimaq Ngi raq namshiq heawan phata, namshiq raq ibom tre man riilan.”

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

JEKERIA 14:2

Tatiwe raq mangjong hiq na siti maiq mung thun ka Jerusalem khatkai miitu adam na misheaho. Raüta rechap ka misürii wan. Jerusalem ka re raq khat raüta mitang wan. Nokmaiqse jam awak thun ka wiita mirut wan. Jechakre ka re raq mihaihiibaiq. Kra chelati khoko ka pongmung niishe munglu shumwi ma mitsuq wan. Shatmaq kiiwa abung akhii tiichong tlaq thun ka munglu shumwi miika tsuq wan mak miraq.

Matthew 21:9

Jesuq khaki na nai apaiq jai na mungmaiqse watlaq thun kra raq, “Dawit Se kli tiitsam ronglaq! Shiikeawe le, Tatiwe mang na juwa kitlaq kiima achu shiiman kuqlaq! Shiikeawe li tiitsam ronglaq!” nguta rü riiq trang wanto.

Matthew 23:37

“O Jerusalem, o Jerusalem! Ümniiraq shammibi thun ka tsatbaiq wan laü. Kiimaq Shiikeawe kiimwebi thun ümniiphana atiiki thun ka long maq tiiqbaiq wan laü! Ngi raq ümse ümno thun ka ümtinkhan wa i wokhong na, wukaü raq asetiim ka wowan tlaq ikha wowan hajaq nguta tsinngin wan kang. Shatmaq ümniiraq ümsetiim ka ngi ma tiiwo wan maü riilaü!

Luke 19:41

Apaiq ka Jerusalem chela tho niishe saühoto. Kiimaq apaiq raq chela ka lii raüta, akha nguta

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

John 12:13

Krai mren, mungmaiqse raq taitsi hii ka maiqmii jaq na doraq maq, Jesuq taokai nguta, chii phai niishe arü ariiq wa trang liishe, kongta hushhu maq kihoto. Raüta, tsangshiq raq apaiq ka tao wanto. Tsangshiq raq apaiq tao wan lam maq, “Shiikeawe ka shreng rong i! Shiikeawe lei, ümmang na juwa kitlaq, kriiwe ka shiiman kuq laq! Shiikeawe lei, Israilnok Hokham we ka shiiman kuq laq!” nguta arü ariiq watrang liishe apaiq ka tao wanto.