Biblia Todo Logo
La Biblia Online
- Anuncios -




AJONJÜ 4:13 - ASII LAKDAP Bible (BSI)

13 Kriika shammibi ngarai nai ramwebi shut kha maq thento. Tsangshiq raq sephii nojii maiqheati, tiijai raübaiqto. Kriikha na thento.

Ver Capítulo Copiar

Hawa Naga Bible 2001

13 Yuq muinz kvkhoc httuiuc wvnc tueq kuex yaungx wvnc tueq shex, yvmx rvtueq lac ngoz ruiux lec, kvruex ghaqyungx wawc shvmmax bix nuiyc shomc waz bix mvrax yaq vtueq mvrax vguez jix htenc thueyc tueq ningkhvnc nuex rvtueq.

Ver Capítulo Copiar




AJONJÜ 4:13
18 Referencias Cruzadas  

Shatmaq Tatiwe raq treto, “Shammibi raq imang shaphaq raüta arot chongtlo. Ngi raq tsangshiq ka thaü mangdea. Kiimaq ngi raq tsangshiq ma aming min kuqmang dea. Kiimaq tsangshiq ma bom tsishi min chongkuq mang dea. Tsangshiq raq riisham makchhi chongtlaq thun ka ngi raq atiichhikuqha riimak. Tsangshiq raq tiithaitlaq riisham bom ka tsangshiq maiqmii khutsai maq adong bomtsi chongtlo.


Ajong Pinthum Tatiwe raq ngutlo, “Israil lei, rathup niiphü ümniiraq ngi arang ka no na tsuqbaiqlaü; ümniiraq ibom taimaü riilaü, Ngi shomnoq maü riilaü. Kin diilu aweatek na kiimaq pejaq nüm chong aweatek chongji na ümniiraq ase keti phra thun noq laü.


Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.


Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”


Maiq ajong aran wiita pili raq, kampho ka arot akiq lamlu kiiwa lapwan kli shiichaq wantlo. Shammibi nai ramwebi raq dongdii min mungmaiqse ka laoliitlo.


Ümshammibi raq ümniima, hon atsii chongke chang min ahü. Tsangshiq raq arot akiq li chongtlo. Tsangshiq traho bomtsi chong ka atuli, ümniili laoliitlo. Tsangshiq raq ümngarai ka khot chongmak dea, kriikha ümniiraq mra tiidii chang ahü riito.


Namshiq raq maiq chela mong na pahea tsatbaiq lan. Ara chiiheawea lam thun ka maiq maa phong riili she mawanto.


Mungtubi ka hangsikong raq ngam kaq raüta ngam riichhin phaqtlaq ikha ahok aho riitlo. Tsangshiq raq mung maiqse ka tsat baiqtlo. Raüta tsangshiq kampho kra nai tsangshiq tachong hupsam thun ka alaplap nyeahotlo. Kiimaq tsangshiq raq maiq tsatbaiqtaq raüta jechakre pahea manti nyungre ma tiijabaiqtlo.


Riita ija, kra tiichong rai tlan kriili she, namshiq ka shosaü lumse phan wiidea, nguta maiqmii ngam kra tiishaphaq tiichong rai tlan!


Riita, namtitiim raq, shammibi ka wiitarü tiichamchao wan je siisaq riito. Shiikeawe raq apaiq kechu Kolise tiikitlaq kra tsütsa chongke miitu, man na rathup rapha ji niiphü, apaiq tsütsa chongke wanti shammibi ümchuwa tiikitaq thun kriika, tsangshiq raq wiita tsatbaiq wanto. Krai mren, ümchaü namshiq riimin, apaiq luqkhapse ka tiishaü baiq lan. Lanta, apaiq ka tsatbaiq lan.


Síguenos en:

Anuncios


Anuncios


¡Síguenos en WhatsApp! Síguenos