Acts 7:52 - ASII LAKDAP Bible (BSI)

⁵² Riita, namtitiim raq, shammibi ka wiitarü tiichamchao wan je siisaq riito. Shiikeawe raq apaiq kechu Kolise tiikitlaq kra tsütsa chongke miitu, man na rathup rapha ji niiphü, apaiq tsütsa chongke wanti shammibi ümchuwa tiikitaq thun kriika, tsangshiq raq wiita tsatbaiq wanto. Krai mren, ümchaü namshiq riimin, apaiq luqkhapse ka tiishaü baiq lan. Lanta, apaiq ka tsatbaiq lan.

Hawa Naga Bible 2001

⁵² Nuimshiq jix vwaz tamx rueq tvkuilc daz guirguenz muq shvmmax kuex ukhaq lac httax yaq nguinx? Tsuingshiq rueq Tishox vpiq tsuingrux Nvrc waz httuiuc kaz tuex lvmz kuex tvluz nuex jungphvnc kuy jix shvmmax bix muinz thvt gay tueq. Majuiuc nuimshiq rueq muinz vpiq kuex lekuq gay ruiux thvt gay tuit.

Muklom

⁵² Rangsamal tang wang utang sha nim tey aa wa tahikham moq angta i? Etho ning aa Shkewa thoksil tattey tang sha tatik chak ta, barey piq asing sanga thok tung aa raaq batta. Nim aa iri asing sanga tha thalo tin etho tatik chak tin.

Acts 7:52 Referencias Cruzadas

1 HOKHVMX 19:10

Kiijiishe apaiq raq treto, “Tatiwe Ajong Pinthum Shiikeawe lei, ngi raq irilung wiilü ümniili shiililii wan kang, ümniili dongdii shomnoq wan kang. Shatmaq Israilnok raq ümniirai tongshong bomtsi athü wan ka wiita she jinbaiq wanto. Raüta ümnaq shomnoq chang berong-wacha thun wiita runbaiqto. Raüta ümshammibi thun min wiitashe tsatbaiqto. Ngi lamlam se li she tiichong tiikang. Kiimaq tsangshiq raq ngi tseabaiq tantlo!”

1 HOKHVMX 19:14

Kiijiishe apaiq raq treto, “Tatiwe Ajong Pinthum Shiikeawe lei, ngi raq irilung wiilü ümniili shiili wan kang ümniili dongdii shomnoq wan kang. Shatmaq Israilnok raq ümniirai tongshong bomtsi athü wan ka wiita she jinbaiq wanto. Raüta ümnaq shomnoq chang berong-wacha thun wiita runbaiqto. Raüta ümshammibi thun min wiitashe tsatbaiqto. Ngi lamlam se li she tiichong tiikang. Kiimaq tsangshiq raq ngi tseabaiq tantlo!”

2 KAÜWA WERAÜ 36:15

Tatiwe, tsangtitiim Shiikeawe raq shammibi thun tiiki raüta mungmaiqse ma hon atsii ka tiichong kuq ruq chongkuq wanto. Jamkhano ngukla apaiq raq tsangshiq nai Shomjam kra tiiwongke wanro riito.

2 KAÜWA WERAÜ 36:16

Shatmaq tsangshiq raq Shiikeawe jaqshibi thun ka shummii laqpiili shipoq baiq wanto. Raüta apaiq bomtsi kra shishe wanto. Kiimaq apaiq shammibi ka naikü sherü li shipoq baiq wanto. Kra ningkhan she atiithum niishe sanha asenginok khuthaq na Tatiwe tsankhiq ka henghea she, tsangshiq lun wan chang lamlu ka ahü she riito.

NEHEMIA 9:26

“Shatmaq ümsenginok raq, maiqmii wela jawanto, ümbom taimak, ümkiq akhii riiwanto. Tsangshiq ma akuq haü, Thungtri ka jainong nü maq shungbaiq wanto. Tsangshiq ma tsii chongke wanti, shammibi ka atsea riibaiqto. Ümniipha na jang wan ronglaq nguta, bom chongke wanti shammibi wiita, tsatbaiq wanto. Tsangshiq raq ümniika bliiq kiki, shummii shipoq wanto.

JEREMIA 2:30

Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.

JEREMIA 20:2

apaiq raq ngi ka atea ronglaq nguta aming kuqto. Raüta ngi ka jinraü kharü maq khato. Raüta Shomjam na wachang lamthaq niiti Benjamin Kilamchong kiijaq banto.

JEREMIA 26:15

Shatmaq namshiq raq ara bomtsi arka tsan na riikhaqli thü ronglaq: Namshiq raq ngi tsatbaiq han jiila, namshiq ajong alabi nai mungmaiqse ara chelati ka maiqse ashi khahü na tseabaiq wan kha na ngarai khabu she mihohan. Jamkhano ngukla, Tatiwe raq ngi ka namshiq ma ara honlam bomtsi ara chongkekai tiikito.”

JEREMIA 26:23

Tsangshiq raq apaiq ka lap wan raüta Hokhamwe Jehoiakim phana shea wanto. Raüta Hokhamwe raq apaiq ka tiitsat baiqto. Kiimaq amaa ka mungmaiqse maalap chiim kiijaq dobaiqto.)

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

Matthew 5:12

Namshiq ka khoqriiq shishiiq miili sironglaq. Jamkhano ngukla namshiq miitu ramungtan na poksi jonghea thütlo. Namshiq ma kongkhu pat wa shammibi min la akhiisii dea tiichamchao wanto.”

Luke 6:23

Kra akhing ka saüwa raüla, namshiq ka chochikhiq maq, wiinum shewa li she rong laq! Ara jamkhano chongtiikai ngukla, namshiq miitu Shiikeawe raq mungtan na poksi jonghea tiije thüli tlo. Arka ümchaütiq riimak tiina. Tsangtitiim riimin la, shammibi ka akhiisii tiichamchao wanto.

John 16:10

Tsangshiq raq kechu rilung nai tingting jaqsham ka sapmak, ajiq tiimatlo. Ara jamkhano chongtiikang ngukla, ngi ka i We phaniishe wawan nong tiikang. Kiimaq, namshiq raq ngi ka chhi man she mirhan.

Acts 2:23

Arka Shiikeawe apaiq raq kongkhu miiphü tiihong wanje she dongdii. Apaiq raq tiihong wantaq kra phanphan, Jesuq ka namshiq jaqkhon mong na tiishaü kuqto. Kiimaq, namshiq riishe, apaiq ka ngarai maiqsetiim ma kiinong kuq lantiishe, pumsongkham na tiitü baiq lanta tiitsat baiq lan.

Acts 22:14

Kiijiishe, Ananias raq ngi ma bom ka akha chongto, ‘Natitiim Shiikeawe raq ümniika apaiq tiima tsantsii kra khon wan miitu tsea wanto. Kiimaq apaiq Tingting dise krai sham riichhi miitu, kiimaq apaiq raq ümniima pumsii maq, bom chongkuq tlaq kra taiwan miitu she tsea wanto.

Acts 3:18

Arka, Shiikeawe raq rathup rapha niiphü dongdii, apaiq shammibi tarü nübok maq, apaiq Khristo ngutlaq kriika, pinthum chamchao raütiitiq tsai chang dongdii miraq, nguta tiithai chong jeshe dongdii. Krai mren, Shiikeawe raq shammibi lümaq tiithai chongkuqtaq kra phan phan she dea, ara mra ka pin wanto.

Acts 3:24

Kiimaq, Shiikeawe raq atiichong tsütsa chongketi shammibi thun wiitarü raq, Shammi we Samuel pat maq pha raüta, apaiq jai na shammibi ümchuwa dong wantaq kriiti thun wiita raq, ara ümchaü bala jamlai phan mra wa pinrai wantaq, arthun arka, mihong wan dongdii nguta chongke wanje she dongdii riito.

Acts 4:10

Riita, ümchaü min namshiq tarü raq, Israilnok mungmaiqse tarü raq, ara bomtsi ara tiitsangdada sap ronglaq. Arwe arka thawe kharü mong wa, ümchaü phintsaqtsaq she, arot la arot she heakito. Raüta, ümchaü namshiq tarü makki na, phintsaqtsaq hea she chap raü chhi tlan. Ara heakitaq arka, namshiq raq atsatbaiq han, Najareth hiqti we Jesuq Khristo mang na ningkun asi; kriiwe ningkun maq heakito. Jesuq ka namshiq raq pumsongkham na tübaiq lanta tsatbaiq lan. Shatmaq, Shiikeawe raq apaiq ka amaa wiishe tiidong wanto.

1 Thessalonians 2:15

Tsangshiq ka Jesuq Khristo tsea baiqti. Kiimaq Shiikeawe shammibi thun kra tseabaiqti. Kiimaq tsangshiq riisü hali, naishiq thun armin ümtinkhan wa tiichamchaoto. Tsangshiq raq Shiikeawe maklii na abi pinthum klo tlo! Tsangshiq ka wiitarü ma wesang ralii sitlo!

2 Timothy 3:4

Tsangshiq ka joksaü liiqse miraq. Akhü thot hü ngi lepong we pherai tlaq ikha, maiq raq peng chang riimak miraq. Kiimaq tsangshiq ka tsangkhü tiingaraq maq siwan tili she miraq. Tsangshiq ka han-ngam peo lam ritti li she miraq. Shiikeawe ka rit mak she miraq.

1 Peter 1:11

Tsangshiq riika ara kupi wan akhing ranaiq ka ümtincho wa miraq, kiimaq arka jamkhiiwa miku pi wan, kriithun ka wiita sap lot haijaq nguta shiichaq sidi wanto. Khristo Wenyi tsangshiq shammibi khum na tiipum raüta phanchan kuq wantaq ka, ara chongtiikai ümchaü kupi wantaq akhing ranaiq arshe riito. Kra tiithai kuqtaq bomtsi ka, Khristo ka pinthum chamchao riihum wan chang miraq nguta chongto. Kra chamchao walü lea wan lot raütiitiq, apaiq achai anyii khushü ka jonghea mijong wan nguta chongthüto.

1 John 2:1

I setiim lei, ngi raq ara namshiq ma waiq tiikang. Arka namshiq ngarai na dea man chang miitu waiq tiikang. Shatmaq ashi ra ka ngarai na chhan wa raüla, nashiq kha phoketi we weshi asi. Nashiq kha phoketi we ka tingting phowe Jesuq Khristo, Awe Shiikeawe man na nga raüta nashiq kha phokuq tlo.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.

Revelation 3:7

“Philadalphia na phungtu sitlaq kra liiti rase ma ara waiq laq: “Ara tsütsa arka Asii kiimaq tingting sitiwe raq atiiwan. Apaiq jaq na Dawit sapitu ka asi. Krai mren ümtiikiiwa apaiq raq kilü ashi ka ditlaq, kriika jurmin shaqlot mak she, kiimaq ümtiikiiwa apaiq raq kra ashaq riitlaq, kriika jurmin dilot mak she.