Acts 7:51 - ASII LAKDAP Bible (BSI)

⁵¹ Krai mren, Stephen raq tsangshiq ma, “Riita ara chongtiikai arai mren, namshiq tsantsii ka pinthum wanshakshak! Namtsantsii ka thatsang maiqse tsantsii ikha thü tlan. Shiikeawe bomchong ka tai man phan! Namtitiim pat na jamkhiiwa lanlaqlaq siwantaq, kiikha ümchaü namshiq min lanlaqlaq sitlan. Namshiq riimin Asii Wenyi bomchong ka khiilataq maq khü tlan!

Hawa Naga Bible 2001

⁵¹ “Kvtanc khvnc nuimkhux tsanz yaq nyix! Tishox bomjungc kuex tay wvnc tvkoc nuimshiq thuinz vmungx kuex kvtanc khvnc httvl yaq ix! Nuimshiq kuex nuimshiq jix vwaz tamx rueq shuimx wvnc tueq ikhoc Vsawc Siyac kuex nuimshiq rueq mkaq muinz wvlc guez muex tvyaungc vshuinx nyix!

Muklom

⁵¹ “Nim tinchet miqtang! Nim tin kaley wey min etho nim naq eq tat min! Nim aa nim tey aa wa tang mal Asang Tsija sha miiksuk inn.

Acts 7:51 Referencias Cruzadas

2 HOKHVMX 17:14

Shatmaq tsangshiq raq taimak tlea wanto; tsangshiq ka tsangtitiim kiikha nilan, wan shakshak, tsangshiq raq Tatiwe tsangshiq Shiikeawe ma kammak riito.

2 KAÜWA WERAÜ 30:8

Tsangshiq ka nilan wanshak shak siwataq kiikhiika naqsi rongkiq she. Shatmaq Tatiwe aming kra lang lantea awokhong niishe sirong laq. Jerusalem Shomjam na warong ra. Arka namshiq Tatiwe, Shiikeawe raq pattup pat-sa miitu tiisii wanto. Lantea apaiq ka shomnoq wa rongkiq. Kra raüla apaiq ka namshiq ma khiq mak she miraq.

NEHEMIA 9:16

Shatmaq naititiim ka ashkong she riiwanto. Kiimaq nilan miishe jawanto. Kiimaq ümniiraq aming akuq haü, lang wan mak she riito.

NEHEMIA 9:30

Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.

Tvtsvmc 75:5

ngi raq tsangshiq ma maiqmii tiitsakisea kra atsaq she ronglaq nguta chongkang.”

Tvtsvmc 78:8

Tsangshiq ka tsangtitiim kiikha riimak mirlaq, Tsangtitiim pat ka kiqkhii sruwali kiimaq nilan, tsangshiq raq Shiikeawe ma kamtsii ka ümtiikiimin pharangrang maq thümak kiimaq tsangshiq ka apaiq wokhong na tsapkapkap simak riito.

DUNGWVNC 32:9

Ngi raq asapha arnok arka wanshakshak nilan pinthumnok.

DUNGWVNC 33:3

Namshiq ka hiqpo hiq win mung niishe wawantlan. Shatmaq Ngi ka namshiq rai adam niika wadam mang she. Jamkhano ngukla namshiq ka nilan wanshak shaknok. Kra ningkhan Ngi raq namshiq ka lam niili motiithen baiq riijiiq.”

DUNGWVNC 33:5

Jamkhano ngukla Tatiwe raq Mosheq ma tsangshiq ma akha chongkuqlaq nguta aming kuqto, “Namshiq ka nilan wanshak shaknok. Ngi ka namshiq rai heashiseli wadamha jiimin, Ngi raq namshiq ka tiisiirai mitiithum baiqha. Ümchaü min, namshiq chaq nai kampho laktum thun kra chhut baiq ronglaq. Kiimaq Ngi raq namshiq rai jamkha sichang wa ka Ngi tiq mithiha.”

DUNGWVNC 34:9

Apaiq raq nguto, “Tatiwe, ümniika ngohea shaq shaq ngi ma khoqriiq tlaü jiila, ngi raq ümniika naishiq rai adam na wa i nguta tiipaiqnea tiikang. Arnok arka nilan wanshak shak nok. Shatmaq naishiq abi kiimung nai ngarai ka adii riikuqlaq. Kiimaq naishiq ka ümsenginok shaq ma rümshat riilaq.”

ISAIA 48:4

Ngi raq asapha namshiq ka nilannok ma mijahan nguta, jinbu jamkho tsintlaq ikha tsin dang dang, kiimaq miiki ngam ikha atiiq ma tsinhea.

ISAIA 63:10

Shatmaq tsangshiq raq apaiq kiq khii raüta awokhong wa donghoto. Raüta apaiq asii wenyi tsan ka tiikhiqto. Kra ningkhan she Tatiwe ka tsangshiq ma wesang ralii she jato. Kra ningkhan tsangshiq ka khatto.

JEREMIA 17:23

Tsangtitiim raq ibom taimak riito. Kiimaq tsantsii kuq mak riito. Ibom taiwan rii na, tsangshiq ka nilan kong ma jawanto. Kiimaq ngi raq ashrinkuqha ka tlang wan mak riito.

JEREMIA 4:4

Namshiq raq tongshong raükha ka ngi raili, Ngi namshiq Tatiwe raili thü ronglaq. Lanta namshiq Juda mungti nai Jerusalemti raq, namshiq khum asai kiimaq tiima tsantsii ka wiita ngi ma kiinong kuq lantli sironglaq. Kiimaq namshiq raq ara chongtiikang kra shamwan man riihanla, namshiq raq ngarai pahea klowan lan kriikha na, itsankhiq walü ka namshiq khuthaq na milü. Kriika mikhiim wan dongdii. Kra wa kriishe liiwan raüla, kra tiimatketi maiq ka jumin ahü she miraq.”

JEREMIA 6:10

Ngi raq akha trekang, “Ngi raq tsangshiq ma honlam tsii chongkuqha jiika ibom ka juro mitai? Tsangshiq ka nilan krai mren ümtsütsa ka chongkuqki raümin taimak angiimli riitlo. Ümniiraq ngi ma jamlai bom wa tiichongki tlaü, kra chongki kangla, tsangshiq raq ngi ka anaiküli riitlo.

EJEKIEL 2:4

Tsangshiq ka nilannok. Tsangshiq raq Ngi ka shreng mak. Arningkhan Ngi raq ümniika tsangshiq phana tiiwa tiikang lata, Ngi, Tati Rakaü Hiqwe raq ngutiikang ara chongkuq kikiq.

EJEKIEL 44:7

Tsangshiq raq pong mungti atho hanhütibi kiimaq Ngi aming lang makti maiq phan ka, Shomjam na Ngi ma nyamse honglu na ataakuq ngampü nai ngam tiijai kuqtlaq akhing na Shomjam mong na tiiwa damtlo. Raüta wiita tiishe baiqto. Raüta isenginok raq Ngi raq tongshong raütu akhakuqha kra akha maiqphai asi jaqsham raüta tri raütu ka jin wanto.

EJEKIEL 44:9

“Ngi, Tati Rakaü Hiqwe raq, tantan maq ngutiikang, maiq juwa atho hanhüti pongmungti, jurwa Ngi aming lang makti, ka i Shomjam na tiiwa mang she. Pongmungti Israilnok rai siti kra dongdii min tiiwa maimak.”

LEWI 26:41

Tsangshiq raq Ngi ka wesang ralii ma tiija wanto. Kriikha na Ngi raq tsangshiq ka tsang jatinok mung na rewa munglu wanshawe ma tiija baiq wan kang. Atiisup niishe, ümtiikiiwa namsaü namsetiim pat na tsangshiq ka aran miishe jaraüta kiimaq tsangshiq ngarai kha nai tsangshiq raq ikiq khii wantaq kha ka thamkuq lottoshe angu niitiq,

WEAWEA 27:14

Jamkhano ngukla namnai wiita raq Jin bintang jüngi wang maq, ikiq khii wan lan. Israilnok mung kunli raq Meriba hiq maq Ngi ma bom nam bot nyan wantaq akhing na, ümniiraq asii iningkun ka tsangshiq makki na shreng maü riilaü.” (Meriba ka khamphok raise Jin bintang jüngi wang na Kadesh hiq na riito.)

Acts 6:10

Shatmaq, Asii Wenyi raq Stephen ma taksu phaqchi ka aheng keje kha maq, apaiq bomchong ka tsangshiq raq poshi min khiilot mak riito.

Acts 7:27

Shatmaq juwa ajiq we kriiraq Mosheq ka siimko nü na liiqbaiq saq riito. Raüta, ‘Ümniika naishiq khuthaq na wela ma nai phowe ma juro shongta?

Acts 7:35

“Israilnok raq Mosheq ka, ‘Ümniika naishiq thaq na wela ma nai phowe ma juro shongta?’ nguta shipoqto. Shatmaq, Shiikeawe raq Mosheq ka tsangshiq nok rüm wan miitu wela ma, kiimaq tsangshiq ka kharü mong wa daa wan miitu, srea we ma ashong wan. Kra jaqsham ajong kriika Mosheq ma rumtam mong na walü ma jaraüta rase kitaq kra jaqkhong maq midaa wan nguta chongkuqto.

Acts 7:39

“Kiitin khan taü maq dongdii min, natitiim raq Mosheq raq achongkuq tsütsa bomtsi ka lang mak shiipheng baiqto. Tsangshiq raq apaiq bom chong ka no na tsuqbaiq raüta, tsangshiq tsan ka Ejip mung na jangkai nong roli siwanto.

Acts 7:9

“Jakob setiim raq, tsangno Joseph ka kai shuliito. Kriikha maq, aphutiim raq tsangno ka maiq ma shaphaqto. Maiq riishe hali, apaiq ka Ejip mung na, maiqdi ma shaphaq baiq nongto. Shatmaq, Shiikeawe ka apaiq rai asi riito.

Romans 2:25

Namshiq raq Thungtri ka riikhaqli maq lang lanta sitlan jiika, namshiq raq athohan tlan kiimin athii ka asi miraq. Shatmaq, Thungtri ka jin tlan jiila, namshiq raq athohan tlan kiimin, namshiq ka athohan hü maiq ikhli mijaki han.

Ephesians 4:30

Maiq ma bom abi bom lanta, Asii Wenyi tsan naq tiibi rongkiq. Asii Wenyi namkhum na sitlaq kriika, namkhum ka Shiikeawe riishe nguta, Shiikeawe raq jaqkhaq raü atiipakuq. Arka Ranaiqshi Akhing na, Shiikeawe raq namshiq ka mitiichhii kuq dea nguta, Shiikeawe raq miithii ashong kuq wan.

TRI CHONGKE 10:16

Arningkhan, ümchaü armiiphat sanha, namshiq ka Tatiwe wokhong na phaq chii nichii maq apaiq bom tai lanta shong nga ronglaq. Kiimaq nilan miika naqja rongkiq she.

TRI CHONGKE 30:6

Tatiwe üm Shiikeawe raq ümniima kiimaq ümsaü ümsetiim ma phaqchii nichii tsantsii mikuq. Krai mren, ümniiraq apaiq ka ümtsan ümmong jii wiita kuq laüta milungwii haü, kiimaq ümniika rilung alu maq kra mung na shong nga wan ruq mirhaü.

TRI CHONGKE 31:27

Ngi raq asapha tsangshiq ka nilan wanshak shak kiimaq Tatiwe kiq khii srutinok. Tsangshiq ka iri lung na Tatiwe kiq khii wanti. Kiimaq ngi ahü jijai niika tsangshiq raq Tatiwe kiq khii ka sruhea she miheng wan.

TRI CHONGKE 9:13

“Kiimaq Tatiwe raq ngi ma akhmin nguto, ‘Ngi raq asapha. Arnok ka nilan wanshak shaknok.

TRI CHONGKE 9:6

Ümtsan na tiitsang dada thülaq, Tatiwe raq ümniima ara hiqpo hiq win mung kuq wantlaq arka ümniika maiqshaq we ümniiraq lap wan thek raüta kewan ka riimak. Riimak. Kriika riimak. Ümniika ka nilan pinthum.

Philippians 3:3

Nashiq ahata, riikhaqli maq athohan tri langti. Tsangshiq ka riimak. Nashiq riika, Asii Wenyi lümaq Shiikeawe shomnoq wantiikai. Kiimaq Jesuq Khristo wokhong na si laita, kai chochi tiikai. Nashiq riika rakhütsi ri thunglai lang tri poi kriimiika kam mai.

Colossians 2:11

Jesuq Khristo rai pumshi hanshi she sitlan kra lümaq, namshiq khum na athohan ka hantoshe. Kriika han-ngam athohan thungtri maq ahan wan ka riimak. Shatmaq, Khristo raq namshiq khum na atho hankuqto she. Krai mren namshiq ka maiqmii pumdong han-ngam ngarai ramho kharü mong wa adaa wankun she.