Luke 15:28 - ASII LAKDAP Bible (BSI)

²⁸ “Kra tai raütiishe, aphu we ka kai atsan khiqto. Kriikha maq, apaiq ka jam niimin düwa mak she tiingan kito. Kra chhi raütiishe, awe ka kinphai na dongki raütiishe, ase ka tlin heakito.

Hawa Naga Bible 2001

²⁸ “Kvruex tay vtueq piq thuinkhvy thuiuz muex yuimx nuex nyuip waung muq; rvkoq tueq vwaz dung kaz vtueq, vsaz pekhux waz kuex tvlenc kaz tueq.

Muklom

²⁸ Usa phokho wa tha rapney sey khat eq himmong náng tho wangmoq angta; req uwa aa raan náng ka eq piq thima himmong náng wang thima thalimkum bat kata.

Luke 15:28 Referencias Cruzadas

ISAIA 65:5

Kra raütiishe tsangshiq raq nanok ma akha ngutlo, ‘Namshiq ka naishiq tho wa alu na ngarong laq. Naishiq ka pinthum asii maiqsetiim. Namshiq raq naishiq khum na jaq maq sham maimak!’ Ngi raq akhnok maiqsetiim ka liilot mang. Tsangshiq khuthaq na itsankhiq ka walütu nyaitlaq ikha nyaitlo. Kriika ümtiikiimin matki mak phan.

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

JEREMIA 35:16

Jonadab saüse phan raq tsangti aming bomchong ka tsapkapkap maq lang raüta shongnga wanto. Shatmaq namshiqnok riika ibom chong ka tai man tlea wan lan.

Jona 4:9

Shatmaq Shiikeawe raq, “Riita, ümniika jamlai chhi laüto wuqphum chong kra miitu khiq rai tlaü?” nguta Jona ma waito. Kiijiishe, Jona raq, “Ngi ka akhiq chang lam mra asi kha na khiq tiikang. Tsankhiq hea atsai wan klishe rotiikang!” nguta Jona raq Shiikeawe bom treto.

Matthew 20:11

Tsangshiq raq wakchongti we jaq wa tsangshiq jaq maq kra jaülot raütiishe, waktati we kra chongsea she, akha ngutiishe botnyan trangto.

Mark 1:40

Maiq weshi ka ashong thatsi riito. Apaiq ka Jesuq phana kito. Raüta, kaütsrong na ngasaq raüta, “Ümniiraq mangchan haü jiila, i khum ara mitiisii kuq lot haü,” nguta tiipaiqneato.

Luke 13:34

“O, Jerusalem le, Jerusalem le! Ümniiraq shammibi thun ka pahea tsatbaiq laü. Shiikeawe raq ümphana tsütsa chong kai tsasoqti atiiki thun kra ümniiraq tsatbaiq laü! Ngi raq ümtinkhan wa, ümsengi thun kra wukaü raq asetiim wowan tlaq ikha, i wokhong na wowan pha nguta shiikut wan kang. Shatmaq, ümniiraq ngi ma tiiwo maü riilaü!

Luke 15:2

Kra chhi raüta, Phorisinok nai Thungtri shrinketibi raq, “Arwe raq ashleq arbaiq maiq thun ka taotlo! Kiimaq tsangshiq rai phaqshi seashi hai nga dam tlo!” nguta bot nyan trangto.

Luke 15:27

Kiijiishe, jaqshise raq, ‘Ümno ka jam na jang wato,’ nguta treto. ‘Kiimaq ümno ka khu asang maq jam na saü wantaq kha maq, ümwe raq ahan aphin pinthum, minsaü pongse ira tato,’ nguta jaqshise raq aphu bom ka treto.

Luke 15:29

Shatmaq, apaiq raq awe bom ka akha treto, ‘Liilaq, ümchaü ümchu rawii she wa lea wantaq, ngi ka ümwokhong na, ümdise ikha jaqsham wan kang. Kiimaq, ngi raq ümbom ka poshi min tlea mang maq sitiikang. Shatmaq, ümniiraq ngi miika jamlai phan wa kuqlaü? Ngi ma ümniiraq, i kongti rai adam na poi lata peo phaq sia miitu, chhechhi se ashi dongdii min kuqmaü shaqli!

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

Luke 5:30

Phorisinok phong wa maiq wiijamti nai Thungtri shrinketi nok tsangshiq kongtibi raq, Jesuq jaqshisetiim ma, “Namshiq ka jam nguto, phunta hitibi nai ahin anun phan ashleq arbaiqti rai, takshi pinshi maq phaqsiq dam tlan?” nguta bottsaüto.

Luke 7:39

Phorisiwe raq kra chhi raüta, “Arwe arka shammi riimak. Adü na shamti nyung kra jamkhiinok maiq wa, kiimin sapphaq mak!” nguta atsan na tiimato.

Acts 13:45

Paul traho bomchong kra taikaiti mungmaiqse kong ka pahea kiraitaq kra chhi raütiishe, Jehudinok ka Paul nai Barnabas ma makshu rashe she ngengsiq wanto. Kiimaq tsangshiq raq Paul raq traho bomtsi chongkuqtaq thun kra khii wan she tsangnai ka longliiq wanto. Kiimaq tsangnai ma shumtsü miitsü she shu wanto.

Acts 13:50

Shatmaq, Jehudinok raq kra chela na siti shiilangbi nai Pongnok phan maiqse wa maiq wiijamti jechakre ajong alabi nyungre, Shiikeawe shomnoq wantibi thun kriima raikao tatto. Raüta, tsangshiq raq Paul nai Barnabas kriishe tiichamchao wanto. Raüta, tsangnai ka kra chela wa maiqhiq ahin niishe jobaiqto.

Acts 14:19

Kra akhing na, Pisidia wang wa Antiok chela na siti nai Ikoniam chela na siti Jehudinok maiq wiijamti raq, Paul nai Barnabas ka kiijaq hali johoto nongto. Raüta, tsangshiq raq mungmaiqse ka tsangshiq bom niishe hali shiijon nongto. Raütiishe, tsangshiq raq Paul ka long maq tiitiiq baiqto. Raüta apaiq ka tsaikito she sham nguta tiima raüta, chela phai niishe hitthü baiq kito.

Acts 14:2

Shatmaq, Jehudinok phong wa maiq wiijamti Jesuq ma kamwan makti raq, Pongnok phan maiqse ma raikao tat raüta, phungmaiqsetiim khuthaq na tiishuk shaqto.

Romans 10:19

Ikhla, ngi raq jangshi ri hali bom ka wainong pha: Riita, Israilnok raq kra tsütsa chongkuq wantaq kra sap wan mak dea sha riita? Ara bomtre ti ka, Mosheq raq awaiq thü na, “Ngi raq Pongnok phan maiqse ka, i puk na mitiinyap wan ha. Lata i sengi phan Israilnok maklii ka, sipe tsantsii ikha wesang ma mitiija wan ha,” nguta, Shiikeawe raq tre wan nongtlo.

2 Corinthians 5:20

Riita ija, ümchaü sanha naishiq arka Khristo kiimwebi ngo kha maq namshiq tarü kra Khristo mang na, phaqthak nithak maq tsii chongkuq tiikai. Shiikeawe raq namshiq tarü ka apaiq ma wesang wa akhi aluwetiim miishe mitiija wan laq!

1 Thessalonians 2:16

Tsangshiq raq naishiq ka, Tsütsa Ahea ka Pongnok phan ma tiichhii wan rilung lap chang bomtsi ara chongke wan kiimin, wiita tangta baiq lai nguta kintangto. Shatmaq, tangta wan lot mak dea riito. Tsangshiq raq atinkhan ngarai tang wantaq kriikha maq, tsangshiq ka ümchaü sanha ngarai bu hotibi miishe jawan tlo. Arkha maq ümchaü atiisup wan na sanha, Shiikeawe tsankhiq ka tsangshiq khuthaq niishe saükito!

1 SAMUEL 17:28

Eliab, Dawit ma aphu chhikhuwe pinthum raq Dawit raq nanok rai riibomtlaq kra taito. Raüta apaiq ka Dawit ma akhiq riito. Raüta akha sonto, “Ümniika arjaq jamlai ritkai wa kilaü? Üm skukong ka rum na jumo baiqthü laü? Ümniika arjaq ju ngutiiwa, jamlai phan tsangkatiwe nguto tiitsangpii tlaü! Ümniika re-riikhat kra liikai kilaü riimak shea!”

1 SAMUEL 18:8

Shatmaq Saul raq arka tairo mak riito. Krai mren, apaiq ka pinthum akhiq she riito. Kra ningkhan apaiq raq nguto, “Tsangshiq nga Dawit riika hingroqshi tsatto nguta tsaki wan raü, ngi raq riiwe ka, hingshi li tsatto nguta ngutlo nya! Ikhii jiika tsangshiq raq arjai maq Dawit ka hokhamwe miishe mishong kata!”