Luke 15:29 - ASII LAKDAP Bible (BSI)

²⁹ Shatmaq, apaiq raq awe bom ka akha treto, ‘Liilaq, ümchaü ümchu rawii she wa lea wantaq, ngi ka ümwokhong na, ümdise ikha jaqsham wan kang. Kiimaq, ngi raq ümbom ka poshi min tlea mang maq sitiikang. Shatmaq, ümniiraq ngi miika jamlai phan wa kuqlaü? Ngi ma ümniiraq, i kongti rai adam na poi lata peo phaq sia miitu, chhechhi se ashi dongdii min kuqmaü shaqli!

Hawa Naga Bible 2001

²⁹ Yuq muinz vsaz pekhux waz rueq vwaz muex, ‘Lawc shuiuz, ngaz kuex raungwawc loayc hvlc shex m-yauk shuimc shuimx kuq vphaungx, mnoz rueq nvr shuiux kvjaz kuex ngaz rueq mkaq muinz tvlvlc mauk, yuq muinz ngvy kungjix hez rulc phuiuz svy tvkoc khelkhix vshiz doc muinz ngaz muex taungc kuq muq!

Muklom

²⁹ Etharin piq aa uwa ma batta, ‘Siin u, itan pang nga qha mal barang ma somlo táng, etho nang aa chamta batta phu tha hun tat taphang. Nang aa nga ma chamlang kota phu? Inokwa tang jamoq phaksat ma kelsa ashey tho kopha mu angtaphu.

Luke 15:29 Referencias Cruzadas

ISAIA 65:5

Kra raütiishe tsangshiq raq nanok ma akha ngutlo, ‘Namshiq ka naishiq tho wa alu na ngarong laq. Naishiq ka pinthum asii maiqsetiim. Namshiq raq naishiq khum na jaq maq sham maimak!’ Ngi raq akhnok maiqsetiim ka liilot mang. Tsangshiq khuthaq na itsankhiq ka walütu nyaitlaq ikha nyaitlo. Kriika ümtiikiimin matki mak phan.

JEKERIA 7:3

Kiimaq ramwebi nai shammibi ma akha tiiwaikito: “Riita naishiq raq man na rawii ümchuwa leawankai na ümkhiiwa rawiitek aho anyi raüta Shomjam shiithen baiqtaq ningkhan, amang maq achu jaü ka jipi lübiingi angu na lang wan tiikai kra, ümchaü min lang wan ruq li shea mirhai?”

MALAKI 3:14

Namshiq raq, ‘Shiikeawe shomnoq arka jamlai liip min ahü. Apaiq raq chongtlaq kra sham laita jamliip wa midong. Kiimaq, nashiq raq jamlai wa ajiq klo kai kra ningkhan, Tati Ningkun Ajong Pinthumwe man na, nashiq mra tiidii wan kiimin jamlai liip wa midong?

Matthew 20:12

‘Ara rajiko na shamti thun ara riika nari shili jaq shamto. Shatmaq, naishiq ka ranaiq minru chumtsi shekii wiita nin laita jaqsham wankai. Shatmaq ümniiraq tsangshiq jaq maq kiimin naishiq jaqmaq krai mren siili ka jamkho kuq laü?’ nguta apaiq ma waito.

Luke 15:28

“Kra tai raütiishe, aphu we ka kai atsan khiqto. Kriikha maq, apaiq ka jam niimin düwa mak she tiingan kito. Kra chhi raütiishe, awe ka kinphai na dongki raütiishe, ase ka tlin heakito.

Luke 15:30

Shatmaq, ara ümse ariiraq, ümtsiiq ümnyam chong thun kra wiita, mephe nyungre rai sethoq ja lam maq, raü baiqlot raütiishe, apaiq ka jam na jang wan kiiphaü tiitiq sha, ümniiraq ahan aphin pinthum minsaü pongse kra takuq laü!’

Luke 15:7

Ara chongtiikang akhiisii hali, ramungtan niika, ngarai tiidii ra mak kechu maiqse nguta tiima raüta, maiq roqtiikaü ri tiikaü sitlaq kra thaq na, maiq weshi ngarai maiqse tsantsii klai tlaq kra chhi raüta, apa michochi.”

Luke 17:10

Namshiq kiimin ara jaqshise akhiisii li sitlan. Namshiq ma jamlai jaqsham achong wa, kra sham lot jai, ‘Naishiq ka miinan maiqjaq shisetiim li. Naishiq riika maiqmii minshiiq jamlai wa sitlaq, kriili sham tiikai. Maiq raq kechu tumke wan min thek mai,’ ” ngutli namshiq raq bom ka tre chang.

Luke 18:9

Kiimahali, maiq ümriiti riiwa, tsangshiq maiqmii ka kechu maiqse kiimaq nanok ahinti thun ka, ngarai maiqsetiim nguta, khüphit nüphit sitlaqti ma, Jesuq raq ara shiiton manphan armaq bom ka chongkuqto.

Luke 19:21

Ngi ka ümniima hai tiikang. Ümniika khannyan hea langlangwe. Ümniiriika ümhup ümsam riimak kriimin jaüho tlaü. Kiimaq ümniiraq chhi jangki maü wak ajam kra wiimin, tsam ka jutsiqki tlaü.’

Romans 10:3

Shiikeawe raq maiqse ka jamkho kechu maiqse ma tiija wan tlaq, raüta apaiq rai wehea miishe tiija wan tlaq, raüta awura maq tiiham wan tlaq, kra tri lamphan ka tsangshiq raq takmak miili sirai tlo. Tsangshiq riika Shiikeawe raq atankuq wan riikhaqli tri lam kra phan wan rii na, tsangshiq maiqmii tri lam tan raüta, kra lam ka phan raüta sitlo. Krai mren, tsangshiq raq, Shiikeawe raq atan kuq riikhaqli kechu maiqse ma jawan lam, kriika phan mak riitlo.

Romans 3:20

Ara jamkhano chongtiikang ngukla, maiqse aja wa, jurmin Thungtri ka riikhaqli maq lang tlo nguta, Shiikeawe rai wehea shram raüta, kechu maiqse ma jawan lot mak. Thungtri raü sitlaq kriika, maiqse ma apaiq ka ajiq we dea, nguta kha nyanke miituli sitlo.

Romans 3:27

Riita, ümchaü nashiq tiishom raa wan chang lamlu ka asi sha? Jammin ahü, siirai! Riita, arka jamlai ningkhan no? Nashiq raq Thungtri lang wan raa dea nguta ngo nang sha? Riimak, kiikhiika riimak. Shatmaq, nashiq raq kamtsantsii kli she thü wan chang nguta ngo nangnga chongtlo.

Romans 7:9

Man na akhing ashi na, ngi ka thungtri aming sapmang maq, atra siwan kang. Shatmaq, ümtiikiiwa thungtri raq akuq aming kra, i khu thaq niishe saü wantaq, kra akhing miishe, ngarai ka i khum wa, ashai she riiwanto.

Revelation 2:17

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tairong laq! “Rekhat tang wanti ma, ngi raq apaü raüta athü man na kiiwa wiijam mikuq ha. Kiimaq hali, ngi raq tsangshiq loweatek ma longpo lüdiidii poshi mikuq ha. Kra longpo na mang anye tiiwaiq shat miraq. Kra mang ka, kra lap tlaqti ka tlea raüta, maiq ahinti jurmin sap mak miraq.

Revelation 3:17

Namshiq ka, ‘Ngi ka chiithe kiimaq rongboq; ngi ka winta sitiikang,’ nguta tiishom ra rai tlan. Shatmaq, namshiq raq, maiqmii ka thümse sang, kiimaq tiinan miishan sitiikai nguta heman! Namshiq ka miitsan, makchuk, kiimaq kheahü sitlan.