JEKERIA 1:4 - ASII LAKDAP Bible (BSI)

⁴ Namtitiim pat na jamkho ngiimboq shatmaq siwantaq, kiikhii ka ümchaü naqsi rongkiq she. Man na rathup rapha pat achat niiphü, shammibi raq tsangshiq ma riisham bom maq, abi ashut ngarai rilung niili naqsi rongkiq she nguta chongkuq wanto. Shatmaq tsangshiq raq i bomchong ka taimak maq tlea raüta siwanto. Kiimaq ngi aming thun kiimin lang wan mak riito.

Hawa Naga Bible 2001

⁴ Nuimshiq jix vwaz tamx ikhoc nauk yaungx kaz. Shvmmax bix rueq mvnnuex pat nuex tsuingshiq kuex honc vbac httax muq tvkoc muinz, mvrax kop yaq rullungx lvmz htenc kuex gay shec tvkoc muinz, vruex ngvy bomjungc kuex tsuingshiq muex jungx tueq. Yuq muinz tsuingshiq rueq ngvy kvjaz kuex tay muq nuiyc phvnx muq.

JEKERIA 1:4 Referencias Cruzadas

2 KAÜWA WERAÜ 30:6

Hokhamwe nai asengi ajong alabi raq aming kuqtaq kra phan phan, tsütsa chongkaiti maiq pahea Juda mung nai Israil mung hamli tiiwato. Tsangshiq ma tsütsa ka akha tiichong hoto: “Singmung maiqse Israil mungti lei, namshiq ka Asiria mung raq namung khatki raüta tang wantaq kra wali mong wiimin lun wan lan she. Ümchaü sanha Tatiwe, Abraham, Isak, kiimaq Jakob Shiikeawe wokhong niishe jang wan rong laq. Raüla apaiq kiimin namshiq phana hali mijang ki nong.

2 KAÜWA WERAÜ 30:7

Namshiq ka namtitiim pat na kiimaq namphan nammaq Israilnok raq tsangshiq Tatiwe, tsangshiq Shiikeawe ka tsapkap mak shipoq wantaq kiikhii ka naqsi rongkiq she. Apaiq raq tsangshiq ma pinthum mo jonghea tiiho raüta tiichamchaotaq kriika namshiq raq chhi wan lan she kata.

2 KAÜWA WERAÜ 34:21

“Kirong laq. Lantea ngi miitu kiimaq Israil mung na nai Juda mung na ümchaü min siruqti mungmaiqse kra miitu Tatiwe ma bom waiki rongkiq. Lantea ara lakdap na shrinkuq tlaq kra ka rit ronglaq. Tatiwe ka nashiq ma atsankhiq sitlo. Jamkhano ngukla natitiim raq Tatiwe bomtsi ka lang mak riito. Kiimaq ara lakdap na jamlai wa alang wan raa dongdii nguta chongtlaq kra lang wan mak riito.”

EJRA 9:7

Naiti naiwi pat maq pha raüta, ümchaü niitaq saüli, naishiq ara ümsengi, ümphan ümmaq asii maiqsetiim raq pinthum achong min lot mai, ngarai pahea tang wan kai. Naishiq nok raq ngarai tang wan kai kriikha maq, naishiqnok hokhambi thun, kiimaq naishiqnok ramwebi wiita, pongmungti hokham rewe jaqkhon mong na lap wanto. Raüta tsangshiq ka jiipbaiq wanto. Kiimaq naishiqnok tsiiq anyam tum thun ka wiita khaükhokkhok hut wanto. Kiimaq naishiqnok ka pongmung na, rewa shumwi ma shea wanto. Naishiqnok ka achong lotmai, ji maq niwantlii raüta, ümchaü ranaiq niitaq saüli, chamchao shummii homa howan laitli sitiikai.

NEHEMIA 9:16

Shatmaq naititiim ka ashkong she riiwanto. Kiimaq nilan miishe jawanto. Kiimaq ümniiraq aming akuq haü, lang wan mak she riito.

NEHEMIA 9:26

“Shatmaq ümsenginok raq, maiqmii wela jawanto, ümbom taimak, ümkiq akhii riiwanto. Tsangshiq ma akuq haü, Thungtri ka jainong nü maq shungbaiq wanto. Tsangshiq ma tsii chongke wanti, shammibi ka atsea riibaiqto. Ümniipha na jang wan ronglaq nguta, bom chongke wanti shammibi wiita, tsatbaiq wanto. Tsangshiq raq ümniika bliiq kiki, shummii shipoq wanto.

NEHEMIA 9:30

Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.

Tvtsvmc 78:8

Tsangshiq ka tsangtitiim kiikha riimak mirlaq, Tsangtitiim pat ka kiqkhii sruwali kiimaq nilan, tsangshiq raq Shiikeawe ma kamtsii ka ümtiikiimin pharangrang maq thümak kiimaq tsangshiq ka apaiq wokhong na tsapkapkap simak riito.

ISAIA 31:6

Tatiwe raq nguto, “Israilnok lei, namshiq raq imakki na ngarai tanglan kiimaq ikiq khiilan. Shatmaq ümchaü sanha iwokhong na jang wa rongkiq she!

JEREMIA 18:11

Riita ümchaü man, Juda mungti nai Jerusalemti ma chongkuqlaq, Ngi raq tsangshiq ka tiithenbaiq miitu khatan raütu sürii wan tiikang. Tsangshiq ma imo mitiihoha. Tsangshiq ma ngarai rilung lamphan ka thaqbaiq ronglaq nguta chongkuqlaq. Tsangshiq raq ashut lamphan kra klai ronglaq kiimaq tsangshiq raq jamlai wa kiimungtlaq kra thaqbaiq ronglaq nguta chonglaq.

JEREMIA 23:22

Tsangshiq raq ngi tiima tsantsii apaü lata athüha kra asap ngu raüka, tsangshiq raq isenginok ma itsütsa bomtsi ka chiiriim raüta tra miho kuq wan chang wa. Raüta tsangshiq raq ashut rilung singa tlaq kra aklai mirwan wa. Kiimaq tsangshiq raq abi ashut jaqsham wan tlaq thun kra athaq she arbaiq chang wa.

JEREMIA 25:8

“Arningkhan she, namshiq raq apaiq bom taiwan man kha na, Tati Ningkun Ajongwe raq akha ngutlo,

JEREMIA 26:5

Kiimaq ijaqshisetiim shammibi raq namshiq ma jamlai bomtsi wa chongkuqtlaq kra tsan na atsidada maq tiitsang tai ronglaq nguta aming kuq kang. Ngi raq i shammibi ka namshiq phana ibom tiichongkai miitut wantlii tiiki kang. Tsangshiq raq jamlai bomtsi wa chongkuqtaq kra namshiq raq lang man riilan.

JEREMIA 3:12

Apaiq raq ngi nangnga Israil phana kilaüta akha chongkuq kikiq nguta thaüto, “Sethoq nyung Israil lei, iphana jangwa nongkiq. Ngi ka mangchan heawe kiimaq khiqbi mangwe. Ngi raq ümniima pattup tsankhiq tsü ka thü mang.

JEREMIA 3:14

“Namshiq ka maiqbomtai mannok. Jangwa rongkiq. Namshiq ka iwokhong na siti dongdii. Ngi raq namshiq phong wa chela shi wa maiq weshi shi mitsea wanha. Kiimaq awe raü ashi wa maiq ka anainai mitsea wanha. Lata ngi raq namshiq ka Jajon Pum na hali mitiijang shea wan nongha.

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 4:1

Tatiwe raq ngutlo, “Israilnok lei, namshiq ka ngi pha na jang wan nong lungwii tlan jiila, iwokhong na nyap wan nong ronglaq. Namshiq ka ipuk na nyap wan lanta, iwokhong na tsapkapkap siwan han jiila, lantea ngi raq saisi tiikang sumla phra thun kra lambaiq han jiila,

JEREMIA 44:16

“Ümniiraq naishiq ma Tatiwe mang na jamlai bom wa chongkuq laü kriika naishiq raq langmai.

EJEKIEL 14:6

“Riita ümchaü min, Israilnok ma. Ngi Tati Rakaü Hiqwe raq jamlai bom wa chongtiikang ara tsangshiq ma chongkuq laq: Namshiq raq shomnoq rattlan, maiqphai asi sumla phra thun kra miimbaiq thü ronglaq. Lanta ana Ngi phana jang wan nong ronglaq.

EJEKIEL 20:18

Kra rii na, Ngi raq tsangshiq phong na nosere kong kiima honlam tsii akha chongkuq kang: Namtitiim raq akha thü thungtri raütu ka naqlang rongkiq. Tsangshiq raq lang wantaq thung alai ka naq lang rongkiq. Kiimaq namshiq khum ka tsangshiq raq noqtaq sumla phra thun maq naq tiishe shi rongkiq.

EJEKIEL 33:11

Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?

EJEKIEL 33:4

Maiq weshi ra raq hünong tsü ka mitai shatmaq hon lam mak maq siraüla, re ka wa raüta apaiq ka mitsatbaiq, raüla apaiq tsaitaq kha ka akhupo niili midea.

DANIEL 9:6

Ümniiraq ümjaqshisetiim shammibi tiiki laüta, naihokhambi ma, nai mungtubi ma, naiti tipaitiim ma, kiimaq naimungti mungmaiqse tlotli ma, ümmang chong raüta tra tiihokuq wan laü. Kra naishiq raq lang wan mai dea riikai.

Hosea 14:1

O, Israilnok lei, nam Shiikeawe puk na nyap wan nong ronglaq! Namshiq ngarai kho na thap lantea dea wan lan.

AMO LUIK DVP (AMOS) 5:24

Shatmaq tri raü sham ka, khangriiriihea jurai ikha mirlaq, kiimaq kechu jaqsham ka, jüserai khamkai ikha mikilaq.

Mikha 2:6

Tsangshiq raq ngi ma akha, tra hoto, “Naishiq ma akha tra naqhokuq kiq. Tatiwe raq naishiq shiithen baiq mak miraq. Naishiq ka chongthum tiija mak miraq.

JEKERIA 1:3

Shatmaq ümchaü san, ngi raq, ‘Namshiq ka iphana jang wan nong rong laq. Kra riihan jiila, ngi min, namshiq phana mijang wan nongkang.

JEKERIA 7:7

Ara bomtsi arka Tatiwe raq apaiq shammibi lümaq, man na Jerusalem ka chiithe, kiimaq mungmaiqse raq ama siwantlaq, kiimaq kra chela tro na chela thun niimin, kiimaq shemai nü wang nai shenyap nü wang na mungmaiqse ka pahea siwantaq choji na achong.

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

Acts 3:19

Riita, ümchaü min, ara chong tiikai arai mren, namshiq raq maiqmii ngarai ka tiidii tlo ronglaq. Lanta, Shiikeawe wokhong na nyap wan tlo ronglaq. Kra riihan jiitiq, Shiikeawe raq namshiq ngarai kra midii kuq. Namshiq raq kra riihan jiila,

1 Peter 1:18

Jamkhano ngukla, namshiq raq asap han, namrilung ka namtitiim raq akuq thü thiihü rilung kra daa wan miitu athii kuq wantaq kra asap han. Kriika atiithen baiq chang phan kampho riimakla chaq ikha hupsam ka riimak.