JEKERIA 1:3 - ASII LAKDAP Bible (BSI)

³ Shatmaq ümchaü san, ngi raq, ‘Namshiq ka iphana jang wan nong rong laq. Kra riihan jiila, ngi min, namshiq phana mijang wan nongkang.

Hawa Naga Bible 2001

³ yuq muinz majuiuc ngaz rueq mnoz muex jungx ix, ‘Ngvy kox nuex yek luit, ngaz muinz nuimshiq kox nuex yek raungx.

JEKERIA 1:3 Referencias Cruzadas

2 KAÜWA WERAÜ 15:2

Kiimaq apaiq ka Hokhamwe Asa rai riihumkito. Raüta apaiq raq akha riimto, “Hokhamwe Asa lei, i bom ara tai laq. Kiimaq namshiq Juda mungti nai Benjamin mungti raq tairong laq! Namshiq ka Tatiwe rai sihan jiila, Tatiwe ka namshiq rai adam misi. Namshiq raq apaiq rit han la apaiq raq namshiq ma apaiq ka mitiihum kuq. Shatmaq namshiq ka apaiq wokhong wa juho han jiila, apaiq raq namshiq ka amiim mirbaiq.

2 KAÜWA WERAÜ 15:4

Shatmaq ümtiikiiwa chamchao akhing saütaq tsangshiq ka Tatiwe Israilnok Shiikeawe puk na nyapto. Tsangshiq raq apaiq ka ritto. Kiimaq tsangshiq raq apaiq ka humto.

NEHEMIA 9:28

Raüta tsangshiq ma mungtsing maq, tiishongnga wanto. Kra riikiita tsangshiq raq ngarai tang nongto. Kriikha na ümniiraq, tsangshiq ka tsang jaqti ma hali, kiinong kuq baiq nong laü. Shatmaq tsangshiq raq maiqmii mra, tiidü wan raüta, ümman na hali hoqsii wan nongto. Krai mren, ümmangchan jonghea khong maq, ümniiraq tsangshiq achujaü ka, ramungtan maq tre kuq laü, tsangshiq ka tiithongkiki, chiqse rewe jaqkhon mong wa, dokda kuq wan nong laü.

YOBA 22:23

Tengto, ümniika aranse ma jalaüta Shiikeawe wokhong na jang wan raa dongdii laüta ümjam kun wa abi jaqsham thun ka wiita thaqbaiq laq.

ISAIA 31:6

Tatiwe raq nguto, “Israilnok lei, namshiq raq imakki na ngarai tanglan kiimaq ikiq khiilan. Shatmaq ümchaü sanha iwokhong na jang wa rongkiq she!

ISAIA 44:22

Ngi raq ümngaraibu ka phumda ikha tsuqbaiqkang she. Ngi phana jang wa nongkiq; Ngi ka ümnaq chhiiti.”

JEREMIA 12:15

Shatmaq Ngi raq tsangshiq ka babaiq wanjai, Ngi raq tsangshiq ka atiihang mirwanha; Ngi raq maiq mung thun aweatek wa mungmaiqse ka tsangshiq ka maiqmii hiqshong na kiimaq maiqmiimii mung nahali mitsuq wan nongha.

JEREMIA 25:5

Tsangshiq raq namshiq ka abi rilung lam phantlan kriiwa jang wan ronglaq kiimaq namshiq raq abi jaqsham tlan kriiwa jang wan ronglaq nguta chongkuqto. Kriika Tatiwe raq namshiq ma nai namtitiim ma pattup miitu tachong hupsam hiqshong kuqthütaq kriijaq namshiq ka rilung alu maq siwan miitu chongkuqto.

JEREMIA 3:1

Tatiwe raq ngutlo, “Riita maiq weshi raq tsang nyung ka amiim mirbaiq. Kiimaq kra junshu nyung ka tsangwe baiqthü raüta maiq weshi miishe miwa wan. Raüla wechüwe raq tsangnyung rom kai nong maimak she. Akha singa raüka mung ka wiita ashe shekhiq miishe mijaki. Shatmaq Israil lei, ümniika ümwesetiim maiq apawiq rai she silaü. Riita ümchaü ka ngi phana hali jang wan nong rotlaü!

JEREMIA 3:22

Jangwa rongkiq, namshiq tarü Tatiwe wokhong wa kiholanti thun; apaiq raq namshiq thatsi ka atiihea mirkuq kiimaq namshiq ka maiqshaq miishe mitiija wan. Namshiq raq ngutlan, “Tengto, naishiq ka Tatiwe wokhong na jang wan nongtiikai. Jamkhano ngukla apaiq ka nashiq Shiikeawe.

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 4:1

Tatiwe raq ngutlo, “Israilnok lei, namshiq ka ngi pha na jang wan nong lungwii tlan jiila, iwokhong na nyap wan nong ronglaq. Namshiq ka ipuk na nyap wan lanta, iwokhong na tsapkapkap siwan han jiila, lantea ngi raq saisi tiikang sumla phra thun kra lambaiq han jiila,

EJEKIEL 18:19

“Shatmaq namshiq raq akha waitlan: ‘Riita awe ngarai thun miitu ka ase raq jaro mo homak?’ Kra bomtre ka ara; Ase riika tri na jamlai wa riikhaqli kiimaq athuk atsom kra shamto. Apaiq raq itri raütu ka riikhaqli rümto. Raüta athuk atsom aheawiq tsapkapkap maq tri thun kra langto. Kra ningkhan, tengteng apaiq ka atra misi.

EJEKIEL 18:31

Namshiq raq ümchuwa abi klo wan lan thun kra wiita thaqbaiq ronglaq. Lanta namshiq maiqmii miitu khutsai anye kiimaq tsantsii anye she lap ronglaq. Namshiq Israilnok ka jam nguta tsairo wa?

EJEKIEL 18:32

Ngi riika maiq weshi min tiitsai baiq romang,” nguta Tati Rakaü Hiqwe raq ngutlo. “Namshiq ngarai lamphan wa jang wantlo ronglaq. Lanta atra sirong laq.”

EJEKIEL 33:11

Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?

Hosea 14:1

O, Israilnok lei, nam Shiikeawe puk na nyap wan nong ronglaq! Namshiq ngarai kho na thap lantea dea wan lan.

Hosea 14:4

Tatiwe raq ngutlo, “Isenginok iwura maq mitiihamha, Tsan nai mongjii kuq lata, tsangshiq milungwii nongha. Tsankhiq walü thumto she. Tsangshiq khu min liiqkang she.

Hosea 6:1

Mungmaiqse raq ngutlo, “Ai warong ra nashiq Tati wokhong na, jang wan nong rong i! Apaiq raq nashiq ma mo tiihoto, na mitsi apaiq raq miphumkuq. Apaiq raq nashiq ma mo tsihea tiihoto, apaiq raq nashiq mi ka mijop kuq, riimaksha?

Yoel 2:12

Shatmaq Tatiwe raq ngutlo, Ümchaü li jiimin namshiq raq riikhaqli maq, amang maq makphai trok lanta aho ajü achu jaü rong laq, lanta ngarai tiidii lanta, ngi phana jang wan rongra,

MALAKI 3:7

Namtitiim pat niimin la, tsangshiq ma ngi raq akuqha aming thun lang mak siwanto. Kra tiidada sii hali, ümchaü namshiq riimin ngi aming lang man, itri wokhong wa ahin na juho lan. Tri raütu ka lang man. Ümchaü min namshiq ka iphana jangwan rong rea. Raüla ngi min, namshiq phana mijang wan nongha. Shatmaq namshiq raq, ‘Riita naishiq ka jamkho ümphana mijang wan nong hai?’