RUTHA 2:12 - ASII LAKDAP Bible (BSI)

¹² Riita, ümniiraq atinkhan ahea awa jaqsham wan laü ara miitu Tatiwe raq ümniima aliip apha maq mitham songkuq laq. Israilnok Tati Shiikeawe puk na ümnaq nyap wan tlaü kra riitiq ümniima poksi mikuq laq!”

Hawa Naga Bible 2001

¹² Mnoz rueq shuimx vshuiux yauk shuimc laung Yehowa rueq yauk mauk yauk noalc mkuq kv-phux. Mnoz kvkhup wungx kvnvp vtuiux Yehowa Israel Tishox kox wawc yauk noalc kejux mvrc laz lvp wvnc shuiuz!” ngoz tueq jungx tueq.

RUTHA 2:12 Referencias Cruzadas

Tvtsvmc 17:8

Ngi ka ümmakpo jamkho tiiwong tlaü kiikha tiiwonglaq; ngi ka ümrakong thun nyam na paülaq

Tvtsvmc 19:11

Arthun raq ngi ümjaqshise ma phaqchi kuqtlo; ngi raq kriithun ka lang wan kha na ngi ma poksi kuqto.

Tvtsvmc 36:7

O Shiikeawe lei, ümlungwii tiipitmaü phan ka athii tsinhea! Naishiq ka ümrakhong tsaiji takiq na tiiwongtlaü.

Tvtsvmc 57:1

Ngi tiihangkuq laq, O Shiikeawe lei, tiihangkuq liidea, jamkhano ngukla ngi ka ümtiiwong na nyapwan tiikang. Ngi tiiwongchang ka ümrakhong kra rathaiq henghea kra mitsaq shaq wiiwii.

Tvtsvmc 58:11

Maiqse raq mingu, “Tengto kechu maiqse ma poksi ke ka thukto dea; mangjong maiqse kha phoketi Shiikeawe ka asi dea.”

Tvtsvmc 61:4

Ngi ka irilung pattup asii ümjam na sipha; ümrakhong maq tiikhup wongshat sipha.

Tvtsvmc 63:7

jamkhano ngukla wranaiqshe ümniiraq ngi khrum kuqlaü. Ümchi ümrakhong mong maq silata, chojongchise shingesiq tiikang.

Tvtsvmc 91:4

Apaiq raq ümniika arakong maq mipang; ümniika awokhong na tiiwong kuqshat mirüm; apaiq tsapkapkap wokhong maq mitiiwongkuq kiimaq mitiichhiikuq.

TAKSU LAK 11:18

Abi ati kloti riika maji tsamli mijut. Shatmaq kechu minshiiqti riika, kechu tsam mijut.

TAKSU LAK 23:18

Kra riihaü jiika, rawiichii miitu akamsea chang asi.

JEREMIA 31:16

Naqhoqkiq she tsaq laq, laüta ümmakphai ka tat laq. Ümniiraq ümsetiim miitu ümtinkhan wa jaqshamlaü, kriika atu na mokimak miraq; tsangshiq ka renok mung wa mijang wan.

Matthew 23:37

“O Jerusalem, o Jerusalem! Ümniiraq shammibi thun ka tsatbaiq wan laü. Kiimaq Shiikeawe kiimwebi thun ümniiphana atiiki thun ka long maq tiiqbaiq wan laü! Ngi raq ümse ümno thun ka ümtinkhan wa i wokhong na, wukaü raq asetiim ka wowan tlaq ikha wowan hajaq nguta tsinngin wan kang. Shatmaq ümniiraq ümsetiim ka ngi ma tiiwo wan maü riilaü!

Matthew 5:12

Namshiq ka khoqriiq shishiiq miili sironglaq. Jamkhano ngukla namshiq miitu ramungtan na poksi jonghea thütlo. Namshiq ma kongkhu pat wa shammibi min la akhiisii dea tiichamchao wanto.”

Matthew 6:1

“Namshiq raq nokwe ma tiichhi ma nguta, ‘mitting jaq sham’ ka naqsham rongkiq. Namshiq raq akha nokwe makki na tiichan ne lanta sham han jiila, ramungtan na siti nam We jaq wa poksi lap chang ka ahü she miraq”

Luke 6:35

Riimak! Kiikhiika riimak! Namshiq ma wesang raliiti ka mangchan ronglaq. Kiimaq shamhea kaiwa kli shamkuq ronglaq. Tiinam kuq ronglaq, shatmaq atham jaü ka, naq tiima rongkiq. Namshiq akha sihan jiitiq, poksi jonghea milap han. Kiimaq, namshiq ka Ajong Shiikeawe setiim ma mija han. Ara jamkhano chong tiikang ngukla, apaiq riika kechutum sap makti nai abi maiqse tarü ma, maklii ashi maq mangchantlo.

Colossians 2:18

Namshiq ka, maiq arot akiq shrabi ma, naq tlao rongkiq. Tsangshiq riika, rasetiim ka riisham mak maq chhi tiikai. Krai mren, tsangshiq ka nanok shammibi ahinti thaq na shammi jong sitiikai nguta tiishomra tlo. Tsangshiq ka arot, rakhütsiri na nanok thaq na kechu lin sitiikai nguta achu jaü tiichhi siq tlo. Kiimaq rasetiim kriimin shomnoq chang nguta shiichut tlo. Akhnok maiq arka, atiishomra rai chang min riimak chang niili, tiishomra siq tlo. Apaiq riika, mangjong han-ngam tri miili shin tlo.

2 Timothy 1:18

Riita, Tatiwe raq apaiq ma, kra Ranaiq akhing na atiihang mangchan mikuq laq! Apaiq raq ngi miitu, Ephisia maq ümtinkhan wa khrum kuqtaq irka, ümniiriimin kunli asap haü.

2 Timothy 4:8

Riita, ngi raq aju riilong ka ong kang she. Shiikeawe raq ngi miitu poksi kechang ümchaü tiijeshat she thütlo. Ara poksi arka kechu rilung siwanti maiqse tarü ma kuqtlo. Tingting maq khaphoketi we Tati Jesuq Khristo raq, ngi miimin Phangthum Khapho Ranaiq mikuq nguta mongngam maq sitiikang. Apaiq raq kra Phangthum Khapho Ranaiq na, apaiq saükai khetibi tarü ma poksi mikuq.

Hebrews 11:26

Apaiq raq, Messia miitu chamchao litkot wan, maiq shummii bombi kiqsü howan riiwe ka, Ejip mung na chaq nai seng tum sitlaq, kra thaq na reng ma tiija wanto. Jamkhano ngukla, apaiq raq jai na poksi lap wan riiwe ka amiinu atsin nguta amak lii thü wanto.

Hebrews 11:6

Kamtsantsii ahü maq, jurmin Shiikeawe tiichochi lot mak. Arkha maq, juwa Shiikeawe phana watlaq, kriiti raq Shiikeawe ka asi kiimaq apaiq rit wanti miika poksi mikuq dongdii nguta, kamtsantsii thü raa tlo.

Hebrews 6:10

Shiikeawe raq maiqse ka tiishaü tiiji raüta kappe maq shin mak. Namshiq raq Shiikeawe jaqsham tlan kriika laqbaiq mak. Namshiq raq Shiikeawe mang na, Phungmaiqse ma khrum kuq lan. Kiimaq namshiq raq, ümchaü min shiikum pan kuq ruq riitlan kriika, Shiikeawe raq laqbaiq mak.

RUTHA 1:16

Shatmaq, Rut raq apaiq bom ka akha treto: “Ngi ka naqthu liiqkiq! Ijai naq phankiq nguta kiimin naq ngukiq! ümnaq ümbano wa tlaü, kiijaq ngi min miwaha; ümnaq ümbano lam jap wan tlaü, kiijaq ngi min mijap wan ha. Ümphan ümmaq ka iphan imaq miraq; üm Shiikeawe ka i Shiikeawe she miraq.

RUTHA 2:11

Kiijiishe Boaj raq treto, “Ümniiraq ümwese tsaikai jai maq ümnyai-chhi miitu lungwii tsii ümtinkhan wa tiichikuq laü, kra ngi raq atai wi she. Ümniiraq ümnyung ümwe ümphan ümmaq kiimaq maiqmii mung kra wiita baiqthü laüta, ümniiraq mak maq chhiwa maünok mangtang ramang phan rai siwa dam wawan laü. Kra thun ka wiita ngi raq asapha she.

RUTHA 2:13

Kiijiishe Rut raq, “Shiilangwe lei, ümniiraq ngi ma pinthum lungwii tsantsii tiichhi kuq laü. Ngi khoshose akhnok arka ümkoli ümjaqshisetiim sitlaq kra phongwa nyungshi ra kra khan min thekmang. Shatmaq ümniiraq ngi ma lungwii tsantsii jonghea tiichhi kuq laü. Kra ningkhan, ngi ma tsaiji kongtam puqshi she,” nguta Rut raq treto.

RUTHA 4:15

Ümnam nyung raq ümniika pinthum lungwiitlo. Riita, ümchaü sanha, apaiq ka ümniima ümsetiim wemiishi khuthaq niimin, achan she. Ümchaü sanha apaiq raq ümniima ümsaü ashi she tiihum kuqto. Ümsaü raq ümniima rilung anye she mikuq wan. Kiimaq ümnaq dunghea wanti she hum wan laü,” nguta nguto.

1 SAMUEL 24:19

Maiqse raq ajaqtiwe ka ajaq khon mong na alapwi she wa, jang ümchu wa tsatmak tiidong baiq tla? Ümchaü ranaiq na ümniiraq itsitsü tiihangkuq laü kra miitu ka ümniima Tatiwe riishetiq achu mishman kuq laq!

1 SAMUEL 24:20

Riita ngi raq ümchaü ka sapkang she. Ümniika Israil mung na hokham miishe mija wan haü. Kiimaq kra hokham mungtan ka ümwokhong niishe misi wan.