Acts 8:1 - ASII LAKDAP Bible (BSI)

¹ Kiimaq Saul riimin apaiq tseabaiq na pong damto Kra ranaiq miili she, Jerusalem wa Phungmaiqsetiim ka pinthum tiichamchao pha wanto, kiimwebi kli Jerusalem na sito. Phungmaiqse abiti thun ka, wiita Judia nai Samaria wang na, barap binrii na pongpin riipin pin wanto.

Hawa Naga Bible 2001

¹ Sholu muinz miq thvt gay tueq nuex raz naungx tueq. Kvruex raungnuiyq maq phaungc vtueq Yerusalem wawc phungc kuex pinhtumc guirguenc rvhumc phaungc wvnc tueq. Kvkhoc rvtueq tsuingshiq kuex Yuda mungx, Samaria mungx htenc nuex panx yanx rv-phvlc wvnc tueq, kamx waz hez dvyx shex kvjungx tueq.

Muklom

¹ Saul piq tatik thina rokrum angta. Ethi saal tho Jerusalem mondoli rapney tahikham tsamnang angta. Apostle tang tha dak chak eq adak uhan miqtang Judea nia Samaria mung na phalta.

Acts 8:1 Referencias Cruzadas

NEHEMIA 6:3

Kra ningkhan ngi raq tsangnai phana tsasoqti tiiwa lata, akha tiichong wakang. “Ngi jaqsham akhek asi. Kriikha na ngi ka kiina kilap mang. Ngi ka jaqsham chiim lata namnai rai riihumwa lot mang.”

DANIEL 6:10

Riita, Daniel raq kra aming ka khatto she nguta tho lapto. Apaiq ka ajam na wawanto. Raüta apaiq jam rathong khok na kitanpu thun kilü tlinshat asi riito. Kra kitanpu thun ka Jerusalem chela nü na tiinyi raqraq riito. Kitanpu thun tlin shat kiijaq walili raüta, rahinjaq ratili na jamkho achu jaütlaq kiikha, ranaiqshi na jangtsamtsam kaütsrong na nga raüta Shiikeawe jaq wa achu jaüto.

DANIEL 6:23

Hokhamwe ka pinthum khoqriiqto. Kiimaq Daniel ka khobok mong wa tiidong hitlo ronglaq nguta aming kuqto. Krai mren tsangshiq raq apaiq ka khobok mong kiiwa ra niishe tiidong hitto. Raüta tsangshiq raq akhum na liikiita jamlai ami atsi min ahü riito. Jamkhano ngukla apaiq raq akhum ka Shiikeawe ma kiinong kuqto.

Matthew 22:6

Kiimaq maiq wiijamti riika apaiq raq atiiki ajaqshisetiim kra laphoto. Raüta tsangshiq ka ninta khoti tsatto. Kiimaq tsangshiq ka atsea khoti riibaiqto.

Matthew 23:34

Ngi chong pha. Ngi raq namshiq phana shammibi kiimaq taksma maiqse kiimaq Shiikeawe bomtsi shrinketi shrabi thun kra mitiiki kang. Namshiq raq tsangshiq phong wa, wiijam ka atsea mirbaiq han; kiimaq wiijam ka pumsongkham na mitübaiq wan han; kiimaq wiijam ka sinagok maq chunpo-nyam chongwai maq ninta mitsat han. Kiimaq chela ashi maq riita chela ashi na tiikot mrot mijo jii baiq han!

Matthew 5:13

“Namshiq ka maiqse ngusaq kun li ma shum sitlan. Shatmaq shum ka asum she khoiki raü ka, ja she wa miraq? Kriika jamkha she wa mitiisum nong? Kriika thiihü she. Kriika araü baiq chang li she. Raüta maiq raq hok miili she mini baiq.”

John 15:20

‘Dise ngutlaq kriika atijong we thaq na ajong ka riimak,’ nguta bom tiihap hong chong tlaq bomtsi ka ngi raq namshiq ma chong kuq pha she ihata. Tsangshiq raq ngi santla tiichamchao wantaq jiika, namshiq kiimin mitiichamchao wan dongdii. Tsangshiq raq i bomchong ka tai raüta lang wantaq jiika, namshiq bomchong kiimin mitai wan, raüta milang wan.

John 16:2

Tsangshiq raq namshiq ka sinagok wa ashleq mirbaiq. Kiimaq akhing ka akha misaü wan, maiq ashi ra raq, namshiq ka tsatbaiq raüla, apaiq raq kriika Shiikeawe jaqsham tiikang nguta mitiima.

Acts 1:8

Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

Acts 13:1

Antiok phungtu na trahoke wanti shammibi nai kamasham bomtsi shrinketibi maiq ka asi riito. Tsangshiq ka Barnabas, Simon (Maiq nyaq we ngutlo), Lusia (Sairini mung wa), Manael (apaiq ka wanghupti we Herod raq atiijong lu wan), kiimaq Saul.

Acts 13:36

Riita, arjaq chongtlaq arai mren, Dawit raq apaiq pat na Shiikeawe luqkhap ma jaraüta, Shiikeawe jaq ka sham wanto. Raüta, apat sung wan jai she, apaiq ka tsai wanto. Raüta, apaiq maa ka atitiim maalap chiim na lap damto. Kiimaq apaiq maa ka maakho niili namraito.

Acts 2:47

Tsangshiq ka akha Shiikeawe tiitsam kamwan li she shongnga wanto. Kiimaq phungtuti shongnga rilung kra chhi raüta, mungmaiqse riimin tsangshiq ka kai lungwiito. Kiimaq, krai mren, Tatiwe raq maiq anye ka wranaiqtek tsangshiq phung na tiitsuq wan wan maq, maiq ka tiipa kuq wan ruq li riito.

Acts 22:20

Kiimaq, tsangshiq raq ümruk ümkiim we Stephen tiijai raübaiqtaq akhing ranaiq na, ngi min tsangshiq rai pong dam lata asi riikang ihata. Ngi riimin riikhaqli dea tsat baiqto nguta tsangshiq rai kiqshi maq pong wan damti we riikang ihata. Kiimaq apaiq tsea baiq wantibi matwe kong samtong jong khea phong kra lii wanti we ka ngi riikang ihata,’ nguta Tatiwe bom ka trekang.

Acts 26:10

Ngi raq Jesuq jai phan wanti maiqsetiim thun shiithen baiq wan jaqsham ka Jerusalem na shampha wan kang. Lata, ngi raq ramwe jongbi jaq wa arang lap wan lata, Shiikeawe sengi maiq pahea phaqtek mong na dungdung she shaq baiq wan kang. Kiimaq tsangshiq ka tsea baiq miitu kha tantaq akhing ranaiq niimin, mungmaiqse rai tri ka ngi riimin pong wan dam kang.

Acts 5:18

Kra riipho wantaq krai mren, tsangshiq raq kiimwebi ka lap raüta, nokmaiqse shaq chang phaqtek na shaqto.

Acts 5:20

“Shomjam kiina kironglaq. Lanta, kiijaq mungmaiqse ma ara rilung anye lamphan bomchong ara chongkuq kirongkiq,” nguta thaüto.

Acts 5:33

Riita, Rung na ngati welabi raq ara bomtre ka tai raüta, tsangshiq ka walü wa ikhiishe khiqtrangto. Krai mren, tsangshiq tsankhiq tsi ma, kiimwebi ka kiijiili tiitsea baiq nguta danto.

Acts 5:40

Tsangshiq raq kiimwebi ka kinphai wa Rung khok na tiiheaki nongto. Raüta, chunpo-nyam chongwai maq petanok ma ninta tiitsatto. Raüta, tsangshiq ma aming atsin maq hali, Jesuq arang maq trahoke maimak nguta aming kuq nongto. Raütiishe, tsangshiq raq kiimwebi ka phaqtek mong wa tiidong baiqto.

Acts 7:38

Apaiq ka Israilnok rai kumtsaiphii na adam maq thungtii wan damto. Kiimaq, Sinai Pum maq Shiikeawe rase ka apaiq rai riibom damto. Kra akhing na apaiq ka natitiim rai adam riito. Kiimaq, apaiq raq Shiikeawe bomtsi atra tsütsa ka jaü raüta, nashiq ma kuqto.

Acts 7:54

Stephen raq traho bom chongke kra tai raütiishe, Rung na ngati welabi thun ka, tsangshiq tsankhiq trang ka, walü tlaq ikhiishe amok dungdung khiqtrangto. Kiimaq, tsangshiq tsankhiq tsi ma, tsangwi tiitsan watrang liishe riito.

Acts 7:58

Raüta, apaiq ka Jerusalem chela chiiphai na hitho raüta, long maq tiiqbaiqto. Apaiq tsea baiq damti hakhibi thun raq, tsangshiq samtongjong thun ka, Saul nguta jero we ashi kiima tiikhe thüto.

Acts 8:14

Kiimaq, Jerusalem na siti kiimwebi riimin, Samaria na siti mungmaiqsetiim raq Shiikeawe bomtsi ma kamwanto nguta tsütsa ka taito. Krai mren, tsangshiq raq Petar nai Johan ka tsangshiq phana tiiwato.

Acts 8:2

Kamasham na arang aphatibi thun ka riitam raüta, Stephen maa ka pinthum shreng raüta, maaho maanyi maq saiqsamto.

Acts 8:4

Shatmaq, Phungmaiqsetiim ümchuwa pin wantaq kra raq, barap binrii na khum wan wan raüta, Tsütsa Ahea kriishe chongkuq wanto.

Acts 8:5

Kiimaq, Philip ka Samaria wang na chela ajong pinthumti kiina wawan raüta, mungmaiqse ma Khristo tsütsa kra chongkuqto.

Acts 9:31

Riita, ara chong tiikai arai mren, Judia wang na, Gelili hong na, kiimaq Samaria wang na siti phungtuti thun ka, ahai asong jam min ahü miishe, hansang miishe shongngato. Kiimaq Asii Wenyi jaqkhong maq, tsangshiq raq ningkun lap wanto, kiimaq Tatiwe ka kai shreng raütiishe shongnga wanto. Krai mren, phung na shang wanti maiq ka pawan ruq li she pawanto.

Romans 1:32

Tsangshiq raq Shiikeawe tri na, akha ngarai tang wantibi ka, atsai lam mirhum nguta chong tlo nguta kiimin asap. Kra sapshat shat taü maq dongdii min, tsangshiq raq ngarai thun kra tang wan ruq miili sitlo. Kli min riimak; nanok ahinti raq ngarai klo tlaq, kriimin asom li riidam tlo.

Philippians 1:12

Ngi raq namshiq ma chongke rotiikang ka ara: Ngi ma jamlai mra wa pintaq, kriiraq Tsütsa Ahea jaqsham kli tiinyii wanto.

Hebrews 11:27

Kiimahali, Mosheq raq kamtsantsii maq, Ejip mung ka miimthüto. Apaiq ka, hokham we tsankhiq miimin hai mak maq, Ejip mung wa laü wanto. Apaiq raq, mak maq chhilot mai Shiikeawe ka, asham chhi shat ngo chang chang ikha, apaiq tsan ka jai nü na jangkai nong nguta akhiismin man mak she wawanto.