Acts 8:1 - Muklom

¹ Saul piq tatik thina rokrum angta. Ethi saal tho Jerusalem mondoli rapney tahikham tsamnang angta. Apostle tang tha dak chak eq adak uhan miqtang Judea nia Samaria mung na phalta.

ASII LAKDAP Bible (BSI)

¹ Kiimaq Saul riimin apaiq tseabaiq na pong damto Kra ranaiq miili she, Jerusalem wa Phungmaiqsetiim ka pinthum tiichamchao pha wanto, kiimwebi kli Jerusalem na sito. Phungmaiqse abiti thun ka, wiita Judia nai Samaria wang na, barap binrii na pongpin riipin pin wanto.

Hawa Naga Bible 2001

¹ Sholu muinz miq thvt gay tueq nuex raz naungx tueq. Kvruex raungnuiyq maq phaungc vtueq Yerusalem wawc phungc kuex pinhtumc guirguenc rvhumc phaungc wvnc tueq. Kvkhoc rvtueq tsuingshiq kuex Yuda mungx, Samaria mungx htenc nuex panx yanx rv-phvlc wvnc tueq, kamx waz hez dvyx shex kvjungx tueq.

Acts 8:1 Referencias Cruzadas

Matthew 22:6

Etho adak tang they usanga tang tha watta etho tatik chakta.

Matthew 23:34

Ethi rangma nga nim relnáng rangsamal tang etho thunglam samtey etho tataltey tang tha takat phang náng. Etharin nim aa ethiwang chamteytey tha tatik eq chak nin etho bólq sho botchak nin, etho chamteytey tha nim aa synagogue o wat nin, etho samhaq shiwang phanchak nin.

Matthew 5:13

“Nim raa iri mingkang haq simm mal, etharin simm siim raa bangti ajo, chamal eq wey jin tasiim nin? Esha chamtho jin som mi ang nin, eshirangma bichak eq nin etho ja eq dapnak nin.

John 15:20

Nga nim ma bat eq taphang raaq shi tasik inn, ‘Qha sha tangteywa pheynáng eq ajong ang moq.’ Ning aa nga tahikham taphang jo nim tho tahikham eq phanin, ning aa iraaq tat ajo nim raaq tho utat eq na.

John 16:2

Ning aa nim sha synagogue tang wang latchak phanin, etho rangham thu chey pha, baluk o nim tatiktey tang Shkewa rangma nong i ta tathin na.

Acts 1:8

Asang Tsija sha nim khom o thupha jo, nim aa tarong kap nin, etho nim aa Jerusalem, thaji Judea mung, Samaria mung etho iri mingkang thaji haq shi náng ka eq imikkhi kot nin.”

Acts 13:1

Antioch mondoli na rangsamal tang etho tataltey tang angta: Ning Barnabas, Simeon bara Niger ta halta, Cyrene wang Lucius, Herod governor jamoq nijang wang hun chalotey Manaen etho Saul angta.

Acts 13:36

Chammatakoi David sha atharang tok tho Shkewa tinthin jaksom somlo eq tita, etho piq tey aa wa tang jamoq bung ta. Etho eshina piq hanphung shalti ta.

Acts 2:47

Etho ning aa Shkewa tha tasapsey ta etho thaji miqtang ning ma ramta; etho barey ulun kapta Teyhungwa salwet ning waan shina tharum ta.

Acts 22:20

Ba miikkhi kottey Stephen baluk o tatik ta nga ni nga hun eshina angtáng etho piq tikwat shina nga rokrum angtáng etho utikwat tey khat tha nga tun shing táng.’

Acts 26:10

Jerusalem na nga irimal hun somlo táng. Ajong tingwa tang authority wang nga Teyhungwa miqtang daqhan sha chuk náng saktáng; etho ning tatik ma raaq wan atho nga tho aqhal ta bat táng.

Acts 5:18

Ning aa apostle tang tha lo eq chuk náng sakta.

Acts 5:20

“Ka inn, Rangnuk him náng langka eq, iri anal rollung raaq tang ri thaji miqtang ma bat inn.”

Acts 5:33

Jehudi rongh na tongtey miqtang aa iri raaq raa tat eq rapney khata ethi rangma ning aa iri apostle tang raa tatik eq chak ma tathin ta.

Acts 5:40

Ning aa apostle tang tha himmong náng halta etho kan eq watta. Jesu miing o somlo eq miqtang ma bat moq angma ning ma batta; etho ning tha kat ma kot ta.

Acts 7:38

Piq aa Israel miqtang sha jatqhip na thajoq ta; piq Sinai haqkan na rangkamwa jamoq raaq wan ta etho hiqtang tey aa wa tang jamoq angta; etho piq aa atharang rollung raaq kap eq hiqtang ma kot ta.”

Acts 7:54

Jehudi rongh miqtang they iri raaq tang raa tat eq ning Stephen ma khata, etho ning aa paa tha tachik kakta.

Acts 7:58

Ning aa piq thalo eq samhaq hang náng solkat ta etho piq tha long eq patta. Etho miikkhi tey tang ning khat tang tha chok eq Saul ta miing aa jaro washey rel o shingta.

Acts 8:14

Samaria tang aa Shkewa raaq thang ta, ta Jerusalem na tongtey apostle tang aa tat ta, eshirangma ning aa Peter nia John tha ning jamnáng takat ta.

Acts 8:2

Shkewa samtey wang chamtey tang aa Stephen máng tha bungta etho piq rangma tintashit ta.

Acts 8:4

Uphaltey uhan miqtang aa tungtang aqhal tha ning barina angta eshina phanchan ta.

Acts 8:5

Philip Samaria samhaq náng kat eq miqtang thima Khristo raaq phanchan ta.

Acts 9:31

Etho irimal thaji Judea, Galilee, etho Samaria mung mondoli tang aa nungmay kapta, etho urong ang chey ta; etho Teyhungwa ma cho wang tong ta etho Asang Tsija tinthajong o mondoli tha cha chey ta.

Romans 1:32

Irimal jaksomtey sha utik ang ching ta Shkewa asing thong aley sha ning aa sam eq aa. Irimal sam eq tho ning aa esha hun somlo chey roq eq aa etho irimal somtey adak miqtang ma tho tintharong bat aa.

Philippians 1:12

I pho nia no tang, i jamna chamlang angta, eshiwang tungtang qhal taqhong dang rangma nong taphin.

Hebrews 11:27

Kam tungkang o lungwang tinqhat ma cho hunga Moses Egypt haq tha shingchak ta; utang eq tho khi moq Shkewa sha khi aa thimal ang eq piq uwel angma thamjam chey roq angta.