Hosea 7:11 - ASII LAKDAP Bible (BSI) Angi parokaü phephiiq raitlaq ikha, Israilnok ka phephiiq raitlo, apha na Ejip mung tijong hokito! Kra jai maq Asiria mung tijong hokito! tsangshiq raq ngi alaq riibaiqto. Hawa Naga Bible 2001 Israel kuex vruc hituiuc kuiux shiz ikhoc baungshiz maq baungshiz nuex kvhttot khuemx yaq; piq miqsaz htenc kuex vphaungc romc kuy rvhumc tvkoc Ejip wawc thoz tueq, kvruex yimaq tsuingshiq rueq Asiria kox nuex yuz wvnc tueq! |
Asiria mung pengti Hokham Ajong Pinthumwe Tiglath Pilesar raq Israil mung ka khatto. Kriikha na Menahem raq apaiq ma kampho ngam ka hingroqtsam ri hingblai kilogram kuqto. Kriika Menahem apaiq hokham ngachang Israil nung thaq na sitlaq kra mitiiphaq kuqlaq nguta kuqto.
Ahaj raq Asiria mung rümti ajong hokhamwe Tiglath Pilesar phana kiimwebi tiiwa raüta tsütsa ka akha tiichong wato: “Ngi ka ümwokhong na tsapkapkap maq siti ümjaqshi se. Arningkhan ümniika ana kira. Laüta ngi ara Siria mung nai Israil mung raq khat wantaq arwa tiichhii kuq kikiq.”
Jurwa tsii achongkuq shipoqtlaq; kriiti ka maiqmiili tiisha phaqtlo. Shatmaq jurwa tsii achongkuq taitlaq, kriiti ka taksu maiqse ma mija wan.
Maiqjiqti raq phaqchi tsin miitu, laktlang kai kampho wanbaiq ka atuli. Jamkhano ngukla atsii sintla ahü.
Shatmaq maiqchak rai srakaiti ka, tsiihü pinthum. Apaiq raq maiqmii rilung ka, atu na shiithen baiqtlo.
Ejip mung na kilaüta jamlai liip wa milap haü? Nail rai kham nyangkai ngutiisha? Asiria mung na walaüta jamlai liip wa milap haü? Euphretis rai wa kham nyangwa ngutiisha?
Namshiq ka maiq mung ahinti thun phra kong jaiphan wan lantea, namshiq maiqmii miinu kra thiinin miishe tiijabaiqlan. Asiria mungti raq namshiq tsiim tiijübaiqto, kiikhiisii hali Ejip mungti riimin mitiijübaiq.
Tsangshiq ka Ejip mung wa, wushikong laü wantlaq ikha miwa, Asiria mung wa haütaükong laü wantlaq ikha, ngi phana miwa,” nguta Tatiwe raq ngutlo.
Tatiwe raq ngutlo, “Israilnok raq ranapchu maq riita, ratiijidoq pongmungti rai silu lamphan, tongshong wantlo kriika, atuli mimoki kiimaq athen mirki. Tsangshiq raq Asiria mungti rai tongshong wanto. Kiimaq Ejip mungti ma piikii lam dikuq wanto.”
Tatiwe raq Juda mung ma kha nyantlo. Apaiq raq Israilnok kiimin, tsangshiq raq ashut klowantaq kra phanphan, sintsang mitiiho. Tsangshiq raq jamkho ashut kowantaq, kra khan khan khatham mitiichamchao.
Naishiq Asiria mung raq tiikhup wongkuqlot mak. Naishiq tiichhiilot mak, rekhat kumrang kong raq. Naishiq jaq maq ahai sumla, ‘ümniidea naishiq shiikeawe’ nguta noqmai she. Thümwaq manti khrumti, O, Shiikeawe lei, ümniili.”
Tatiwe raq nguto, “Che riidea, che nai spiqtai bak nyang raüta, isenginok sung atsii wiita then wanto!
Isenginok ka thento she. Tsangshiq raq ngi ka juwa sapmak kha na. Namshiq ramwebi raq ngi sapman shishe wan lan. Kiimaq ngi raq ashrinkuqha tri shishe wan lan, kra ningkhan ngi riimin namshiq ka shleqbaiq tiikang, kiimaq namsetiim ka ka ngi ramwebi ma nguta thüwan mang she mirha.
“Israil mung raq tsangshiq ngarai thatsi chhito. Kiimaq Juda mung riimin tsangshiq ngarai homa chhito. Raüta Israil raq Asiria hokham tijong howato. Shatmaq Asiria hokham raq, tsangshiq ngarai tsi ka tiihea lot mak riito.
Tsangshiq raq abi ngarai pahea klowanto. Kriiraq tsangshiq ka Shiikeawe phana tiiwa mak shangbaiqto. Tsangshiq raq sumla phra shomnoq tlaq kra, tsangshiq khachang kharü ma jakito, tsangshiq raq Tatiwe ka sapmak laqbaiqto.
Tsangshiq raq ngi ka shomnoq wantlo. Raüta honglu ngamrea phaq wantlo. Shatmaq ngi tsangshiq Tatiwe ka, tsangshiq ma tsankhiq. Ümchaü sanha tsangshiq ngarai thop ka, tsangshiq makki niishe michekuqha. Lata tsangshiq ka sintsang miishe mitsatha. Lata Ejip mung niishe mijobaiq nongha!
Israilnok ka Tatiwe raq akuq tsangmung na silu mak she miraq. Tsangshiq ka re raq Ejip mung na hali mitsuqho nong. Kiimaq Asiria mung niishe mitsuq wan. Raüta kiijaq apii chang phan kriishe miphaqsiq wan.
Shiikeawe sintsang she saüki raüla, Israilnok ka barap niishe mitiipinbaiq. Ejip mungti raq tsangshiq ka adam na mirchom. Raüta Mephi chela na tsang maaphong milap! Tsangshiq rongwin wan chang hiqshong thun ka, hiqmiqchangkhü ma mija, shukrü tonglong lishe miraq.
Ümkongtinok thun raq, ümnaq laobaiqto. Tsangshiq raq ümniika ümmung wa jobaiqto she. Ümniirai wehea mungti raq, ümchaü ümnaq longto. Raüta ümniika tangto. Raüta ümhiqshong jiiwanto. Ümniirai dung pinshi na seati raq, Ümnaq tiidea chang thiikho thuto, Tsangshiq raq ümnaq ngutlo, ‘Apaiq khonglaq phaqchi ira ümbano?’
“Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.