Hosea 7:11 - Hawa Naga Bible 2001

¹¹ Israel kuex vruc hituiuc kuiux shiz ikhoc baungshiz maq baungshiz nuex kvhttot khuemx yaq; piq miqsaz htenc kuex vphaungc romc kuy rvhumc tvkoc Ejip wawc thoz tueq, kvruex yimaq tsuingshiq rueq Asiria kox nuex yuz wvnc tueq!

ASII LAKDAP Bible (BSI)

¹¹ Angi parokaü phephiiq raitlaq ikha, Israilnok ka phephiiq raitlo, apha na Ejip mung tijong hokito! Kra jai maq Asiria mung tijong hokito! tsangshiq raq ngi alaq riibaiqto.

Hosea 7:11 Referencias Cruzadas

2 HOKHVMX 15:19

Asiria honoc Tiglat Pileser rueq Israel mungx nuex nyuip vtueq khvt tueq nuex, Menahem rueq muinz mungtan kuex piq luimc vkawc maq guimz yaq nuex htuiz daungx hungc vlaungc kuy lvp laz juing ngoz tueq kuimphox kilogram 34,000 kuq tueq.

2 HOKHVMX 16:7

Ahaza rueq Asiria honoc Tiglat Pileser kox nuex vkhoc bomjungc rulc vdvmz piq miq kuex tvkaz tueq: “Ngaz kuex mnoz muex tvluimc jix mnvrc waz rvtauk. Ngvy khvt jix Siria hokhvmx nuiyc Israel hokhvmx yauk wawc ngaz kuex palc kaz loq.”

TAKSU LAK 15:32

Tvluingc lvmz kuex mnoz rueq tvdux gay ruiux yuq, mshauk pumz tvthuiuz sac rvtueq. Tvhonc tvtharc kvjaz mnoz rueq lvp wvnc ruiux kuex tharc httaz hvlc miq muex mnoz yaungx wvnc tuiux.

TAKSU LAK 17:16

Vngaz jix tvkoc kuimphox shuimx vtueq luik tvluing laung yaq kuex yvmx vjux muinz httax muq, yvmx khoc lac ngoz ruiux lec piq nuex phaqjic httax muq.

TAKSU LAK 6:32

Yuq muinz miqjuik nyuiuz senc jix waz kuex tharc vhttax waz rvmuq, piq kuex miqmac shauk vgvnz tvbac gay jix waz dvyx rvtueq.

JEREMIA 2:18

Majuiuc mnoz kuex Nile yuix nuingc kay Ejip mungx nuex kay kuex vjux vhttax ngoz tueq haz tvmaung vshuiux? Euphrat yuix nuingc kay Asiria mungx nuex kay kuex vjux vhttax ngoz tueq haz tvmaung vshuiux?

JEREMIA 2:36

Nuimshiq rueq vganc miqphvnx tishox htenc nuex kvnvp vtuinx. Nuimshiq kuex htawz guez tvyaungc jix Asiria mungx kuex mnoz muex romc kuy tvkoc tvkhvlc gay tueq ikhoc, Ejip mungx rueq muinz tvkhvlc gay shuex.

Hosea 11:11

Tsuingshiq kuex wushawx ikhoc Ejip mungx maq muinz, hituiuc ikhoc Asiria mungx wawc muinz makmak httuiuc wvnc wuez ruex. Ngaz rueq tsuingshiq kuex tsuingshiq yuimx htenc nuex shvlx wvnc yek shaungx. Ngaz Yehowa rueq jungx vshaungx.”

Hosea 12:1

Israel miqsaz rueq raungnvp maq raungx tvyac laz shuimx yaq phvnx ruip saz kuex khuec guez nuiyc vbac gay juing dvyx rvtueq. Vkhawc vlvlc nuiyc yauk laungc yalawx phvnx kuex tsuingshiq nuex pinhtumc paung wvnc tueq. Tsuingshiq rueq Asiria rulc bomshuit taq ruiux Ejip miqsaz rulc pvkac pvylvyc yauk shuimc vdvmz nuex shuimx tueq.”

Hosea 12:2

Yehowa rueq Yuda miqsaz muex mvrax tvgurc juing vhttax doc; vpiq rueq Israel muex muinz tsuingshiq honc vyaungc tv-phvnc murx tvgurc shuex. Tsuingshiq rueq shuimx yaq rulc rv-ngvlc vpiq rueq tsuingshiq muex tvyez kuq shuex.

Hosea 14:3

Asiria rueq nuiyshiq kuex mkaq muinz palc wvnc lot muq, ralx lungc mvre htenc rueq muinz nuiyshiq kuex tvwungx lot muq. Yac yuimx htenc kuex nuiyshiq Tishox ngoz tueq mkaq muinz jungx miq shex. O Yehowa lex, tvluimc juing miq vshiz muinz lvp muq jix htenc muex menjenc thuinz tvkhic kuq koq.”

Hosea 4:11

Yehowa rueq, “Svpiq tix, vkez vnyalx vnueyc wvtaungx rueq ngvy miqsaz htenc honc vtharc kuex tvmaq gay tueq!

Hosea 4:6

Ngvy miqsaz htenc rueq ngaz muex kvjungc wuez muit ningkhvnc nuex vphoc rvhumc wuez vtuinx. Nuimshiq shomc waz bix rueq muinz ngaz muex kvjungc tvkoc tvlvlc gay tuit, ngaz rueq tvluing vphaungx kuex tvdux gay tuit, kvkhoc rvtueq ngaz rueq nuimshiq kuex tvdux gay ruiux nuimshiq saz miqwaz sahez kvmuinz ngvy shomc waz bix ikhoc tvyaungc wvnc shaungx rvmuq.

Hosea 5:13

“Israel piq kuex mtanc lac thuiuz yaq nguinx kvmuinz, Yuda piq mac mtanc lac mac yaq nguinx kvmuinz khiz shuex nuex, Israel kuex Asiria kox nuex kaz vtueq romc kuy tvkoc honoc yungx waz muex wisoz shuex, yuq muinz piq rueq tsuingshiq muex phemc kuq lot muq, tsuingshiq mac kuex tvhvlc lot muq.

Hosea 5:4

Miq htenc rueq shuimx tueq layx vbac yauk shuimc kuex tsuingshiq Tishox kox nuex yek waungc juing wawc tsuingshiq kuex tuingshaung gay yaq.Yac yuimx nawk palx layx luimc vkawc yunghvlc rueq tsuingshiq kuex puingc wvnc tueq, tsuingshiq kuex Yehowa muex kvjungc wuez muq.

Hosea 8:13

Tsuingshiq rueq ngaz muex shomc nawk kuy shomc kuq vtueq shomc nawk juing ngvmx kuex phauk wuez tueq. Yuq muinz ngaz, Yehowa rueq kvruex raungc raq vshaungx rvmuq, majuiuc tsuingshiq mvrax kuex rvwvl lvp vtueq kvruex tvkoc nuex tsuingshiq muex murx tvgurc shaungx; ngaz rueq tsuingshiq kuex Ejip nuex tvyek yek shaungx!

Hosea 9:3

Israel miqsaz htenc kuex Yehowa mungtan nuex httax ruq httax lvp tuinx rvmuq, yuq muinz Ejip mungx nuex yek waung vtueq Asiria mungx nuex tvwanc vruez phuiuz vsvy kuex phauk saq shuinx.

Hosea 9:6

Jamjaux kuilc daz httuiuc vtueq miq htenc tvpanc gay rvhumc tuex nuex, Ejip miqsaz rueq tsuingshiq kuex tvtuimx wvnc vtueq, Memphi nuex luip gay shuex! Tsuingshiq kuimphox tsak nyvmx nuiyc tsuingshiq yuimx httax yaq baung htenc kuex namx ruix nuiyc shuiuq rumz htenc rueq puingc wvnc rvhumc tuex.

Obadia 1:7

Mnoz muex nomic mungtan htenc rueq mnoz kuex laulawc gay kv-phux; tsuingshiq rueq mnoz kuex mmungtan wawc yurc gay kv-phux shex. Mnoz rulc nomic rvyaungc jix miq htenc rueq majuiuc mnoz shex taungx gay kv-phux. Mnoz rulc vdvmz phuiuz svy jix kungjix bix rueq mtvkoc bix tsvnc taq tueq; tsuingshiq rueq mnoz ngoc, ‘Piq nuex httax yaq miqjat lat lvmz lotlaz mnuex shex lac?’ ngoz tueq ngoz wuez yaq.

Matthew 10:16

“Tay shuinz! Khelbuenx kuex shoalx phungc nuex tvkaz gay shix ikhoc ngaz rueq nuimhez kuex tvkaz vphaungx. Kvkhoc rvtueq nuimhez kuex puiuc ikhoc tharc httax vtueq, hituiuc ikhoc thuinz tv-nyenz shuinz.