Hosea 14:3 - ASII LAKDAP Bible (BSI)

³ Naishiq Asiria mung raq tiikhup wongkuqlot mak. Naishiq tiichhiilot mak, rekhat kumrang kong raq. Naishiq jaq maq ahai sumla, ‘ümniidea naishiq shiikeawe’ nguta noqmai she. Thümwaq manti khrumti, O, Shiikeawe lei, ümniili.”

Hawa Naga Bible 2001

³ Asiria rueq nuiyshiq kuex mkaq muinz palc wvnc lot muq, ralx lungc mvre htenc rueq muinz nuiyshiq kuex tvwungx lot muq. Yac yuimx htenc kuex nuiyshiq Tishox ngoz tueq mkaq muinz jungx miq shex. O Yehowa lex, tvluimc juing miq vshiz muinz lvp muq jix htenc muex menjenc thuinz tvkhic kuq koq.”

Hosea 14:3 Referencias Cruzadas

2 KAÜWA WERAÜ 16:7

Kra akhing na Shammiwe Hanani ka Hokhamwe Asa phana kito. Raüta akha nguto, “Ümniiraq Tatiwe üm Shiikeawe dü na tiinin rii na Siria mung hokhamwe dü na tiinin tlaü kriikha na, Israil mung hokhamwe phenlabi ka ümjaq khon mong wa lun wanto.

Tvtsvmc 10:14

Shatmaq, ümniiraq chhitlaü; ümniiraq litkot chamchao maiqse ka achhi haü, laüta wranaiqshe tsangshiq khrumke miitu khekham sitlaü. Ümkoq ümphaqti raq akhum ka ümniima kiinong kuqtlo; ümniiraq athüm alitti ka wranaiq she khrum tlaü.

Tvtsvmc 146:3

Hanngam welabi miika naqkamkiq; maiqse riika ümnaq tiichhiilot mak.

Tvtsvmc 146:9

Apaiq raq namung na siti wanshabi ka tiiwongkuqtlo; apaiq raq manti-nyungre nai jechise kong khrumtlo, shatmaq abi klotibi ka tsangshiq then wan lam na sheahotlo.

Tvtsvmc 33:17

Rekhat chang kumrang kong ka thiihü atuli rekhat tang mak; tsangshiq ningkun hengtlaq kriiraq tiichhii wan lot mak.

Tvtsvmc 68:5

Shiikeawe, apaiq asii Shomjam na sitiwe raq, jechisere rümtlo kiimaq manti nyungre tiiwongkuqtlo.

ISAIA 1:29

Ümniiraq pechong thun shomnoq wan kiimaq asii bagan thun chhijang wan kha na, ümniika pinthum tsantsi mongtsi she mitiishudaq wan haü.

ISAIA 2:20

Ümtiikiiwa kra ranaiq akhing she saüwa jiiq, tsangshiq raq chaq nai kampho maq atiiq sumla phra phong ka rum niishe mibaiqki. Raüta kriithun ka juk kong nai phaqsaiq kong miishe mikiinong kuqbaiq.

ISAIA 27:9

Shatmaq ümtiikiiwa thatsang maiqse raq phra thun shomnoq chang berong-wacha longkaü thun kra wiita hiqrai shottlii maq tiithenbaiq jüq, kiimaq homseng honglu chaq chang berongwacha thun nai Ashera phra nyung shomnoq chang berong thun kra apun tiichong mak tiithenbaiq jiiq, kra raüta Israilnok ngarai thun ka midiikuq.

ISAIA 30:16

Kra rii na, namshiq riika phiqhea jutlaq kumrang kong thaq na chao lanta namjaqti makki wa jurong i nguta thapthitlan. Kriika tengto. Riikhaqli dea. Namshiq ka namchiim jin aju changli she dea! Namshiq riika namkumrang kong ka phiqhea mijulot nguta tiimatlan. Shatmaq namshiq jotinok ka aphiqlin miju kiiphan!

ISAIA 30:2

Tsangshiq ka Ejip mungti tijong hokai ngi rai tsii riiwai mak maq kihoto. Tsangshiq ka Ejip mungti ka tsangtijongnok ma tiijakai kihoto. Tsangshiq ka Ejip mung hokhamwe ma kamtlo.

ISAIA 31:1

Ejip mung tijong horaüta ümchuwa Ejip mung na laühotiiti thun ka wiita miqto she! Tsangshiq ka Ejip mung phenlabi ningkun ma kam raüta kihoto. Kumrang kong, kumrang leng phong, kiimaq phenlabi riiphongtlaq kiima kamtlo. Shatmaq tsangshiq ka Tatiwe, asii Israilnok Shiikeawe dü na tiinin mak. Kiimaq apaiq jaq wa khrum min jaü mak.

ISAIA 31:3

Ejip mungti ka tisho kong ka riimak. Tsangshiq ka miinan han-ngam maiqse siili. Tsangshiq kumrangkong ka winjikong ka riimak. Ümtiikiiwa Tatiwe raq chongwai shamjiiq, maiq mung ningkun jonghea rümti mung kiimin wiita miqchup mithenki. Kiimaq ningkun ajom mungti tsangshiq tijong horaüta siti ka wiita miqchup mithen wan. Tsangshiq mungnai wiita khoshi na mitiideabaiq. Raüta mithen.

ISAIA 36:8

Ngi raq ümniima hokham ajongwe mang na, ari athii ka amiitang riipha shaq na. Ngi raq ümniima kumrang kong hingnai mikuq kang rekhat ma, ümniiraq kumrang thaq na chaoti phenlabi maiq kiichu asi nguhaü jiika.

JEREMIA 49:11

Namsetiim manti nomi sekong ka Ngi rai baiqthü ronglaq. Ngi riitiq tsangshiq ka midunghiq wanha. Nam-nyungtiim manti-nyungre kong ka iwokhong na misilaq.

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

EJEKIEL 37:23

Tsangshiq raq tsang khum ka maiqphai asi sumla phra thun maq tiisheshi mak she miraq. Riimakla tsangshiq raq tsang khum ka ngarai maq tiinam mak she miraq. Ngi raq tsangshiq ka lamlu ümchu no ngarai tang wantaq raüta Ngi ka shishe wantaq kriiwa midok wanha, lata wasetiim miishe mitiijaha. Ngi raq tsangshiq ka atiisii she mirha. Tsangshiq ka Isenginok she miraq. Kiimaq Ngi ka tsangshiq Shiikeawe she mirha.

Hosea 12:1

Tatiwe raq ngutlo, “Israilnok raq ranapchu maq riita, ratiijidoq pongmungti rai silu lamphan, tongshong wantlo kriika, atuli mimoki kiimaq athen mirki. Tsangshiq raq Asiria mungti rai tongshong wanto. Kiimaq Ejip mungti ma piikii lam dikuq wanto.”

Hosea 13:2

Tsangshiq riika ümchaü min ngarai tang wan ruqli. Kampho ngam maq maiqse khutsai na tiima dongtlaq kra phan phan, maiqse raq ajaq maq sumla thun tiiq wan raüta noq wantlo. Sumla thun kra tiiq raüta, ‘Mungmaiqse loi, ara phrakaü thun arma honglu kuq ronglaq!’” nguta tsangshiq raq ngutlo. Liironglaq, tsangshiq raq, minsaü pongwe sumla thun kra shomnoq wantlo!

Hosea 14:8

Israilnok raq sumla phra thumthum, raq na mitiikü baiq wan. Tsangshiq achujaü ngi raq mitre wan ha. Tsangshiq ngi raq mitiichhanchhi wanha. Langjong pechongtsung ikha, inyam mong na midung wanha. Tsangshiq achu shiiman ngi raq mikuq ha,” nguta Tatiwe raq chongtlo.

Hosea 2:17

Jamkhano ngukla kra akhing na, Ngi raq anübok wa Baal phra mang thun ka alamshe mirbaiqha. Krai mren Baal phra mang thun ka tsangshiq nübok maq dongmak she miraq.

Hosea 4:12

Liimanta! tsangshiq raq pepan kiima, shammi bom chong laq, nguta riibom dam tlo! teitlang chang piq kii ma, ‘Chongkuq laq’ nguta bom wai tlo! Tsangshiq raq ngi ka miimbaiqto. Raüta mephe-nyung ikha, tsangshiq sumla puk na nyap wanto.

Hosea 5:13

“Israil mung raq tsangshiq ngarai thatsi chhito. Kiimaq Juda mung riimin tsangshiq ngarai homa chhito. Raüta Israil raq Asiria hokham tijong howato. Shatmaq Asiria hokham raq, tsangshiq ngarai tsi ka tiihea lot mak riito.

Hosea 7:11

Angi parokaü phephiiq raitlaq ikha, Israilnok ka phephiiq raitlo, apha na Ejip mung tijong hokito! Kra jai maq Asiria mung tijong hokito! tsangshiq raq ngi alaq riibaiqto.

Hosea 8:6

Arka Israilnok tiiqwe raq atiiq wan. Arka Shiikeawe riimak! Samaria chela na noq tlaq minsaü sumla, bunlak buncha she mitiibun wan.

Hosea 8:9

Tsangshiq raq Asiria tijong howanto, alii arki kumtoq kaü ikha, ashpuq wan maimak. Kiimaq maiqmung ahinti ma, retang kuq ronglaq nguta kampho kuqto.

Jona 2:10

Kiijiishe Tatiwe raq ngiq kaü kiima aming kuqto. Krai mren, ngiq kaü raq Jona ka kumtsai phii takii na phaibaiq wato.

JEKERIA 13:2

Kra akhing na, ngi raq armung wa phra mang thun wiita mitiithumbaiqha. Kriithun ka jai na jurmin tiimaki mak she. Ngi raq arot shammibi wiita milambaiqha. Kiimaq phra sumla noqpi tsantsii ka wiita milambaiqha.

John 14:18

“Ngi wawan jai, namshiq ka jechi nomi setiim ikhiika, tiimang chan mang. Ngi ka namshiq phana hali mijangki nong ha.

TRI CHONGKE 17:16

Hokhamwe raq apaiq phenlabi miitu kumrang kong ka pahea thü mai mak. Kiimaq apaiq raq asenginok ka Ejip mung wa kumrang kong tri kai tiikai maimak. Jamkhano ngukla Tatiwe raq asenginok ka kra mung na ümtiikiimin jangkai maimak nguta nguto.