Hosea 14:4 - ASII LAKDAP Bible (BSI)

⁴ Tatiwe raq ngutlo, “Isenginok iwura maq mitiihamha, Tsan nai mongjii kuq lata, tsangshiq milungwii nongha. Tsankhiq walü thumto she. Tsangshiq khu min liiqkang she.

Hawa Naga Bible 2001

⁴ Yehowa rueq, “Ngvy miqsaz kuex ngaz kox nuex shvlx wvnc yek shaungx. Ngvy thuinz vmungx lotlaz maq tsuingshiq kuex ngaz rueq lungwawx shaungx; tsuingshiq muex mkaq muinz ngvy thuinz tvkhaq mauk shex.

Hosea 14:4 Referencias Cruzadas

Tvtsvmc 10:14

Shatmaq, ümniiraq chhitlaü; ümniiraq litkot chamchao maiqse ka achhi haü, laüta wranaiqshe tsangshiq khrumke miitu khekham sitlaü. Ümkoq ümphaqti raq akhum ka ümniima kiinong kuqtlo; ümniiraq athüm alitti ka wranaiq she khrum tlaü.

Tvtsvmc 20:8

Akhnok maiqse ka atiithap rai raüta mikü rai, shatmaq nashiq ka chap rang laita tiime mai maq mikhat rong i.

Tvtsvmc 78:38

Shatmaq Shiikeawe ka asenginok ma tiihang mangchan tiitsishat riito. Apaiq raq tsangshiq ngarai ka adii riikuqto raüta tsangshiq ka shiithenbaiq mak dea riito. Jang pahea atsankhiq ka anin raüta shiikhingto kiimaq atsankhiq walü ka tsangshiq thaq na tiinyai chaq mak anin riito.

DUNGWVNC 15:26

Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”

ISAIA 12:1

Ranaiqshi akhing saü raüjaq nokwe raq akha mishinge, “Tatiwe lei, ngi raq ümnaq tiitsam tiikang! Ümniika ngi ma akhiq riilaü, shatmaq ümchaü ka ngi boqpumtlaü, kiimaq ngi rai tsan riikhiq maüshe.

ISAIA 55:1

Tatiwe raq ngutlo, “Warong ra, loweatek khamnyangtsiti— arjaq kham asi! Warong ra, namshiq kampho ahüt— püwong ka ri lantea phaq ronglaq! Warong ra! spiqtai nai minsaü pü ka rilanta nyang ronglaq— namshiq ma rihü maq kuqtlo!

ISAIA 57:18

“Tsangshiq raq jamlai wa klowantaq thun ka Ngi raq chhikang she. Shatmaq Ngi raq tsangshiq tsisi ka atiihea she mirkuqha. Ngi raq tsangshiq ka mishun shea wanha. Lata tsangshiq ka mikhrum kuqha. Kiimaq juwa aho ajii sitlaq kra atiijaiq mirkuqha.

JEREMIA 14:7

Isenginok raq ngi ma hoq trangtlo, ‘Naishiq ngarai raq naishiq shra raü min, naishiq khrumlaq, Tatiwe lei, ümniiraq ümkiq khamkuq laü kra phan phan. Naishiq ümwokhong wa jang pahea donghokai; naishiq raq ümmakki na ngarai tangkai.

JEREMIA 17:14

Tatiwe ngi tsi ara tiihealaq. Raüla phintsaqtsaq she miheakiha. Ngi tiiwong kuqlaq. Raüla ngi ka minhap tiichhiije she miraq. Ngi raq ümniikli tiitsam tiikang!

JEREMIA 3:22

Jangwa rongkiq, namshiq tarü Tatiwe wokhong wa kiholanti thun; apaiq raq namshiq thatsi ka atiihea mirkuq kiimaq namshiq ka maiqshaq miishe mitiija wan. Namshiq raq ngutlan, “Tengto, naishiq ka Tatiwe wokhong na jang wan nongtiikai. Jamkhano ngukla apaiq ka nashiq Shiikeawe.

JEREMIA 31:20

“Israil lei, ümniika ise ngi raq pinthum mangchan tiikang. Ümtiikiiwa Ngi raq ümmang chong tiikang, Ngi raq ümniika lungwiikhiq maq tiimasiq tiikang. Imongjii ka ümnaq miili rantlo; Ngi raq ümniika mitiihangha.

JEREMIA 33:6

Shatmaq Ngi raq ara chela tsisitlaq kra nai ara chelati mungmaiqse tsisitlaq thun ka atiihea mirkuqha. Lata tsangshiq ka man na jamkho hansang sitaq kiikha khusang miishe mirüm wanha. Ngi raq tsangshiq ka khusang rakhang maq nai kiimaq kiqkap jaqshap miishe mirüm wanha.

JEREMIA 5:6

Kra ningkhan rum wa hangsi kong raq tsangshiq ka mikaq; kumtsaiphii rumnyangkhi wa shekong raq tsangshiq ka bunlak buncha mikaq phaq. Kiimaq tsangshiq chela thun mong na chiqwaiqkong wa raüta mikhephaq. Tsangshiq ka chela phai niishe dongki raüla, tsangshiq ka bunlak buncha mikaq phaq. Jamkhano ngukla tsangshiq ngarai ma ka ra ma hiq ma. Kiimaq tiithongkiki tsangshiq raq Shiikeawe bom ka tlea wanto.

JEREMIA 8:22

Gilead wang na tsiq ka ahü shea? Kiijaq tsiqtoqti phumshra ka ahü ahü shea? Ikhiijiika isenginok tsisi ka jamto tiiheakuq mak?

EJEKIEL 33:14

Kiimaq Ngi raq maiq ashut klotiwe kiima apaiq ka atsai miraq nguta honlam tsü michong kuqha. Shatmaq apaiq raq ngarai ka tang mak she tsaqki raüla, raüta jamlai wa riikhaqli kiimaq ahea kra shamlamho raüla—

EJEKIEL 36:36

Kiijiishetiq, atro na siti maiq mung thun raq, tsangshiq ka re jaq song lunwantaqti thun raq, Ngi, Tatiwe riidea atiithen baiqha chela thun kra haihun wan kang. Lata rumtang ma ajakaiwi wakram kra tsam man rü miishe tiija wan nong kang nguta misap wan. Arka Ngi, Tatiwe raq kiqkham kuq tiikang. Arka, Ngi raq miklo kuq wanha dongdii. Arka tengteng, Ngi raq miklo wan ha dongdii.”

Hosea 11:7

Isenginok iwokhong wa dongho roli hongla wanto. Krai mren maiqtijong howanto. Raüta maiqdikong ma jawanto. Chamchao tsi maq hoqphaq wanto. Shatmaq ngi raq tsangshiq maaho tre mang.

Hosea 2:19

Lata ngi raq ümniika pattup pat-sa miitu, ijamti-nyung miishe mitiija wan ha. Ngi raq ümniika tsapsaü kapse miishe milungwii wan ha. Ngi raq ümniima lungwiitsii ka pharang rang miishe mithü wanha. Ngi raq ümniima kaphap wan tsii mitiichhikuqha.

Hosea 6:1

Mungmaiqse raq ngutlo, “Ai warong ra nashiq Tati wokhong na, jang wan nong rong i! Apaiq raq nashiq ma mo tiihoto, na mitsi apaiq raq miphumkuq. Apaiq raq nashiq ma mo tsihea tiihoto, apaiq raq nashiq mi ka mijop kuq, riimaksha?

JEPHANIA 3:17

Tati üm Shiikeawe ka, ümniirai asi. Apaiq ningkun jong maq ümniima, rekhat mitiitangkuq. Tatiwe ka ümniima michochi, Kiimaq apaiq lungwii wokhong maq, ümniima rilung anye she mikuq. Apaiq ka ashi ange miraq, kiimaq ümniima pinthum michochi,

WEAWEA 25:11

“Phinehas raq jaqsham ahea klo kha maq, Ngi ka Israilnok ma itsan tiikhiq mang she. Apaiq raq laihin phra shomnoq ka pinthum ninlot mak Ngi li shomnoqtlo. Kra ningkhan tsangshiq ka itsan khiq li jiimin, Ngi raq tsangshiq ka tiijiimbaiq mang dea riikang.

WEAWEA 25:4

Kriikha Mosheq ma nguto, “Israilnok welabi ka wiita shea laq, kiimaq Ngi aming wokhong maq ranaiq shethung pii na tsangshiq thun ka jiipbaiq laq. Kra riihaütiq Ngi ka mungmaiqse ma itsan tiikhiq mangshe mirha.”

Romans 3:24

Shatmaq, Shiikeawe raq maiqse ka apaiq raq phe maq akuq, kaphap mangchan, Jesuq pum lü miishe dok daa wan raüta, maiqse ka apaiq rai wehea she nguta shram wantlo.

Ephesians 1:6

Ümchaü sanha, Shiikeawe ka kai shomra wan rong i. Apaiq raq nashiq ka achhai anyii kaphap khoqramkii maq takuq wanto she. Raüta apaiq raq kai lungwii tlaq, Ase pum na nashiq ma phe maq, kongphiq jonghea kuqto she!

2 Timothy 1:9

Shiikeawe raq nashiq ka chhii wanto she. Raüta, nashiq ka asengi miishe hea wanto. Shiikeawe raq nashiq chhii wantaq, raüta hea wantaq arka, nashiq ka maiqshaq sitiikai nguta riimak. Kriika apaiq tiima na, nashiq miitu jamlai wa thimi wantaq, kiimaq apaiq raq nashiq ka mangchan tlaq, kriithaq na seng raütli, nashiq ka shea wanto. Apaiq raq ra nai hiq min miphansang wan shaq niiphü dongdii, Jesuq Khristo kaphap mangchan wokhong maq, nashiq ka lungwiito.

Titus 3:4

Shatmaq, Shiikeawe nashiq Chhiiti we raq, maiqse angu tarü miitu apaiq lungwiitsii nai mangchan tsii jonghea rüm tlaq kra, nashiq ma tiichhikuqto she. Kra akhing ranaiq na nashiq ka chhii wanto she.