Biblia Todo Logo
La Biblia Online
- Anuncios -




Hosea 14:3 - Hawa Naga Bible 2001

3 Asiria rueq nuiyshiq kuex mkaq muinz palc wvnc lot muq, ralx lungc mvre htenc rueq muinz nuiyshiq kuex tvwungx lot muq. Yac yuimx htenc kuex nuiyshiq Tishox ngoz tueq mkaq muinz jungx miq shex. O Yehowa lex, tvluimc juing miq vshiz muinz lvp muq jix htenc muex menjenc thuinz tvkhic kuq koq.”

Ver Capítulo Copiar

ASII LAKDAP Bible (BSI)

3 Naishiq Asiria mung raq tiikhup wongkuqlot mak. Naishiq tiichhiilot mak, rekhat kumrang kong raq. Naishiq jaq maq ahai sumla, ‘ümniidea naishiq shiikeawe’ nguta noqmai she. Thümwaq manti khrumti, O, Shiikeawe lei, ümniili.”

Ver Capítulo Copiar




Hosea 14:3
36 Referencias Cruzadas  

Kvruex baunglaung shvmmax Hanani kuex Hokhvmx Asa kox nuex kaz vtueq, “Yehowa m-Tishox muex tvluimc tvraung Siria hokhvmx waz muex tvluimc ningkhvnc nuex Siria hokhvmx waz nolaungx bix kuex mnoz kox wawc dung kaz wvnc wuez vtuex.


Yuq muinz vkuilc vdaz nuiyc vjamz vjaux htenc kuex mnoz rueq khiz vtueq tvtsuingc taq vshuiux nuiyc romc kuy tvkoc mkaq muinz tvyoalc yoalx httax vtuiux. Romc kuy lvmx vguez waz kuex piq shauk pumz mnoz muex lekuq kvnvp httax ruiux; mnoz rueq rax yaq jix muex mkaq muinz romc kuq vshuiux.


Miqsaz vyungx vlaungx yaungc jix htenc muex nauk tvluimc kaz; miqsaz uraq muinz mnoz kuex palc lot muq.


Naungshiq ghaq vraungx nuex httax yaq pungnuk miqsaz htenc kuex vpiq rueq tvkhup wungx kuq yaq, mvntix nyuiuz tamx nuiyc nojix saz tamx muex vpiq rueq romc kuq yaq, yuq muinz layx bac jix htenc rueq kvmungx yaq lvmx kuex tvsuimz rvgay tueq.


Ralx khvt juing mvre muinz ralx taungx tvkoc shuimc mvy muq; tsuingshiq hungc vlaungc kvraq palc wvnc lot muq.


Vpiq vsawc Shomc Yuimx nuex httax yaq Tishox rueq, nojix sahez kuex tuimz guimz ruiux mvntix nyuiuz tamx kuex tvkhup wungx kuq yaq.


Nuimshiq rueq mkaq muinz nawk palx ruiux shuinx pulx jungx htenc nuiyc vsawc sunc htenc nuex pulx htenc khic yuingc wvnc tuit ningkhvnc nuex thuinbac rvhumc wuez tuinx.


Kvruex raungnuiyq httuiuc wvnc tuex nuex, tsuingshiq kuex tsuingshiq rueq vtvhungx kuimshawx kuimphox yac yuimx htenc kuex tuip gay ruiux, kvruex htenc kuex tvruiuc nuiyc phauk suiyq htenc kox nuex taq gay shuex.


Yuq muinz pungmungx htungx vlayx phvnc jix hez lung shomrawx htenc kuex lunghtunc kawz ikhoc tv-ngawk gay ruiux, Ashera tishox nyuiuz tvtsuingc juing htung yac, rvmuq ngoz ruiux vhomc vtumc tvy juing shomrawx htenc, yix maq mkaq muinz httax muq laz juing tuip gay shuex kvkaq jix, Israel miqsaz htenc mvrax kuex dawc kuy rvhumc wuez tuex.


Kvkhoc ruec tvraung, nuimshiq kuex ralx yauk wawc dungc yuz wvnc tvkoc lvwvnz hvlc mvre htenc nuex ngaungc wvnc dvnc vshuinx. Dungc yuz wvnc tvkoc nuimshiq rueq tvhungx vshuinx kuex rvkhauk laz! Nuimshiq rueq nuimshiq mvre htenc kuex lvwvnz hvlc yuz yaq ngoz tueq tvmaung vshuinx, yuq muinz nuimshiq yurc jix hez kuex kvmac muinz vlvwvnz!


Tsuingshiq rueq ngaz kox wawc tharc wiz muq maq Ejip nuex kaz vtueq romc kuy tvkoc thoz tueq. Tsuingshiq kuex tsuingshiq muex tvkhup wungx kuy tvkoc Ejip kuex roc wuez yaq, kvkhoc rvtueq tsuingshiq kuex Ejip hokhvmx waz muex tvluimc wuez yaq.


Ejip mungx nuex romc kuy tvkoc thoz kay jix kuex vphoc rvhumc yaq! Tsuingshiq kuex Ejip mungx nuex paung yaung yaq nolaungx hungc, mvre htenc, nolaungx renc htenc nuiyc nolaungx bix htenc muex tvluimc wuez yaq. Yuq muinz tsuingshiq kuex Yehowa Israel muex vsawc Tishox muex kvmx muq, romc kuy tvkoc muinz vpiq kox wawc thoz muq.


Ejip miqsaz htenc kuex tishox htenc rvmuq, tsuingshiq kuex miqsaz dvyx rvtueq. Tsuingshiq mvre htenc muinz jungdungc htauk nuex jvnc yaq siyac rvmuq. Yehowa rueq yauk shuimx ruiux yuq, hungc vlaungc httaz hvlc miqphvnx kuex bunx tuex, romc kuy lvp wvnc jix hungc vnulx miqphvnx muinz dvy wvnc tuex. Nuk nueyc wvtaungx tvbac gay rvhumc tuex.


Ngaz rueq honoc waz muingc maq nuimhez rulc rvlongx palx taungx. Nuimhez wawc mvre nuex ngaungc jix miq vpaung humc ruiux kuex, ngaz rueq nuimshiq muex vngaungc juing mvre 2,000 kuq phaungx.


M-nox jix sahez kuex ngaz rulc taq shuiuz, kvkaq ngaz rueq tsuinghez kuex tvwungx shaungx. M-mvntix nyuiuz hez kuex ngvy htauk nuex kvnanc kvnvp wuez yaq.


Ngaz rueq nuimshiq htauk nuex vsawc yuix shvy vtueq nuimshiq yac yuimx lotlaz nuiyc nuimshiq muex tvshuy shac yaq phvnx ruip saz kvwawc, nuimshiq kuex tvsawc nawc wvnc phaungx.


Tsuingshiq rueq miqsuirc vsac yac yuimx htenc maq tsuingshiq gvnz kuex mkaq muinz tvshuy shac shuex rvmuq. Tsuingshiq yaq tueq mvrax tsuingshiq pumz kuex tvbac gay shuex rvmuq. Tsuingshiq yaq wvnc tueq mvrax lotlaz wawc muinz, ngaz muex kvlauc lawc phuex kvwawc muinz tsuingshiq kuex tvdung wvnc shaungx. Ngaz rueq tsuingshiq kuex tvsawc nawc shaungx, tsuingshiq kuex ngvy miqsaz yaungx ruiux, ngaz kuex tsuingshiq Tishox yaungx taungx.


Israel miqsaz rueq raungnvp maq raungx tvyac laz shuimx yaq phvnx ruip saz kuex khuec guez nuiyc vbac gay juing dvyx rvtueq. Vkhawc vlvlc nuiyc yauk laungc yalawx phvnx kuex tsuingshiq nuex pinhtumc paung wvnc tueq. Tsuingshiq rueq Asiria rulc bomshuit taq ruiux Ejip miqsaz rulc pvkac pvylvyc yauk shuimc vdvmz nuex shuimx tueq.”


Tsuingshiq kuex miqsaz thuinz vmungx maq vshvmx tvdung vtueq miqsaz yauk maq vtvhungx kuimphox yac yuimx htenc kuex nawk palx vtueq yaq wuez yaq. Kvruex yimaq tsuingshiq rueq, “Tsuingshiq muex shomc nawk juing maq shomc kuq shuinz!” ngoz yaq. Miq htenc kuex vruex yac yuimx htenc rulc muinz, manx pung shvmx vyac htenc kuex yvmx khoc lac pvmx shup lvp shvnx!


Israel miqsaz kuex yac yuimx htenc rulc yvmx muinz seng muq shex; tsuingshiq vjux thoz bomc kuex tvralc kuq vtueq tsuingshiq muex tvkhup wungx kuq shaungx; Wuiljuit wuiljaungx pulx ikhoc ngaz kuex tsuingshiq kvwungx juing muex yaungx taungx; Ngaz kuex tsuingshiq lotlaz muex ruimrix kejux dungc jungx rvtauk.”


Ngaz rueq piq muex Bala muingc kuex mkaq muinz tvjungc yek shaungx rvmuq.


Tsuingshiq rueq pulx htaq vshiz wawc romzyac htenc thoz yaq nyix! Tsuingshiq rueq vtuiuz roc phvnx kuex janx htaq vshiz rueq jungx kuq yaq nyix! Tsuingshiq kuex ngvy kox wawc kaz wvnc wuez vtuex. Mephex nyuiuz yaungx yaq yalxjuik nyuiuz shiz ikhoc, tsuingshiq pumz htenc kuex vganc tishox htenc muex lekuq gay wuez tueq.


“Israel piq kuex mtanc lac thuiuz yaq nguinx kvmuinz, Yuda piq mac mtanc lac mac yaq nguinx kvmuinz khiz shuex nuex, Israel kuex Asiria kox nuex kaz vtueq romc kuy tvkoc honoc yungx waz muex wisoz shuex, yuq muinz piq rueq tsuingshiq muex phemc kuq lot muq, tsuingshiq mac kuex tvhvlc lot muq.


Israel kuex vruc hituiuc kuiux shiz ikhoc baungshiz maq baungshiz nuex kvhttot khuemx yaq; piq miqsaz htenc kuex vphaungc romc kuy rvhumc tvkoc Ejip wawc thoz tueq, kvruex yimaq tsuingshiq rueq Asiria kox nuex yuz wvnc tueq!


Thamtharc thenc yaq Israel miqsaz washiz rueq yac yuimx tvhungx yaq, kvruex kuex vsuing tishox vshiz rvmuq! Samaria ghaq nuex nawk palx yaq kuimshawx manx pung yac kuex tvbunx jek gay rvhumc tuex!


Israel miqsaz kuex loze vtsvy ikhoc khux tsanz vtueq tsuingshiq rueq vroc khuemx yaq. Tsuingshiq kuex Asiria mungx wawc romc kuy thuiyx kaz tueq, vhtawz vrawz kuq vtueq mungganc wuinz rueq tvkhup wungx kuy kuex rvhumc yaq.


Kvruex yimaq Yehowa rueq ngaq kuiux muex nvr koq tueq ngaq kuiux rueq Yona kuex taungkawx htauk nuex phaay gay waung tueq.


Kvkaq yac yuimx htenc muingc jungc kuex mungtan kvwawc tvhttot lvmz gay shuex, yix maq uraq muinz rvwvl yek shuex rvmuq shex. Shvmmax yaungc tvkoc jungc jix ukhaq muinz ngaz rueq lvmz gay ruiux, yac yuimx htenc nawk palx muex raungc raq thuinz htenc kuex lvmz gay shaungx.


“Ngaz waung wvnc taungx nuex, nuimshiq kuex nojix sahez ikhoc gay shec phaungx rvmuq; nuimshiq kox nuex ngaz kaz yek raungx.


Hokhvmx waz rueq piq ralx daungx tvkoc mvre paunghvlc tvy mvy muq, Ejip mungx nuex mkaq muinz yek kay mvy muq, ngoz tueq Yehowa rueq vpiq miqsaz muex jungx tueq ningkhvnc nuex kvruex mungx wawc mvre rez kay tvkoc miq kuex tvkay mvy muq.


Síguenos en:

Anuncios


Anuncios


¡Síguenos en WhatsApp! Síguenos