Matthew 10:16 - ASII LAKDAP Bible (BSI)

¹⁶ “Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.

Hawa Naga Bible 2001

¹⁶ “Tay shuinz! Khelbuenx kuex shoalx phungc nuex tvkaz gay shix ikhoc ngaz rueq nuimhez kuex tvkaz vphaungx. Kvkhoc rvtueq nuimhez kuex puiuc ikhoc tharc httax vtueq, hituiuc ikhoc thuinz tv-nyenz shuinz.

Muklom

¹⁶ “Inkaku tang jaktung na kelwut tang mal nga nim takat phang. Ethi rangma nim pu tang mal asoalat ang ching etho wotopin tang mal anin ang ching.

Matthew 10:16 Referencias Cruzadas

RAPHA HIQWA LAK 3:1

Riita Tati Shiikeawe raq paü ka pinthum khonglaq phansangto. Kiimaq paü raq maiq nyung ma waito, “Shiikeawe raq ümniima sonruk mong wa petsi ka chongshi ra wiimin naq siq rongkiq nguta ngohea dea shea nguta?”

RAPHA HIQWA LAK 3:13

Kiijiishe Tati Shiikeawe raq jechak nyung kiima waito, “Ümniiraq ara jamlai wa riilaü?” Kriinyung raq treto, “Paü raq ngi lao raüta tiisiqto.”

NEHEMIA 4:13

Arkha niishe, ngi raq jaqshamti maiq loweatek raq nepjasai hi wiraq, piq kii shamraq, kiimaq kali liq wiraq chhaq miishe tiichap wan kang. Latiishe, ruk pu mitiihea lot shaq baba thun kiijaq, maiqweraü aweatek maq ruk jai ba kiina sontri tsong shat maq tiikhe kang.

JEREMIA 40:16

Shatmaq Gedalia raq treto, “Kriika naq riikiq! Ümniiraq Ishmael ma bom nyan tlaü kriika teng mak!”

Hosea 7:11

Angi parokaü phephiiq raitlaq ikha, Israilnok ka phephiiq raitlo, apha na Ejip mung tijong hokito! Kra jai maq Asiria mung tijong hokito! tsangshiq raq ngi alaq riibaiqto.

Matthew 24:25

Taironglaq! Ngi raq namshiq ma akhing misaü shaq na chongkuq tiipha ara tsan na samhea tiitsang rong laq.”

Matthew 24:45

“Riita ikhiijiika juwa atsii asi kiimaq maiqshaq jaqshi se ka? Apaiq ma atijong we raq, apaiq ka wanhiq na kaiho ma, ajamkun kra mitiikhe thü. Kiimaq ajaqshisetiim ahinti sitlaq kriima akhing khaq khaq na tü adung tiiphaq siq lili riiliijo nguta apaiq ma arang mikuq thü.

Matthew 25:2

Nyung biingi ka maiqkhü. Kiimaq nyung biingi ka maiqshaq.

Matthew 25:4

Shatmaq maiqshaq nyungtiim riika tsangshiq lemtem krai hamlii tsabum setiim na wanii kham olip tsai ka achan amachhaq lamho raüta kihoto.

Matthew 25:9

‘Ahü, nashiq tarü miika loq mak miraq. Namshiq ka kat wa riki rongkiq’ nguta treto.

Luke 10:3

Kirong laq! Ngi raq namshiq ka skuse kong aransetiim ka, shekong phong na tiikai ikha tiiki tiikang.

Luke 21:15

Ara jamkhano chongkuqtiikang ngukla, ngi raq namshiq ma phaqchi mikuq kang. Namshiq raq maiqmii khum tiikhe bomchong ka, namjaqti nok raq jurmin khü lot mak chang bom michong kuq han.

Acts 20:29

Ngi raq asap ha, i kiim tiijinho jai, namshiq phana bihea pinthum shekong kriishe misaü wan. Raüta, tsangshiq raq skuse kong ka wiita mitiiküshii baiq.

1 Corinthians 14:20

I phu I notiim lei, namshiq ka namshiq tiima na noshiisetiim ikhiika naqsi rongkiq she. Abi ati lam phan niika, noshii setiim ikha si ronglaq. Shatmaq ahea lam phan niika, namshiq tiima tsantsii ka nyungwere tsii ikhiishe tsii ronglaq.

2 Corinthians 1:12

Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.

2 Corinthians 11:14

Arka jamlai awangrai chang bomtsi ka riimak! Thawe kiimin, apaiq khum ka ra wa rase ikha ja raüta, tiichan miine sitlo!

2 Corinthians 11:3

Ngi hairai tiikang arka, Ewaq ka jamkho lao wa taq, kiikha namshiq kiimin laoho jiiqla, nguta hai tiikang. Paü ka lulesang. Apaiq raq Ewaq ka lao wato. Kiikhiisii hali, namshiq tsantsii kiimin, apaiq raq mirap wiiqho. Raüta, namshiq tsantsii ka, Khristo lungwii tlan kiiwa, thawe raq mitiishonho.

2 Corinthians 8:20

Naishiq raq ara jaqchii jichii maq akuq wan ramrit jaqmiiq ara, phea nyinke wan khuthaq na jam bom dong mak chang miitu, shiithuk shiitsom maq phea nyinke miitu, tsii lamshat sitiikai.

Philippians 2:15

Akha sihan jiitiq, namshiq ka jamlai shutphit min ahü, siirairai awongsii Shiikeawe setiim ma mija wan lot han. Namshiq ka ara boqtham chum ikha, mangjong ngarai maiqse phong na sitlan. Namshiq ka tsangshiq phong na, ra na raiqsaiq chhainyii liliim tlaq kiikha, achhai anyii maq si rong laq.

Colossians 1:9

Ara chongtiikai, namshiq raq Shiikeawe mangchan sap wan lan thun ara ningkhan, naishiq raq namshiq tsütsa ahea kra tai kai ranaiq miiphat, namshiq miitu achu jaükuq wan ruq miili sitiikai. Naishiq raq Shiikeawe jaq wa, namshiq tsan nai mongjii ka apaiq raq jamlai wa tiima tlaq, kra poshi min tiikhea man maq, sap wan miitu anyan phaqchi ama asho awo mithü kuq laq nguta achu jaü tiikai. Kiimaq Asii Wenyi raq ümchuwa phaqchi jonghea rüm tlaq, kiimaq ümchuwa taksu tsii rüm tlaq, kra namshiq ma asho awo thap raüta miphea kuq laq nguta achu jaü tiikai.

Colossians 4:5

Thatsang maiqsetiim rai riibom lam maq, tsiilam shat maq sirong laq. Tsangshiq rai riihum tlan akhingtek na, nambom namsa na Phungmaiqse rilung angu asi maq bom ronglaq. Lanta kra riihum akhing ka amiinu asi ma tiija ronglaq.

1 Thessalonians 2:10

Naishiq raq namshiq ma ara Tsütsa Ahea chongkuq kai irka, tiima tsantsii siirairai, tingting, kiimaq tsan na jamlai ajiq tiima ahü miidea shamkuqkai nguta, naishiq ma hakhi ketibi ka namshiq sitlan. Kiimaq Shiikeawe riimin achhi.

1 Thessalonians 5:22

Kiimaq, jamlai wa abi phan kriika, mak miimin naq lii rongkiq.