Matthew 10:16 - Hawa Naga Bible 2001

¹⁶ “Tay shuinz! Khelbuenx kuex shoalx phungc nuex tvkaz gay shix ikhoc ngaz rueq nuimhez kuex tvkaz vphaungx. Kvkhoc rvtueq nuimhez kuex puiuc ikhoc tharc httax vtueq, hituiuc ikhoc thuinz tv-nyenz shuinz.

ASII LAKDAP Bible (BSI)

¹⁶ “Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.

Muklom

¹⁶ “Inkaku tang jaktung na kelwut tang mal nga nim takat phang. Ethi rangma nim pu tang mal asoalat ang ching etho wotopin tang mal anin ang ching.

Matthew 10:16 Referencias Cruzadas

RAPHA HIQWA LAK 3:1

Majuiuc puiuc kuex Yehowa Tishox rueq vtvdung sung phvnx ngvmx saz htenc wawc rot kaq hvlc phvnx yawxsaz rvtueq. Puiuc kvraq yalxjuik nyuiuz kvmac ngoc, “Tishox rueq sunc mungx nuex httax yaq pulx thuey jungx htenc kvwawc vthuey kuex svy mvy muq ngoz tueq vsuing haz jungx shec tvnx?” ngoz tueq wiz tueq.

RAPHA HIQWA LAK 3:13

Yehowa Tishox rueq yalxjuik nyuiuz kvmac ngoc, “Mnoz rueq yvmx rvtueq lac kvkhoc rvtonx?” ngoz tueq wiz tueq. Piq rueq, “Puiuc rueq ngaz muex laulawc ningkhvnc nuex saq gay tauk,” ngoz tueq jungx tueq.

NEHEMIA 4:13

Kvkhoc rvtueq ngaz rueq mungx miqsaz muex yaung, paq, laq htenc kuex tvshuimc vtueq, max lot shauk doc ruk phic kox kvyuq vtaungx tv-phvnc jvp juing tvlvmz tauk.

JEREMIA 40:16

Yuq muinz Gedalia rueq, “Kvkhoc nauk ruez kaz! Eshmael nuex tv-nyvnc vtueq mnoz rueq jungx vshuiux kuex vsuing rvmuq!” ngoz tueq tvralc tueq.

Hosea 7:11

Israel kuex vruc hituiuc kuiux shiz ikhoc baungshiz maq baungshiz nuex kvhttot khuemx yaq; piq miqsaz htenc kuex vphaungc romc kuy rvhumc tvkoc Ejip wawc thoz tueq, kvruex yimaq tsuingshiq rueq Asiria kox nuex yuz wvnc tueq!

Matthew 24:25

Tay shuinz! Vruex lvmz htenc max yaungx wvnc nuex ngaz rueq nuimshiq muex jungx kuq vphaungx.

Matthew 24:45

“Kvkhoc ngoz ruiux tvmtuing vhttax nvrc waz kuex mruex jix waz lac rvtvnx? Kvruex waz kuex vganc nvrc waz htenc guimz lawc muex nuiyc vkhing httuiuc ruiux phuiuz vsvy phvlc kuy tvkoc vjiyungx waz rueq vthvl taq waz rvtueq.

Matthew 25:2

Tsuingshiq hez wawc nyuiuz bv-ngac kuex miqyaq, nyuiuz bv-ngac kuex wvtharc rvtueq.

Matthew 25:4

wvtharc jix htenc kuex miqmac wvrkok htenc rulc vdvmz vpuiz tix vjvnc tauk khvp nuex htawc laq tueq.

Matthew 25:9

‘Wvtharc jix htenc rueq tvralc tueq, ‘Nuiyshiq tvkoc nuiyc nuimshiq tvkoc tauk kuex hungx muq rvtuex, vshaungc rvyaq kvwawc nuimhez tvkoc ruiyx kaz kuinz,’ ngoz tueq.

Luke 10:3

Kaz kuinz! Shoalx hez phungc nuex khelbuenx sahez ikhoc ngaz rueq nuimshiq kuex nvr tvkaz vphaungx.

Luke 21:15

Yvmx khoc lac ngoz ruiux lec nuimshiq ralx hez rueq khawx lot muq laz juing nuimshiq muex kvjaz hungc vlaungc nuiyc taksux tharc kuex ngaz rueq kuq phaungx.

Acts 20:29

Ngaz vguez yix nuex miq wvyvmc kuex nuimshiq kox nuex nyuip wvnc vtueq, guirguenz tvkuilc daz yaq shoalx htenc rueq ikhoc khelbuenx htenc muex menjenc muq maq guirguenz shuex lvmz kuex ngaz rueq tuiuz yaq.

1 Corinthians 14:20

Phunox bix lex, nuimshiq rueq tvmaung vshuinx lvmz nuex nosaz muex nauk yaungx kaz, honc vbac lvmx nuex dvyx nosaz rulx ikhoc yaungx wuez kuinz; tvmaung shuinx lvmx nuex kuex rullungx nyuiuz waz wvtharc jix ikhoc yaungx wuez kuinz.

2 Corinthians 1:12

Nuiyshiq thuinz vmungx nuex sawc ric maq kvsomc parc juing lvmx vshiz kuex, vruex mungkawx nuex naungshiq thuiuzthuic tvraungx vtix lvmx, jvnc vtueq nuimshiq rulc rvbomc nyamc vtix lvmx kuex miqsaz taksux tharc nuex rvwak miq maq, Tishox kejux luimc vkawc maq naungshiq kuex Tishox rueq vkuq vtsuing vrux thuinz maq yauk shuimc lvmx rvtueq.

2 Corinthians 11:14

Tsuingshiq rueq kvkhoc shuimx yaq kuex vwangc juing rvmuq! Satan doc muinz raungwuic kamx waz ikhoc kvguirc guenc lot yaq.

2 Corinthians 11:3

Ewa kuex puiuc tharc vkoarx vrot vkaq maq lauc rvhumc tueq ikhoc, nuimshiq muinz thuinz kvlayc wvnc vtueq Christu muex lungwawx raungc raq vshuinx kuex httvr gay liq luez ngoz tueq rvwvl vtaungx.

2 Corinthians 8:20

Vkhoc vkuy noalc roc thuinz maq kuq noalx yaq kuimphox vruex shuimc lvmc lvmx nuex nuiyshiq kuex naungnuk waz rueq mvrax tvgurc juing vguez tvkoc honc lvmz hvt maq shuimx vshix.

Philippians 2:15

Kvkhoc ngoz ruiux jix nuimshiq kuex mvrax lvp jix htenc httaz juing vruex mungkawx vyuq mvrax kop muq thuinz vsawc Tishox sahez shauk htenc ikhoc yaungx wvnc tuit. Kvkhoc nuimshiq rueq rullungx tvraungx kuq yaq bomjungc kuex jungphvnx kuq vtueq, raungx lotlaz nuex tvwuic kuq yaq ruiysuiyq htenc ikhoc nuimshiq hvlwvl nuex phelez wvnc tuex,

Colossians 1:9

Kvkhoc rvtueq nuimshiq thaungc tay wvnc tiq raungnuiyq maq phaungc vtueq, nuimshiq tvkoc nuiyshiq rueq mkaq muinz vjux thoz vshix. Nuimshiq kuex Tishox thuinroc lvmx tuiuz lvp vshuinx phaqjic, Siyac rueq vkuq taksux tharc nuiyc vtuiuz vtay htenc tvmvrc kuy rvhumc wuez kuinz Tishox kox wawc nuiyshiq rueq vjux thoz vshix.

Colossians 4:5

Nuimshiq rueq lvp wvnc tuit vkhangx vhvlx htenc kuex shuimx kaz vtueq, kvmluimx muq jix htumc nuex taksux tharc maq rvbomc nyamc wuez kuinz.

1 Thessalonians 2:10

Nuiyshiq kuex kvmluimx jix miqsaz nuimshiq rulc rvbomc nyamc wvnc tix nuex mvrax kop muq laz juing vsawc vlvmz shuimx kaz wvnc tiq kuex nuimshiq muinz hakhix muex yaungx tuit, Tishox muinz hakhix yaungx yaq.

1 Thessalonians 5:22

honc vbac phvnx vngoz lotlaz kuex koayc wuez shuinz.