Matthew 10:15 - Hawa Naga Bible 2001

¹⁵ Ngaz rueq nuimhez muex vsuing jungx kuq ix, Tishox rueq Khac phox shuex Raungnuiyq, kvruex ghaq miqsaz htenc kuex Sodom nuiyc Gomorra rvhumc wvnc tueq htauk nuex jvnc vtueq vgvrx rvhumc tuex.

ASII LAKDAP Bible (BSI)

¹⁵ Ngi raq chongtii- kang arka tengteng. Liirong laq, Phangthum Khapho Ranaiq na Shiikeawe raq kra chelati thun thaq na, Sodom chelati nai Gommora chelati miika, phanshi mangchan apa linlin mitiichhi kuq wan!”

Muklom

¹⁵ Nga nim ma khakla bat phang, Khaphung Saal o Sodom ni Gomorrah samhaq miqtang ma iri samhaq miqtang phey náng eq Shkewa manchan ahan takhina.”

Matthew 10:15 Referencias Cruzadas

Matthew 12:36

“Nuimshiq muex ngaz rueq jungx kuq ix, Muingphox shuex Raungnuiyq nuex miqsaz kuex miqmac rueq khuec guez vjungx kvjaz kvruex maq vphoc rvhumc tuex.

Matthew 5:18

Nuimshiq muex ngaz rueq vsuing jungx kuq ix, raungx nuiyc ghaq httax ruq wawwawx kuex Tvrac wawc luik kuiux thuey poshiz nuiyc vruinx saz kvjaz tvpat vshiz doc muinz moz maq kaz muq, kvruex luik nuex jungx shec tueq lotlaz kuex hungx wvnc tuex.

Matthew 7:22

Muingphoc raungnuiyq httuiuc tuex nuex, ‘Taungjix lex, Taungjix lex! Mmuingc jungx vtueq Tishox bomjungc kuex jungphvnx vshix nuiyc mmuingc maq htaungc paunghvlc yurc gay ruiux, mmuingc maq vwangc juing paunghvlc shuimx wvnc tiq,’ ngoz tueq miq paunghvlc rueq ngaz muex jungx wuez shuex.

Mark 6:11

Nuimhez miqghaq vshiz shiz nuex httuiuc kaz vtueq kvruex ghaq jix rueq nuimhez kuex tvduiz roc muq, tay kuq muq ngoz ruiux kuex, nuimhez yaz phac wawc bokkhuyx kuex nuiuc gay shec ruiux, kvruex maq kaz wvnc kuinz. Kvruex kuex tsuingshiq muex honc tvsvmz kuy lvmx rvtueq,” ngoz tueq jungx kuq tueq.

John 12:48

Ngaz kuex tvdux gay ruiux nuiyc ngvy bomjungc tsenz wvnc muq waz kuex phoc jix vganc washiz httax yaq; ngvy rueq jungx vshaungx bomjungc maq vtvsuip raungnuiyq kvruex waz muex phox kuq shuex.

John 6:39

Ngvy tvkay jix waz thuinroc lvmx kuex vpiq rueq ngaz muex lekuq shec phuex lotlaz kuex vshiz muinz moz maq kaz muq maq, vtvsuip raungnuiyq nuex yuing kvtenc wvnc juing lvmx rvtueq.

John 6:40

Yvmx khoc lac ngoz ruiux lec Iwaz thuinroc lvmx kuex, Vsaz kuex khiz vtueq kvmluimx wvnc jix lotlaz muex pattup rullungx lvp wvnc tvkoc lvmx rvtueq. Ngaz rueq muinz vtvsuip raungnuiyq nuex tsuingshiq kuex tvyuing tvtenc wvnc shaungx,” ngoz tueq jungx kuq tueq.

Acts 17:31

Yvmx khoc lac ngoz ruiux lec vpiq rueq vthvl taq waz maq mungkawx miqsaz muex tsuingrux khac phoc kuy tvkoc raungwuic kuex tvhungx taq shec tueq. Kvkhoc yaungx wvnc tueq lvmz kuex hakhix tvyaungc muex vpiq kuex vthueyc wawc tvyuing tvtenc wvnc tueq!”

1 Corinthians 3:13

Miq tek vtueq vguirx wvnc vhvlx nuiyc vbac kuex Christu httuiuc kaz tuex Raungnuiyq kvkaq jix kvkhic wvnc tuex. Yvmx khoc lac ngoz ruiux lec kvruex Raungnuiyq wvr rueq miq tek vtueq shuimx wvnc tueq yauk shuimc kuex tvkhic wvnc shuex, kvruex wvr kvraq vshiz maq vshiz rueq shuimx wvnc tueq yauk shuimc kuex talx lawc wvnc shuex.

1 Thessalonians 5:4

Yuq muinz phunox bix lex, nuimshiq kuex raungnyauk mungx nuex httaz jix rvmuq ningkhvnc nuex, Taungjix httuiuc kaz yaq raungnuiyq kuex vguiuq waz ikhoc nuimshiq tvkoc vhuingc juing rvmuq.

Hebrews 10:25

Vdvmz dvmz htunghtez rvtuimx htungx vlayx kuex wvyvmc rueq httvr gay yaq, naungshiq rueq kvkhoc kuex httvr gay miq maq httax wuez ix. Taungjix httuiuc kay yek Raungnuiyq vnyek shex kuex nuimshiq rueq tuiuz vshuinx ningkhvnc nuex, vdvmz dvmz pinhtumc hungc vlaungc rvkuy wuez ix.

2 Peter 2:6

Tishox rueq Sodom nuiyc Gomorra ghaqyungx kuex wvr maq tvbac gay ruiux, tvrac phvnx muq jix htenc nuex yvmx khoc lac yaungx wvnc yaq nguinx layx tvkhic juing tvhungx shec tueq.

2 Peter 2:9

Kvkhoc rvtueq Taungjix rueq tvrac tvtsanc jix htenc tsuingshiq rvhumc yaq taruiyx lvmz htenc mungx kvwawc yvmx khoc palc wvnc juing lac nuiyc honc vbac jix htenc muex khac phoc Raungnuiyq nuex httuiuc laz, yvmx khoc murx tvgurc juing lac kvmuinz vpiq rueq tuiuz yaq.

2 Peter 3:7

Yuq muinz Tishox rueq majuiuc httax yaq raungx nuiyc ghaq vruex kuex wvr maq tvbac juiuz gay nuex httuiuc laz kvruex vnvrc bomc kuex httax hvt dvyx httax yaq. Tsuingshiq kuex tvrac tvtsanc muq miqsaz htenc rulc vdvmz phox vtueq tvbac gay raungnuiyq nuex httuiuc laz taq hvt dvyx taq yaq.

1 John 4:17

Naungshiq nuex vpiq lungwawc thuinz hunghtaungx mvrc yaq ningkhvnc nuex, Khac phox shuex Raungnuiyq naungshiq rueq khvmc thuinz kuex lvp wvnc shix; yvmx khoc lac ngoz ruiux lec mungkawx vyuq naungshiq rullungx tvraungx lvmx kuex Christu rullungx tvraungx lvmx rulc rv-ngvlc dvyx rvtueq.

Jude 1:6

Miqmac rueq vlvp taq vrangx vpangx nuex thuinz suing muq rvtueq, miqmac ghaq vraungx gay shec kay wvnc jix raungkamx bix lvmx kvmuinz rvwvl wuez shuinz. Tishox vpiq rueq phox kuq shuex Raungnuiyq vyungx nuex tsuingshiq muex phox kuq ruiux murx tvgurc tvkoc raungnyauk mungx nuex pattup yanx ruiuz maq khvrc taq gay tueq.

Jude 1:7

Sodom nuiyc Gomorra kvmuinz, kvruex tvroz wawc ghaqyungx htenc kvmuinz rvwvl wuez shuinz, kvruex ghaqyungx htenc wawc mungx miqsaz htenc kuex raungkamx bix ikhoc sahtok sapawx lvmx phvnx vtueq, miq taungwaz, miq taungnyuiuz htenc rulc yaq wvnc wuez tueq; miq lotlaz muex raungshuex raung tvkhic honc tvsvmz kuy lvmx maq, tsuingshiq kuex pattup luic yaq wvr mungx nuex murx tvgurc rvhumc wuez tueq.