Matthew 10:14 - Hawa Naga Bible 2001

¹⁴ Nuimhez kuex malc wvnc muq maq nuimhez kvjaz kuex tay roc muq ngoz ruiux yuq, kvruex yuimx wawc, rvmuq ngoz ruiux kvruex baung kvwawc dung kaz wvnc vtueq nuimhez yaz nuex kop yaq bokkhuyx kuex nuiuc gay shec shuinz.

ASII LAKDAP Bible (BSI)

¹⁴ Kiimahali, juta jamti riiwa namshiq ka tao wan mak, lo ümriiti chela riiwa namshiq ka tao wan mak riijiiq, lo namshiq raq achongkuq wan han traho bomtsi kra tai wan romak riijiiq, kra riihaü jiila, namshiq raq kriiti miika, jainong shung thü tlii riirong laq. Kiimaq namshiq hok wa botkhulai kra dongdii min, jai nü na anaü riibaiq thü rong laq.

Muklom

¹⁴ Etho ashey him tia samhaq shey nim jaqhal eq rimrang pha min ang ajo etho nim raaq tat moq ang ajo, eshi haq sha shingchak rangham tho nim jaa wang botkhi shi thalnak inn.

Matthew 10:14 Referencias Cruzadas

NEHEMIA 5:13

Kvruex yimaq ngaz rueq ngvy khemenc kuex lvmz vtueq nuiuc ruiux raz tueq, “Miqmac bomkhvmc phvnx muq waz kuex Tishox rueq vkhoc nuiuc gay shuex. Nuimshiq yuimx htenc nuiyc taungx vwawx phvnx ruip saz kuex Tishox rueq lvmz gay shuex ningkhvnc nuex nuimshiq tvkoc yvmx muinz kvjungx tuex rvmuq,” ngoz kuq tueq. Kvruex yuq httax yaq miq htenc rueq, “Amen!” ngoz tueq tvralc wuez ruiux Yehowa muex tvtsvmc wuez tueq. Walaungx bix rueq muinz miqmac bomkhvmc rulc rv-ngvlc shuimx wuez tueq.

Matthew 10:13

Kvruex yuimx taungx jix rueq nuimhez muex malc wvnc ruiux yuq, nuimhez ruimruimx bomc kuex tsuingshiq htauk nuex mhttax kueq; yuq muinz nuimhez kuex tsuingshiq rueq malc wvnc muq ngoz ruiux yuq, nuimhez ruimruimx bomc kuex nuimhez kox nuex m-yek yek kueq.

Matthew 18:5

Kvmaq nosaz saz vkhoc washiz muex ngvy muingc maq malc lvy jix waz kuex ukhaq yuq muinz, ngaz kuex malc wvnc rvtueq.

Mark 6:11

Nuimhez miqghaq vshiz shiz nuex httuiuc kaz vtueq kvruex ghaq jix rueq nuimhez kuex tvduiz roc muq, tay kuq muq ngoz ruiux kuex, nuimhez yaz phac wawc bokkhuyx kuex nuiuc gay shec ruiux, kvruex maq kaz wvnc kuinz. Kvruex kuex tsuingshiq muex honc tvsvmz kuy lvmx rvtueq,” ngoz tueq jungx kuq tueq.

Mark 9:37

“Nosaz saz vruex wawc ngvy muingc maq malc lvy jix waz ukhaq yuq muinz, ngaz muex malc lvy rvtueq, kvmaq ngvy tvkay jix waz kuex malc lvy muinz rvtueq,” ngoz tueq jungx tueq.

Luke 9:48

“Ngvy muingc maq vruex nosaz saz kuex malc lvy jix waz kuex ngvy malc lvy jix waz rvtueq. Kvmaq ngvy malc lvy jix waz kuex ngvy nvrc jix waz kvruex malc lvy rvtueq. Nuimshiq phungc wawc vruinx pinhtumc waz kuex vyungx muex yaungx tuex,” ngoz tueq.

Luke 9:5

Nuimshiq malc wvnc muq ngoz ruiux kuex kvruex ghaq kvmaq kvtenc wvnc tuinx yuq, tsuingshiq tvkoc hakhix m-yaungx kueq nuimshiq yaz nuex kop yaq bokkhuyx kuex nuiuc tvdvy shec shuinz,” ngoz tueq jungx tueq.

John 13:20

Ngaz rueq nuimshiq muex vsuing jungx kuq ix, ngaz rueq tvkaz shaungx waz kvruex lvp wvnc jix waz kuex ngvy lvp jix waz rvtueq, ngvy lvp jix waz muinz ngvy tvkay jix waz kuex lvp tvy rvtueq,” ngoz tueq.

Acts 13:51

Kamx waz nueyc kuex tsuingshiq rueq ruez tueq lvmx kuex khawc lvlc ikhoc muex miqmac yaz wawc bokkhuyx kuex nuiuc gay shec ruiux Ikonium nuex kaz wvnc tueq.

Acts 18:6

Kvkaq tsuingshiq rueq piq kuex khawc lvlc ngoc ngac lvy ningkhvnc nuex Polu rueq vsvmhung wawc bokkhuyx kuex nuiuc ruiux vkhoc ngoz tueq, “Nuimshiq batac rvhumc wvnc ruiux kuex nuimshiq mvrax dvyx rvtueq, ngvy mvrax kuex rvmuq! Majuiuc vmaq kuex Pungnuk miqsaz kox nuex shex kaz wvnc taungx,” ngoz tueq jungx tueq.

1 Thessalonians 4:8

Kvkhoc rvtueq vkhoc tvluing kuy lvmx kuex tvdux gay jix waz ukhaq yuq muinz, Vsawc Siyac kuy jix waz Tishox muex tvdux gay rvtueq.